قصص رعب كتابيه: كتاب الهلاك -الجزء الاول

مش هبدأ زي اي قصة مخيفة واقول انى مكنتش بعتقد في الجن وبعد اللى حصلي صدقت خلاص .. لأ انا عارفة كويس انهم موجودين ....

موجودين معانا دلوقتى ..سمعنى وانا بحكيلكم عنهم ويمكن يكون ليهم تار مع حد فينا فينتقموا بطريقتهم

الأول انا مين ...

انا بسمة .. عندي 17 سنة وناس كتير في سنى ودراستى في ثانوية عامة بيفضلوا يقفلوا علي نفسهم اوي .. بس انا مش كدا انا بحب اجرب كل حاجة واييي حاجة ممكن تخطر علي بالك .. هتقولي يعنى زي ايه ؟؟ !!

زي انى اقرا كتاب ملعون مثلا !!!!



القصة هبدأها من الأول خالص ...

هعرفكم الأول بداليا .. دعاء .. زهرة اصدقائي واخواتى ورغم اختلاف شخصيتنا الا اننا بنتفق عشان بنحب بعض بجد ...

واحنا متجمعين مرة فكرنا في مستقبلنا وقولنا ليه مندرسش في مدرسة احسن من اللى احنا فيها بالذات لأن اروي ورنا اصدقائنا نقلوا لمدرسة جديدة وهما دلوقتى مبسوطين جدا هنا ك وحسين بفرق في

مستوي التعليم

وفعلا الموضوع اخد مننا اهتمام و قررنا ننقل للمدرسة دي بس مشكلة المدرسة اننا محتاجين مكان سكن وطبعا مش من السهل ان اهلنا يوافقوا كدا ...

وبعد الحاح شدييييد وافق اهلي انا ودعاء علي اننا نروح المدرسة دي اما اهل داليا وزهرة رفضوا ودي كانت اول مرة نتفرق عن بعض بس احنا مسكتناش وزهرة وداليا قالوا احنا هنحاول تانى وان شاء الله هيكونوا معانا قريب ...

كان المكان اللى هنستقر فيه كسكن عبارة عن مساكن للشباب معروفة وجميلة جدا بصراحة .. لما شفتها مصدقتش انى هسكن هنا واللى طمن بابا طبعا ان استاذ احمد مدير المكان صاحبه فوافق انى اروح وهو مطمن ...

اتصلت بأروي ورنا وقلتلهم ان انا ودعاء هنكون معاهم في المدرسة وفرحوا جدااا وقرروا كمان انهم يسكنوا معانا بدل ما هما بيسافروا كللل يوم ...



اما عن مكان السكن كان عبارة عن مبانى متقسمة زي شقة صغير اوضة لفردين وصالة وكان المكان هادي فعلا وفيه حدائق واشجار جميلة جداا ..



بابا وصلنى وانا كنت فرحانة اوي لانى اول مرة هعتمد علي نفسي واكون لوحدي ..

بس اللى مش اطمنتله بصراحة هو استاذ احمد نفسه كنت حسة انه انسان غريب طويل واسمر ونظرات عيونه تشبه عيون الصقر وايده متلجة زي الميتين

وقعد يسألنى اسئلة اظن انها مكنش ليها اييي لزمة

زي .. انتى ليكي صحاب كتير ؟؟

بتحبي تعدي مع ناس ؟؟

انتى اجتماعية ؟؟؟

تحبي تسكنى لوحدك ؟؟

قاطعه بابا هنا وقال له لااا انا اللى خلانى اوافق ان اصحابها موجودين معاها ايه اللى انت بتقوله ده

قال لبابا متقلقش خلاص اصلا المفروض الشقة يكون فيها فردين

ومشيت معاهم عشان اوصل لمكان الشقة .. والمفاجأة ........ ان كان في واحدة موجوده انا معرفهاش .. رد احمد وقال دي سارة هتكون مؤقتاً معاكي لحد ما أصحابك يوصولوا بس ..

سارة بقا حسيت في عيونها انها بتقولي انتى ايه جابك هنا ومحستش بأي ترحيب منها

وقلت استنا بقا لما دعاء ورنا اروي يجو ..

