قلب لا يعرف الحب الحلقة (24) والاخيره

نور ....حياتى
صرخات مروان ورشاد دوت فى المكان باكمله وهم يشعرون بالالم من صعقات الكهرباء ولكن هذا لم يشفع لهم عند ادهم الذى يجلس رافعا قدما فوق الاخرى وهو ينفث سيجارته وينظر اليهم بهدوء شديد كانه يشاهد مشهدا فى احد الافلام استمر الحال مدة كبيرة حتى اشار لهم ادهم بانزالهم
ادهم:ايه يا مروان تعبت ..... طيب نستريح شوية وبعدين نكمل
صرخ به رشاد:ادهم بيه حرام عليك طيب انا ذنبى ايه ..... ده هو .... هو اللى عمل كل حاجة
نظر اليه مروان بغضب ولكن ادهم انفجر فى الضحك:شوفت ...... شوفت ياا مروان الراجل بتاعك باعك اهوو ...... عارف ليه لانك رخيص ....رخيص اوى
ثم اشار الى رجاله:هااا يا رجالة نكمل ولا كفاية
رشاد:ابوس ايدك كفاية ارحمنى
وضع ادهم سيجارته بين شفتيه:تمام انا ممكن اسيبكم بس تقولولى على سبب واحد يخليكم تعملوا كده
تولعوا فى المبنى وتحولوا تقتلوا مراتى ......لا وكله كوم ويوسف كوم تانى .....يوسف اللى اتفقتوا معاه واشترتوه عشان يقتلنى
مروان:اهو كده انا مزاجى كده ....الا قولى مراتك ماتت ولا لسه
وقف ادهم امامه ثم صفعه بقوة ثم امسكه من قميصه ليقف امامه ظل يضربه بكل قوته حتى خارت مقاومة مروان واخيرا استسلم لضربات ادهم الغاضبة

ظلت نور تتظرادهم حتى وقت متاخرمن الليل حتى رات سيارته تقف امام المنزل قامت سريعا لتستقبله
وماان راها حتى غضب منها:نور ينفع كده مش قلنا مفيش حركة
نور:غصب عنى انت سيبنى لوحدى لحد دلوقتى وانا خايفة ومعرفش حد من الناس دى وخايفة منهم
ضمها بذراعيه وهو متجه الى غرفتهم:يا روح قلبى قولتلك دول لحمايتك متخافيش وحقك عليا يا ستى انا عارف انى اتاخرت بس كان ورايا مصلحة بقضيها وخلاص تمت
نور:مصلحة ايه ياادهم فهمنى
رفع قدميها على السريرودثرها بالغطاء:مش وقته حبيبتى انا عايزك بس تستريحى عشان اللى فى بطنك مسمعتيش كلام الدكتور ولا ايه
نور:بقيت اخاف ياادهم خايفة ليجرالى حاجة وملحقش افرح
ضمها اليه بقوة:حبيبتى ليه بتقولى كده انا معاكى اهوو انا هفضل جنبك يا عمرى مش هسيبك لو بقى اخريوم فى عمرى..... انا اسف انا عارف ان كل اللى بيجرى ده بسببى حقك عليا
رفعت راسها عن صدره:ادهم مقصدش ازعلك والله حقك عليا انت بس اعمل ايه اللى حصل مكنش سهل ابدا
ادهم:عارف وعشان كده اخدت حقى وحقك يا نور
نور:انت عملت ايه
ادهم:و اى حاجة ممكن بقى تسيبنى اخد دش واجى انام جنب مراتى حبيبتى
نور:طيب هقوم اجهزلك العشا
ادهم:يالله على الدماغ احنا قلنا ايه مش قلنا مفيش حركة انا هعمل كل حاجة عشان حبيبتى تستريح
نور:هاخد على كده
ادهم:ده انتى تامرى يا حياتى وانا انفذ بحبك اوى يا نور وكنت هموت لو كان جرالك حاجة بس ربنا كريم
نور:الحمد لله يا ادهم انا قلت خلاص مش هشوفك تانى كنت ماسكة فيك بشم ريحتك كانى هفرقك
ضمها اليه اكثر:حرام عليكى يا نور ده انا كنت اموت والله حاولى تنسى اللى حصل ونفكر بس فى اللى جاى ممكن
نور:اممم ممكن يا حبيبى

