قلب لا يعرف الحب الحلقة (23)

.

انتقام




حملها ادهم الى سيارة الاسعاف وهى تصرخ من الالم وهى متشبثة به

ادهم:حبيبتى اهدى خيران شاء الله

نور:بطنى ياادهم هموت

قبل يدها وهو يبكى:حبيبتى متخافيش هتبقى كويسة

نور:مش قادرة تعبانة اوى

انطلقت بهم سيارة الاسعاف الى المشفى ودخلت نور حجرة العمليات وادهم بالخارج وانضم اليه فادى وريما وتقى

فادى:ادهم شو اللى صار

ادهم:المبنى اللى كان هيتعمل جيم وسونا النار مسكت فيه وربنا ستر انه مكنش فيه اجهزة ولا اى حاجة

تقى:طيب نور عاملة ازى تنط كده وهى حامل

ادمعت عينه :غصب عنى مكنش ينفع اسيبها النار كانت خلاص وصلت المبنى كله كان ممكن نموت

بس ربنا يستر عليها



فادى:ما تخاف خير ان شاء الله

ادهم:يارب استر

بعد حوالى ساعة خرج اليهم الطبيب فاسرع اليه ادهم:خير يا دكتور

الطبيب:خير ان شاء الله ربنا ستر المدام والبيبى بخير الحمد لله

سجد ادهم على الارض وهو يبكى ثم وقف امام الطبيب:طيب يادكتور الوقعة كانت صعبة

الطبيب:ايوه بس نزلت على حاجة طرية وكمان الدور مكنش عالى اوى المهم انها بخير بس طبعا ممنوع الحركة عليها مش اقل من شهر نهائى

ادهم:طبعا يا دكتور بس ممكن ادخل اطمن عليها

الطبيب:هتنتقل اوضة عادية وممكن تدخل تشوفها بس ممنوع الاجهاد خالص

ادهم:حاضر بس اشوفها بس

انتقلت نور الى غرفة عادية والكل حولها ليطمئنوا عليها بعد فترة بدات تفيق وكان ادهم بجوارها يحتضن كفها بيده نادت عليه بصوت ضعيف :ادهم