هعمل ايه .....

المفروض ان رنا واروي كانوا في اجازة ودعاء قالت هتيجي معاهم وخلاص ....

موبايلي رن وكانت دي دعاء

دعاء : انتى فين يا بنتى

انا مستنياكوا يلا تعالوا بسرعة المكان هنا حلو جدا احنا هنتبسط هنا اووي

دعاء : احنا دقيقتين وهنكون عندك بس انزلي عشان المكان باين انه مقطوع بجد ...

كانت نظرات سارة ليا غريبة جدا وانا بكلم دعاء بس انا مكلمتهاش طبعا .. اكلمها ليه يعنى هي مديالى ايي اهتمام !!!

البنات وصلوا ورحنا علي مكتب احمد عشان نشوف هنعمل ايه في موضوع الشقق ده

كان المكتب مظلم تماما ومع كدا خبطنا علباب واستنينا شوية النور اتفتح واحمد خرج وبصوت متردد بيقول اااسف .. اسف يا بنات وكان باين عليه انه نايم

قلتله اسفين لو كنا ازعجناك بس اصحابي وصلوا وقلنا نيجي عشان نشوف هنعمل ايه انا مش عوزة افضل مع سارة دي احنا اهه اربعة خلينا مع بعض

قالى هحاول بس دلوقتى انتى هتفضلي مع سارة لحد ما انقلك مع واحدة فيهم

انا اتضايقت جدااا ساعتها ومكنتش عرفة ليه متمسك انى افضل معاها

دخلت معاه المكتب عشان اخد منه المفاتيح ووانا داخلة شميت حاجة زي الحريق بس مكنش في حاجة وقالى كدا في واحدة هتكون لوحدها مؤقتا من التلاتة ..اروي ردت باندفاع "ليه يعنى احنا جيين علي اساس اننا سوا ليه واحدة فيها تكون لوحدها " ؟؟

قالها انا قولت ان ده وضع مؤقت لحد ما اشوف اماكن بس ..

راحت اروي مع رنا وكانت شقتهم جنبي ووقريبين من مكتب احمد بردو

اما عن دعاء فمشيت معاها كتيير لحد ما وصلنا اُخر مبنى وهو كان ده مكانها ..

ومكنش قدام المبنى ده ايي اضاءة

دعاء بصيتلي وقالت لالا انا لا يمكن اعد في المكان ده ... قولتلها يمكن النور مطفي من جوا الشقة تعالى ندخل .. ولسة بكمل كلامي واحنا بنقرب لقيت دعاء بتصرخ واغمي عليها جنبي

اخدت دعاء علي اوضتى

ولما فاقت قلتلها في ايه يا دعاء

قالتى فيه ايه ؟؟ انتى مسمعتيش ؟؟!!

قلتلها لأ انا مسمعتش حاجة .. انتى سمعتى ايه ؟؟

قالت : كان في صوت همس خارج من الشقة وفضل يعلي ويعلي .. وكل اللى انا فهمته لما ركزت كان بيقول "الدور مبيوقفش وسمعت اسمك .. ااه واسم اروي اتكرر كتير "

قلت لدعاء : انا بجد مسمعتش حاجة .. انتى بس مش وخدة علمكان استريحي وانا معاكي وهنروح لاحمد بكرة عشان يتصرف بقا محدش فينا هيبقا لوحدو

سارة في وسط كلامي كانت بتضحك بشكل غريب ..بصيتلها بأحتقار الصراحة ونمنا انا ودعاء

صحيت بليل علي صوت برا فقلقت دعاء وانا بقوم وقالتلى سامعة ؟؟

شاورتلها اهسمعة يلا نشوف في ايه

قالتلى لا يا بسمة بلاش

قمت ودعاء مسكة فيا ووانا بفتح الباب كل اللى في بالى العفاريت بقا ..

فتحت جزء صغير من الباب وبصيت وكانت المفاجأة بالنسبالى ....