مر اكثر من شهر وبدات تجهيزات افتتاح القرية والكل على اتم استعداد للافتتاح وقد بدات نور تعود الى طبيعتها شيئا فشئ واليوم هو موعد الافتتاح كان ادهم ونور وزياد وفادى فى استقبال المدعوين
كانت نور جميلة بحق بعدما استردت عافيتها عادت الى ما كانت عليه قبل ذلك اما المدعوين فكانوا يعتقدون انها شريكتهم فى العمل الا عندما يقدمها لهم ادهم على انها زوجته
انشغل الجميع وبدات نور تمل من الوحدة فالكل فى حاله ادهم مشغول مع الضيوف وتقى مع زياد الذى اعلن لها حبه ورغبته فى الزواج وريما بالطبع مع فادى
ظلت تمشى وحيدة راها احد الشباب فاقترب منها:يا انسة لوسمحتى ممكن سوال
ابتسمت نور :ايوه خير تحت امرك
الشاب:اصل بصراحة عايز اسالك على نظام الحجز هنا
نور:بصراحة معرفش اتفضل اسال جوه فى العلاقات العامة
الشاب:طيب مش انتى شريكة هنا اكيد تعرفى
لم تكمل نور حديثها استوقفها ادهم الذى اتى اليهم غاضبا :ايه فى حاجة
نور:ابدا الاستاذ كان بيسالنى على نظام الحجز هنا
ادهم:طيب حضرتك تتفضل جوه تسال الموظفين
الشاب:انا قلت اسال الانسة بما انها شريكة معاكم ولا ايه
صرخ ادهم فى وجهه:انسة انسة مين يا استاذ دى تبقى المدام انسة منين بقى
ارتبك الشاب بشدة:طيب انا اسف والله معرفش عن اذنكم
تركهم ورحل التف ادهم الى نور المبتسمة:انا عايز اعرف مشيتى ليه وازاى تقفى مع ده
نور:يا حبيبى انت مشغول والباقى كل واحد فى عالم اخر قلت امشى رجليا مش مشكلة يعنى ثم جه يسالنى على حاجة عادى يعنى
ادهم:يا سلام وانتى مبتسمة اوى وهو بيقولك يا انسة
ضحكت نور بشدة:اعمل راجل عنده نظر كويس ماخدش باله من بطنى
ادهم:بعد كده هلبسك لبس حوامل عشان محدش يقولك انسة ... قال انسة قال اومال انا بعمل ايه

بعد حوالى ساعة اتجه احد الحراس الى ادهم تكلم معه قليلا ثم رحل
نور:ايه فى حاجة
ادهم:شاردا:لا ابدا مفيش كله هيبقى تمام متخافيش
ماهى الانصف ساعة وسمعت اصوات ابواق سيارات الشرطة تملا المكان انقبض قلب نور وهى ترى افراد الشرطة يدخلون القرية كانهم يبحثون عن قاتل ام مجرم وقفت بجوار ادهم الذى كان يقف صامدا لايخشى شيئا كانه يعلم انهم قادمون اتجه اليه زياد بقلق:فى ايه يا ادهم عايزين ايه
ادهم بهدوء:مش عارف دلوقتى هنعرف يا زياد
توجه اليه ظابط الشرطة:احنا اسفين ياادهم بيه بس جالنا اخبارية ان فى هيروين موجود هنا ولازم نفتش
ادهم:المكان تحت امر حضرتك اتفضل فتش براحتك
بدا و تفتيش المكان فقال زياد هامسا:ادهم يمكن مروان عمل حاجة وهيورطنا فى قضية مخدرات
ادهم بكل هدوء:لالا متخافش كله هيبقى تمام
بعد التفتيش لم يجدوا شئ فاعتذر منه الظابط ورحل
نور:ادهم فى ايه وايه حكاية الهيروين ده
ادهم:ابدا حبيبتى مروان حب يلعب معايا ويبعتلى هدية صغيرة كده حوالى كيلو هيروين بس بصراحة انا مش بحب اقبل هدايا من حد رجعتها تانى
نور:يعنى ايه
ضمها بذراعيه:متقلقيش يا حبيبتى يا خبر النهاردة بفلوس بكره يبقى ببلاش
كان مروان يجلس فى بيته ينتظر رجاله الذين بعثهم بالمخدرات الى قرية ادهم وقام هو شخصيا بابلاغ الشرطة بوجودها
دقات سريعة على منزل مروان فتحت الخادمة فوجدت رجال الشرطة يملئون المكان
انتفض مروان غاضبا:ايه ده فى ايه
الظابط:مروان بيه انت مطلوب القبض عليك
مروان بغضب:انت اتجننت تقبض على مين انت متعرفش انا مين
الظابط:اه طبعا عارف مروان الشناوى رجل الاعمال و.....تاجر المخدرات والسلاح
ارتبك مروان بشدة:مخدرات ايه وسلاح ايه
ابتسم الظابط:هنشوف دلوقتى
خرج احد رجال الشرطة وبيده لفة المخدرات وتوصلوا الى مخزن يحتوى على اسلحة كثيرة
اشار الظابط الى جاله:هاتوه ..... اظن كده انا عرفت بالظبط انت تبقى