ادهم:ايه يا حبيبتى انا اهو حمد لله على السلامة

نور:الله يسلمك وضعت يدها على بطنها

فامسك بها ادهم:متخافيش يا قلبى ابننا بخير الحمد لله اطمنى

نور بفرحة:بجد ياادهم هو كويس

ادهم:زى الفل الدكتور طمنى بس قالى بقى ماما نور متقومش من السرير خالص مفهوم

ابتسمت نور:مفهوم يا حبيبىى

تقى:حمد لله على السلامة يا نور

نور:الله يسلمك يا تقى

ريما:الله ستر عليكى حبيبتى الله يحفظك

نور:ايوه الحمد لله

رن هاتف ادهم فخرج من الغرفة ليتحدث:ايوه يا زياد هاا عملت ايه

زياد:ايوه ياادهم كله تمام الحمد لله انها جت على اد كده طمنى على نور

ادهم:الحمد لله يا زياد ربنا ستر هى والبيبى بخير

زياد:الحمد لله ياادهم ربنا يحفظهوملك

ادهم:يارب يا زياد بقولك ايه خلى العمال يفتشوا المكان ممكن يكون فى حاجة تانية

زياد:تمام بس النيابة على وصول مش هتيجى

ادهم بسرعة:زياد اوعى تقول حاجة انا جاى على طول مفهوم

زياد:طيب بس ليه

ادهم:بعدين يا زياد بعدين

دخل غرفة نور:حبيبتى معلش هروح القرية وارجع على طول

نور:ليه حصل حاجة

ادهم:لا كله تمام بس النيابة زمانها على وصول ولازم اكون هناك

فادى:راح نتهم مين ادهم

ادهم بتفكير:مفيش حد

نور:ازاى ياادهم لا اكيد مروان

ادهم:وايه اللى يثبت

نور:المشاكل اللى بينكم مش دليل

ادهم:لا طبعا ده مجرد كلام مع انى عارف ومتاكد انه هو بس حسابه معايا انا

امسكت بيده:ادهم عشان خاطرى بلاش تهور كفاية اللى حصل لحد كده

نزل امامها:وغلاوتك انتى اللى عمله ده مش هيعدى بالساهل ابدا

نور:ادهم حرام عليك انا خايفة متبعدش عنى

ادهم:اوعى تخافى يا نور طول ماانا جنبك

نور:ماهو عايز تسبنى لوحدى انا وابنك

ادهم:متخافيش انا مش سايبك لوحدك

فادى:اكييد نحنا معك نور ما تخافى

ادهم:مش لوحدك وبس يا فادى




سمعوا دقات على باب الغرفة ففتح فادى فوجود رجلين ضخام الجثة مفتولى العضلات بملابس سوداء يقفون امام الباب

ادهم:حمد لله على السلامة الرجالة هيفضلوا هنا يحرسوكى لحد ماارجع

نور بهمس:ادهم دول شكلهم يخوف اوى

ادهم:ههههه لا حبيبتى دول هيفضلوا بره الباب عشان ابقى مطئمن عليكى لحد ماارجع اشوف وشك بخيريا عمرى مش هتاخر عليكى

نور:بلاش ياادهم

قبل راسها:متخافيش هرجعلك باذن الله

تركهم وغادر تحدث مع الرجال قليلا ثم ذهب للقرية وجد النيابة تحقق مع زياد والعمال الموجودين عرفهم زياد بادهم وبدوا التحقيق معه

وكيل النيابة:با شمهندس ادهم تتهم مين بحرق المبنى

ادهم:مفيش اى حد انا مليش عدواة مع حد يا فندم

الوكيل:ايوه بس ده اكيد بفعل فاعل ومتنساش ان المدام بتاعتك كان ممكن يجرالها حاجة

ادهم:الحمد لله هى بخير ومحصلش حاجة وانا لو اعرف هقول لحضرتك على طول

لم يستطيع وكيل النيابة انا يعرف اى شئ من ادهم الذى كان مصر على اقواله بدون اى تغيير واخيرا تركهم وذهب

زياد:ممكن اعرف مقولتش ليه على مروان ياادهم اكيد هو اللى عملها

ادهم:طبعا هو اللى عملها وانا مش هسكت

زياد:اومال مقولتش للنيابة ليه ناوى على ايه انا عرف دماغك

ادهم:هتعرف كل حاجة فى وقتها المهم المكان لازم يتامن كويس يا زياد كفاية اللى جرى

زياد:ادهم انا عرفك انت اكيد وراك مصيبة

ضحك ادهم بشدة:يا صاحبى متخافش صاحبك ميسبش حقه ابدا

زياد:اه طبعا ماانا عارف




كانت جيلان نائمة ايقظها عادل:جى جى قومى

جيلان وهى تفيق من نومها:ايه يا عادل فى ايه

عادل:القرية بتاعت ادهم ولعت

جيلان:ايه بتقول ايه مين قالك

عادل:الناس كلها بتتكلم وبقولوا انه نط هو ونور من الدور التانى وانها حامل ربنا يستر

جيلان:اكيد هو اكيد مروان

عادل:توصل لكده

جيلان:واكتر من كده انا لازم اروح اطمن على نوروادهم

ذهبت بصحبة عادل الى المشفى وجدوا ادهم يقف مع بعض الرجال امام غرفة نور

جيلان:ادهم طمنى نور عاملة ايه

ادهم:الحمد لله يا جيلان ربنا ستر

عادل:طيب ومعرفتش مين عمل كده

جيلان:مروان صح ؟

ادهم:اكيد هو بس انا معنديش اى دليل عليه بس مش هسكت

جيلان:لاطبعا اوعى تسكت وعلى فكرة انا معايا ورق ممكن يوديه وراء الشمس

ادهم:ورق ايه

جيلان:ورق يثبت انه بيتاجر فى السلاح مع ناس كبيرة اوى

ادهم:وانتى جبتى الورق ده منين

جيلان:من درج مكتبه لم كنت بروح البيت عنده اول ما لقيته اخدته قلت اهددوا بيه لو رفض يدينى ميراثى فى بابا