اروي .. ايوة اروي مشية في الطرقة

بس مشيتها مكنتش طبيعية ..اروي كانت بتمشي في دواير زي ما يكون بترسم شكل عالارض وبتقول كلام ملوش معنى .. او كلام انا مفهمتش معناه .. مش عرفة

محستش بنفسي غير وانا بجري عليها وبقول لدعاء يلا نشوف دي مالها .. واول ما قربنا منها دفعتنا علي الارض بقوة رهييبة لدرجة انى فقدت الوعي ساعتها ... وصحيت الصبح مفزوعة وكنت ... كنت علي سريري ودعاء قامت معايا في نفس اللحظة وبتقولي ده مكنش حلم يا بسمة صح ؟؟ قلتلها لأ مكنش حلم انا شفت اللى انتى شفتيه

وكانت سارة مستغرقة في النوم ولا حست بأييي حاجة ..

قمنا بسرعة علي شقة رنا واروي وخبطنا علباب

فتحت رنا ودخلت بسرعة علي اروي وكانت نيمة علسرير

اروي انتي كنتى برا ليه امبارح بليل ؟؟

اروي : انا ؟؟ انا واخدة برد من امبارح ونيمة بس حسة بألم غرييب في ضهري من ساعة ما صحيت وقامت من علسرير عشان تعد جنبي ووهي قايمة لاحظت حاجة ....



كان في دم كتير علي ضهر اروي

- اروي استنى.. استنى

- في ايه يا بسمة

- ايه اللى علي ضهرك ده .. بجد مش معقول استنى بس نشوف ده من ايه

ده زي ما يكون الجروح دي معمولة بسكينة ..ازاى ده حصل

اروي طبعا في حالة انهيار ..ورنا حاولت تعالج الجروح دي

قولت لازم اروح لاحمد علمكتب بتاعه لاننا خفنا فعلا رحت انا ودعاء وكان الباب مردود شويه خبطت وحاولت اشوف بيعمل ايه من الجزء اللى مفتوح في الباب كان قاعد بيقرا"كتاب" واول ما شفنا خبى الكتاب في المكتب بإرتباك وبسرعة

اااهلا .. اهلا يا بسمة ... اتفضلوا !

دخلت انا ودعاء وقعدنا

في مشكلة يا بنات .. اوعو تكونوا جيين عشان موضوع انكو تكونوا مع بعض انا قلتلكوا انى هحل الموضوع ده في اسرع وقت

رديت عليه وقلتله لا احنا لازم نكون مع بعض وبعدين احنا كمان عوزين نسألك علي حاجة تانية .. احنا من امبارح بنحس بحاجات غريبة

في ايه خير

حكيتله علي اللى حصل واللى دعاء سمعته واللى شفته في اروي واللى حصلها كمان

بصلى وهو بضحك وبيقول انتو بس مخضوضين شوية عشان تغيير المكان

مخضوضين ؟؟ طب واروي .. واللى حصل فيها ده كله

ردت دعاء :لا انا مش بيتهيألى لا انا سمعت ده بودانى

رد في اندفاع اهدو بس اهدوا .. انتو اول مرة تكونوا بعيد عن ماما وبابا واكيد عشان كدا انتو متوترين .. انا هنا تحت امركوا واللى انتو عوزينه هعملهولكوا .. وكمان يا دعاء خليكي مع بسمة في الشقة لحد ما تروحو شقة سوا

خرجت من المكتب وانا حسة بإنتصار لمجرد انى مش هعد مع سارة المجنونة دي في شقة واحدة لوحدنا .. دي مجنووونة !!

رحنا علي اوضة اروي ورنا خبطت وفتحت رنا وعلي وشها علامات استفهام غريييبة

مالك يا رنا في ايه ؟؟

مش هتصدقوا .. جرح اروي اللى كان بينزف دلوقتى .. دلوقتى والنزيف مبيقفش

فجأة النزيف وقف في ثانية ..بصوا زي ما يكون الجرح ده من يومين تلاتة وده كله حصل قدام عيني وفي ثوانى .. الجرح ده نشف في ثوانى والله

-انا كنت مذهولة اكتر من رنا الصراحة بس مكنتش عوزة اخوفهم انا عارفة ان الموضوع ده مش طبيعي ووراه سر بس اللى طلع منى ساعتها كان

