صحيت لقيت جسمي كله مكسر ! الظاهر إني نمت نومة تقيلة ! و حاولت أشوف أي حاجة تدل على إني مكنتش بحلم ! لكن هدومي مكنش عليها نقطة دم ! مكنش فيه أي خدوش على جسمي ! , و ملقتش أي حاجة غريبة في البيت جهزت نفسي عشان أنزل ع الشغل ! و أبدأ اليوم من أوله ! أيوة ,, أنا بشتغل !!! بشتغل في زراعة أرض من أراضي الحاج خليل ... راجل كدا كل ما اشوفه أحس إنه والد أكتر من رئيس شغل ! لدرجة إنه لما رحت له عشان أشوف شغلانة .. رد عليا إنه يديني جزء كبير من ثروته ! لأني في النهاية الإبن الأخير للعشيرة ! للمرة التانية الكلمة دي بتتكرر ! الحقيقة أنا مققرتش آخد الشغلانة عشان الفلوس على قد ما أنا عايزها عشان ألعب مع الحيوانات اللي في الأرض ! آه , أنا بحب الحيوانات جدآ من صغري !! رحت على الأرض على طول ! و لقيت الحاج خليل واقف هو و .... هو و ظابط ! , كانوا بيزعقوا جامد أوي ... لكن أول ما جيت بطلوا زعيق ! الظابط لما شافني بص في وشي بكل غيظ كأنه كان عايز يدفنني ! مشي ! و رحت للحاج خليل عشان أسأله ! إبتسم في وشي و سلم عليا و قال لي دا بس جه عشان موضوع بيننا و خلصته ! طبعآ مصدقتوش لكن , أنا مالي ! مش شغلتي خلصت يومي و مرهق حبتين ! و رجعت بيتي ! و لقيت راجل شكله من أهل القرية ! أول ما بصيت له ! - سلامو عليكو - عليكم السلام و رحمة الله - ......... دا !! دا !! الراجل الظابط اللي أنا شفته لابس جلابية ! سحبني من إيدي على بيتي , و دخلنا هناك ! و بدأ يسألني ! إنتا ليه أهل القرية بيعاملوك المعاملة دي !!؟ ليه خليل كان مستعد يديك نص ثروته ؟! ليه الشيخ عبد الصمد بنى لك أحسن بيت في القرية !؟ ليه ,, ليه ,, ليه !؟!؟! بصراحة أنا مش قادر أرد عليه لأني أنا نفسي معرفش ..! قطع كلامنا دخول الحاج خليل ! و حصل نفس أول مرة ! إبتسم لي ! بعدها كلم الظابط دا " بعد إذنك يا يس ! هناخد منك خالد باشا عشان نعمل معاه واجب الضيافة ! واضح إنه جه من غير إذن كمان " و بدأ يروح لخالد دا بمتهى الهدوء و يسحبه معاه ! و خالد عمال يرتجف ! لحد ما مشيوا من البيت ! حمدت ربنا إنه مشي و سابني في حالي ! نمت نوم عميق جدآ ! و صحيت منه فايق ! لكن مش هية النومة اللي كنت عايزها لأنه قطع حلمي حاجة عكرته جدآ ! شفت إني كنت واقف قدام السرداب دا تفتكروا هعمل إيه ؟! لو فاكرين إني هروح هناك ! فكروا تاني !! أو متفكروش في الحكاية دي أصلآ رحت للأرض كالعادة عشان الشغل هناك ! و بدأت أشتغل في الأرض لكن إتكعبلت في حاجة !!! دي جلابية ! و غرقانة دم ! عارفين يعني إيه ! يعني لونها أحمر !!!!! دا بتاعت الظابط !!! أيوة لما فتشت جيوبها لقيت فيها بطاقة بإسم خالد عبد السلام الكفراوي و لقيت صورة الراجل دا كانت الساعة جاية على قبل المغرب بشوية ! رحت جري , على السرداب دا لكن لقيت ناس قاعدين هناك ! و كان معاهم أسلحة قربت منهم أسألهم بيعملوا إيه هنا ! - الشيخ عبد الصمد قالنا نحرس المكان , و مفيش أي حد يدخله إلا بإذن ! دي القانون الأول في قريتنا ! الإستئذان رجعت و في وشي إبتسامة خبيثة جدآ ! و أنا بقول ( محدش يقدر يقول لأ لـ " اللص الأبيض " ) قررت أفكر في أي طريقة تدخلني ! لحد ما قررت أولع نار قريب من المكان دا ! و فعلآ ولعت نار ! ما لبثت أن بدأت تكبر لحد ما جريو كلهم عليها عشان يعرفوا اللي حصل ! تسللت لجوا في غروب الشمس بالظبط ! و أنا بحاول أشوف أي حاجة في الضلمة ! لحد ما دست على حاجة طرية ! , حاولت ألمسها ! مسكتها ! دي .... دي رجل بني آدم !!!!! أيوة رجل مقطوعة لبني آدم نطيت من مكان و وقعت من ع السلم لحد ما وصلت لتحت خالص ! لقيت نار والعة متعلقة ع الحيطان ! و منظر شكله هيكون الأخير في حياتي ! لأني مستحملتوش دا كان واحد لابس لبس شرطة ! و متعلق بـ خطافين !! من عنيه اليمين و الشمال ! , و كان عمال يطلع آهات خفيفة ! كان لسا مماتش ! و كان مكتوب ع الحيط كلام واضح جدآ ناقر , أسموم , كهنوت , سرداق " ملعون , أنقذنا من عذابنا يابن العشـ.... مكملتش قراية لأني لاحظت حاجة غريبة ! رقبة الراجل دا بتتفك من بعضها ! و في لحظة ! الراجل !!! راسه إتفصلت عن جسمه !!! وقعت ع الأرض من الصدمة و فتحت عيني عشان ألاقي نفسي في ......
يتبع ...
_____________________________________________________________
ارجوا ان تكون القصه نالت اعجابكم برجاء المشاركه
ليست هناك تعليقات:
إرسال تعليق