ادهم:حلو اوى كده انا عايز الورق ده يا جيلان

جيلان:بكره الصبح هيكون عندك .... ادخل انا بقى اطمن على نور

ادهم:اتفضلى




ظلت نوراسبوع فى المشفى حتى تستقر حالتها وعادت الى البيت وجدت امراءة فى الاربعين من عمرها وثلاث رجال يقفون خارج المنزل

نور:ادهم ايه ده ومين دول

ادهم:حبيبتى دى هنية هتخدمك الفترة اللى هنفضل فيها هنا والرجالة دول يحرسوكى طول ماانا مش موجود

نور:حبيبى ربنا ستر مش معقول حد يفكر يعمل حاجة تانية

ادهم بتفكير:انا مضمنش يا نور انا خايف عليكى وكفاية اللى حصل لحد دلوقتى ويلا يا ست الكل على اوضتك عشان تستريحى

نور:بقيت اخاف من اللى هتعمله ياادهم

ضحك ادهم:حبيبتى اوعى تخافى خير ان شاء الله باذن الله خير يا حبيبتى




جلس مروان فى مكتبه مع رشاد رجله الاول :بس تصدق زعلت فكرت مراته ماتت ولا حاجة ولا العيل ينزل عشان تبقى كسرة وسط على حق

رشاد:كفاية اللى عملنها يا باشا بعد كده هيفكر مليون مرة قبل ما يعدى من اودامك حتى

ضحك مروان بغرور:طبعا ده بس قرصة ودن صغيرة عشان يحرم يلعب معايا

رشاد:استاذ ورئيس قسم يا مروان باشا




كان مروان يستقل سيارته مع رشاد حتى اعترضت طريقه سيارة كبيرة نزل منها مجموعة من الرجال الاقوياء واتجهوا الى سيارة مروان

مروان:ايه فى ايه

احد الرجال:انت مروان المنشاوى

مروان:ايوه انا فى ايه

الرجل:هتعرف بعدين تعالى معانا

حاول مروان مقاومتهم لكنهم كانوا اشداء اخذوه الى سيارتهم هوورشاد الى مكان مغمض العينين

دخلوا المكان وجلسوا على كرسى ينتظرون ان يتحدث اليهم احد ولكن لم يحدث اكثر من ساعة حتى سمعوا وقع اقدام وفجاة يزيل عصابة عينه احد الرجال نظر امامه فوجد ادهم يقف امامه وهو ينفث احد السجائر

ادهم:حمدلله على السلامة يا مروان باشا

مروان:انت جبتنى هنا ليه ياادهم

ادهم:ابدا اصلك وحشنى قلت اشوفك

اشار الى احد الرجال فقام باحضار سائل والقاه حول مروان ورشاد الذين صرخوا خوفا من النار

مروان:انت بتعمل ايه

جلس ادهم يضع قدما فوق الاخرى وهو ينفث سيجارته:ابدا قلت الدنيا برد قلت ادفيك

صرخ مروان:انت بتهزرياادهم

قام ادهم ووقف امامه وصفعه على وجهه:متفكرش تلعب معايا تانى يا مروان واللى انت عملته مش هيعدى عليك بالساهل ابدا

اشار الى الرجال:علقوهم

صرخ به مروان:انت اتجننت

صفعه مرة اخرى:عيب تتكلم معايا كده كده ولا تحب نجيب الحكومة تتفرج على الباشا تاجر السلاح وهو متعلق ولا اقولك مش دلوقتى شوية كده

اشار الى الرجال علقوهم وشغلوا الكهرباء

يتبع
انتظروا الحلقه الاخيره غدا

_____________________________________

تذكر ان تقيمك لموضوعي بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا

اقرا ايضا :

قصص حبقصة حبقصة

صور قصص حبصور حبصورقصص الحبالحبقصص حزينةقصص حب حزينةقصص واقعيةقصص حب قصيرةقصص قصيرةقصص حب واقعيةقصص حب رومانسيةقصص رومانسيةقصص بناتقصص حب حقيقيةقصص عشققصص حقيقيةقصص حزينهقصص حب حزينهقصة عشق حب اعمىقصص حب مثيرة وجريئةقصص حب جريئه جدا للكبارقصة عشققصص حب بالدارجة المغربيةفيسبوكقصص عشققصص حب رومانسية ساخنةقصص حب pdfقصص حب جزائريةقصص حب كوريةروايات غراممدونة قصص