- رنا بصي الموضوع ده ملوش غير اجابة واحدة ان اروي بتمشي وهي نايمة .. اقفلوا الباب بليل عليكوا وعيني المفتاح منها بس كده

- لقيت اروي بتقول ايه اللى انتى بتقوليه ده ؟؟ ايه الهبل ده ؟؟؟ امشي وانا نيمة ازاى .. انا عمري ما اشتكيت من حاجة زي كدا .. واشمعنة ده حصل هنا ؟؟؟

- بصراحة سؤالها كان منطقي بالنسبالى .

- ردت دعاء اروي احنا شفناك بعنينا مش تقولي انده محصلش لانه حصل فعلا انتى بس متوترة من تغيير المكان وكل حاجة هتبقا كويسة ان شاء الله

بس اللى شفته في عيون دعاء انها كانت حسة عكس اللى بتقوله خاااالص لانها بردو مكنتش قادرة تكدب اللى سمعته ...

يومها طلبنا دليفري وقلنا هننزل نعد في الجنينة

اوصفلكوا حالة كل واحدة فينا كانت عملة ازاى

دعاء مشغولة بحاجة علي اللاب توب وبصراحة اتكسفت اسألها مشغولة بأيه بس كانت مركزة اووي

رنا من حبها لأروي فضلت مشغولة بيها ومهتمة بيها ومش رضية تسيبها ثانية واحدة

انا عقلي مبطلش تفكير ثانية واحدة وكنت حبة انى اربط كل اللى حصل ببعضه لان ده مستحيل يكون طبيعي ..واللى كان لافت انتباهي اوي سارة اللى كانت واقفة في الشباك وبتبتسم ابتسامة خبيثة زي ما يكون بتقولنا انتو لسة مشفتوش حاجة ..



المهم... دخلنا بليل عشان ننام ونبهت علي اروي ورنا في موضوع قفل الباب وان رنا تعين المفتاح

ودخلت انا ودعاء شقتنا وكنا تعبانين فعلا من كتر التفكير .. الغريبة ان سارة مكنتش في الاوضة قلت يمكن خرجت ولا حاجة ...

رتبنا حاجتنا انا ودعاء وبعد ما خلصنا قعدنا علسرير وبردو دعاء مسكة الموبايل ومشغلة انترنت .. بس انا منفعش اكون فضولية واسألها دي بردو حاجة متخصنيش

دعاء احنا لازم نصحي بكرة بدري بكرة الجمعة ولازم نشوف هنعمل ايه عشان المدرسة ومحتاجين اننا نشتري شوية حاجات

طيب ساعة ما تصح صحينى معاكي



ونمنا انا ودعاء ....

صحيت من النوم الساعة9 تقريبا وكل اللى في بالى ساعتها انى عوزة ابدأ يوم حلوبقا في حياتى الجديدة وننسي ده كله اهه محصلش حاجة طول الليل اهه

بصيت علسرير اللى جنبي لقيت سارة نايمة

دخلت امتة دي ؟؟؟

للدرجادي كنا تعبانين ومحسناش بيها ؟؟

سارة كان وشها شاحب جدااا وباين عليها اثر تعب فظيع ..

قومت دعاء من النوم وقامت تتوضا وانا قولت اعمل قهوة لحد ما دعاء تيجي

وانا معدية من جنب سرير سارة في حاجة لفتت انتباهي

ايه ده ؟؟؟؟!!!