ده انت جبار
نطقها زياد موجها كلامه الى ادهم الذى كان يجلس والفرحة تعلو شفتيه
ادهم:ليه كده بس هو انا عملت حاجة
نور:كل ده ومعملتش يعنى مروان يبعت ناس بمخدرات والرجالة بتوعك يمسكوهم وعادى
ادهم:لا طبعا مش عادى اول ما الرجالة قالولى اكدت عليهم يدوروا كويس ممكن يلاقو حاجة تانية بس الحمد لله مكنش فيه
زياد:طيب والحاجة دى راحت فين
ادهم:ههههه انا مش بحب اخد هدايا من حد رجعتها لصاحبها مع هدية تانية تخليه متظبط حتة ملف اد كده فى كل جرايمه واوراق تثبت عليه تجارة السلاح
زياد:انا مش قولتلك انت جبار
حكم على مروان بالسجن الموبد اما جيلان وعادل عاشوا حياتهم التى حرموا منها من قبل اما زياد فتزوج من تقى بعدما عادوا من شرم الشيخ اما احمد فتقدم الى خطبة دارين التى وافقت عليه وهم الان يستعدون لحفل زفافهم
احست نور بتعب شديد ظلت تتماسك الى ان شعرت انها لم تستطع التحمل اكثر من ذلك اخذت تصرخ بشدة انتفض ادهم من نومه على صوتها لم يجده بجواره اسرع اليها وجدها ملقاة على الارض تبكى من الالم
ادهم:نور مالك ايه يا حبيبتى فى ايه
نور بصراخ:تعبانة اوى شكلى بولد الحقنى مش قادرة
ظل ادهم متوترا لايعرف ماذا يفعل نادا خديجة التى ظلت تواسى نور حتى نقلها ادهم الى المشفى ودخلت الى غرفة الولادة
كان التوتر يسيطر على ادهم وهو ينتظر خروج نور بعد حوالى ساعة خرج الطبيب
اسرع اليه ادهم:ايه يا دكتور طمنى بالله عليك نور فين
الطبيب:انت خايف كده ليه متخافش المدام زى الفل والبيبى كمان اطمن
ادهم:طيب ادخل اطمن عليها
الطبيب:دلوقتى تروح اوضة عادية وتقدر تتطمن عليه بعد اذنكم
خرجت نور من غرفة العمليات وخلفها ادهم بدات تفيق من البنج تنادى باسمه اسرع اليها يحتضن كفها
حبيبتى حمد لله على السلامة
تحدثت بصوت ضعيف:الله يسلمك شوفت النونو
ادهم:شوفتها يا حبيبتى بنوتة زى القمر شبه ماما
خديجة:حمد لله على السلامة يا نور
نور:الله يسلمك يا عمتو
خديجة:هاا يا ادهم هتسميها ايه
نظر الى نور وقبل راسها:هسميها ......نور عشان تبقى نور فى كل لحظة فى حياتى تفضل موجودة معايا على طول
نظرت له نور بحب:ربنا يخليك ليا يا حبيبى
ادهم:يلا قومى كده شدى حيلك عشان نور الصغيرة ولا ايه
اصبحت نور الصغيرة هى الفرحة التى عاشها سويا بحب من بعد كل احداث حياتهم فها هم الان حبيبن ووالدين لطفلتهم الجميلة نور....وينظرون مولودا اخر فيا ترى من سيكون؟

تمت

_____________________________________

تذكر ان تقيمك لموضوعي بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا

اقرا ايضا :

قصص حبقصة حبقصة

صور قصص حبصور حبصورقصص الحبالحبقصص حزينةقصص حب حزينةقصص واقعيةقصص حب قصيرةقصص قصيرةقصص حب واقعيةقصص حب رومانسيةقصص رومانسيةقصص بناتقصص حب حقيقيةقصص عشققصص حقيقيةقصص حزينهقصص حب حزينهقصة عشق حب اعمىقصص حب مثيرة وجريئةقصص حب جريئه جدا للكبارقصة عشققصص حب بالدارجة المغربيةفيسبوكقصص عشققصص حب رومانسية ساخنةقصص حب pdfقصص حب جزائريةقصص حب كوريةروايات غراممدونة قصص عصير الكتب