ضهر سارة كان مكشوف كان في اثار جروح في ضهرها وخرابيش واثار جروج قديمة وجروح زي ما يكون لسة جديدة .. كان شكل ضهرها فعلا بشع

انا ذهلت ساعتها رحت بسرعة خبطت علي دعاء ولما خرجت :

ايه يا بسمة في ايه مالك ؟؟

شششش وطي صوتك وتعالى معايا واوعي تعملي ايي رد فعل بصوت عالى

دعاء شافت ضهر سارة .. ولقيتها ركزت اووي وبتقول ايوة انا صح ده اكيييد هو .. ايوة هو

هو ؟؟ هو ميين ؟؟ انا بوريكي ان البنت دي مجنونة وعملت ايه في نفسها تقوليلي هو ؟؟





خدتنى دعاء من ايدي وخرجنا برا الشقة

ايه يا بسمة مش انتى اللى تفكري كدا انتى لسة مفهمتيش ان الموضوع ده مش طبيعي انتى اخر واحدة كنت اتوقع انها تصدق كلامي قدام اروي ورناساعة ما قلتلهممتخدوش في بالكو

قلتلها لا انا عارفة ان الموضوع كان في تفكيرك لسة

قالتلى انها ربطت الاحداث ببعضها وانها امبارح طوول اليوم بتعمل سيرش عالنت لحد ما عرفت ان الاعراض دي من كتاب سحر اسمه "شمس المعارف"

بسمة ده جن شمس المعارف .. هو اللى بيعمل فينا كدا فهمتى ؟؟ ولا ولسة معملش حاجة كمان لسة محصلش حاجة

جن جن ايه يادعاء ؟؟ لا طبعا

انتى اكتر واحدة بتصدقي الحاجات دي .. ومش تضحكي عليا .. علعموم اوك انتى هتشوفي بنفسك ...

قلنا نروحعلي شقة اروي ورنا نشوف اخبار اروي ايه

واحنا ريحين قابلتنا رنا بتجري

الحقونى .. انا كنت جيالكوا اروي طول الليل بتخرف بكلام مش مفهوم والجرح اللى خف اتفتح تانى والنزيف مبيقفش

اتصلت بسرعة بالاسعاف واخدوا اروي علمستشفي ومرضناش نقول لاهلها لحد ما نعرف ايه اللى هيحصل

فضلنامعاها هناك ورنا حكيتلنا اللى حصل بالتفصيل :

اروي قامت فجأة بالليل تصرخ من ضهرها رنا راحت قعدت جمبها ولقت الجرح بينزف تاانى حاولت توقف النزيف مقدرتش وقعدت اروي تخرف بكلام كتيير كل اللى رنا فهمته منه

سيبونى .. انا مش اذيتكو .. ايه ذنبي انا وصحابي

نموت ليه عشان انتو تفضلو !!
رنا بتحكي ودعاء مسبتش اللاب توب ومبطلتش كتابة

وانا حكيت لرنا اللى شفته انا ودعاء وكنت بحاول اربط كل ده ببعضه عشان اوصل لاي اجابة مقنعة

وفي الوقت ده قررنا انا ودعاء اننا نعرف الحقيقة بنفسنا ..

داليا كلمت دعاء علموبايل عشان تطمن علينا وكانت عملالنا مفاجأة انها هي وزهرة هيجوا يطمنوا علينا بكرة مع بابا زهرة

وانا قلت لدعاء مش تقول لداليا حاجة عشان كنت خيفةعليها

وقلنا لرنا تفضل مع اروي وانا ودعاء هنروح نظبط كل حاجة في الشقة عشان ميبانش حاجة

وعلي الساعة 1 بليل كنا انا ودعاء تعبانين بطريقة مش معقووولة قولنا هنام بقا عشان ميبنش علينا التعب قدام داليا وزهرةبكرة

سارة في وسط ده كله كانت بتبصلنا بطريقة غريبة .. زي ما يكون عارفة اننا عرفنا حاجة

وانا كنت بحاول ابعد عن نظراتها دي قد ما اقدر

وكان كل اللى في بالى ساعتها

الكتاب ده مع مين ؟؟ مع سارة ؟؟؟ طب لو مع سارة هي حطاه فين ما احنا لازم نوصل للكتاب ده بأي طريقة

دعاء قالت طبعا احنامش هنروح المدرسة بكرة اصلا اول اسبوع في الدراسة ده ببقا ضايع فخلينا نشوف هنعمل ايه في المصيبة دي

وانا كمان مكنتش عوزة اروح انا ف مغامرة متتعوضتش لازم اكمل للأخر

صحيت من النوم الساعة 3 الفجر علي موبايلي دي رنا ؟؟ رنا بتتصل

الوو .. ايوة يا بسمة الحقونى اروي هتموتنى وتموت نفسها تعالو بسرعة .. وبعدها "الخط قطع"

سارة بردو مكنتش في الشقة .. لبسنا انا ودعاء في اقل من 5 دقايق ونزلنا نروح المستشفي لرنا

وكان هناك في هدوء فظيع مش زي ما رنا قالت خالص كل اللى لاحظناه انا ودعاء الدم اللى خارج من اوضة اروي عالارض

اما عن الهدوء فده كان سببه ان اروي خلاص (ماتت) ...

اروي كان شكلها فظيع مرمية علسرير جسمها ده زي ما يكون متاكل مفيش فيها جزء مش مغطيه الدم زي ما يكون كانت بتقطع في جسمها او بتاكل جسمها

رنا طبعا كانت في حالة انهار فظية ومكنتش قادرة تحكي حاجة

لكن بشهادة كلل اللى في المستشفي ان اروي كانت الجروح اللى في جسمها دي بتتعمل لوحدها ودم يسيل ويتمسح تانى وكانت بتاكل من لحم ايدها وشعرها زي ما يكون مسلوخ من راسها ده غير الاصوات الغريبة اللى كانت متسجلة في كاميرات المستشفي لما شفت التسجيلات اللى عليها

وبشهادة الجميع انها عملت كدا في نفسها ...

وفي النهاية اتشخصت علي انها حالة صرع عنيفة

اتصلنا بأهل اروي .. وبداليا وزهرة واصروا انهم يجوا

ولما سألونا اهل اروي عن اللى حصل قلنا منعرفش والتقرير الطبي بيقول صرع .. يعنى هما هيصدقوا حكاية كتاب ملعون ؟؟ !!

بعد اللى حصل ده جبت كل المعلومات اللى ممكن احتاجها عن الكتاب ده وعرفت انه كتاب تحضير جن وان فيه ايات قراَن محرفة وانه كتاب لعنة من الاخر

واللى بيقراه وهو مش قد اللى فيه بدل ما بيسخر الجن الجن هو اللى بيسخره

كان كل مشكلتى انا ودعاء دلوقتى اننا نلاقي الكتاب ونعرف مين بيعمل فينا كدا

الفضول كان قاتلنا وموت اروي اثر فينا جدا ويمكن لما نلاقي الكتاب نقدر ننتقملها

انتبهت لموبايلي وهو بيرن وكانت دي زهرة

رديت عليها :

ايوة يا بسمة امشوا من المكان اللى انتو فيه ده بسرعة مش هيسبكوا ده عارفنا وعارف اسامينا ومش هيسيبنا

حسيت ساعتها ان مش قادرة اتكلم

وقطع صمت سكوتى انا وزهرة صرخة داليا

فوقت وانا بقول زهرة انتى فين يا زهرة ..قوليلي بس انتى فين وكل اللى انا سمعاه صوت صريخ كتيييير وبعدين الخط قطع

دعاء الخط قطع .. رنا ...رنا فين يا دعاء راحت فين ؟؟؟!!

رنا نزلت تشتري اكل وحاجات كانت محتاجاها بس هي فعلا اتأخرت اوي كدا دي بقالها اكتر من ساعتين برا

طب داليا وزهرة جرالهم ايه ؟؟؟

طب رنا راحت فين ؟؟؟ انا مبقتش فهمة حاجة



قطع تفكيري صوت رنة موبال دعاء دعاء ردت ولقيتها بجد مش قادرة تقف دعاء الموبايل وقع من ايدها ووقعت في الارض

مسكت الموبايل وبصيت عالرقم لقيت رقم رنا فاتكلمت بسرعة

ايووة .. ايوة يا رنا انتى فين

لقيت واحد بيقولي ده اخر رقم اتصل بالمرحومة انتى قريبتها ؟؟؟

مرحووومة مييين ؟؟

صاحبة الموبايل يا فندم .. ده اخر رقم متصل بيها عملت حادثة واتوفت في الحال وملحقناش نسعفها واداني عنوان المستشفي

قومت دعاء وهديتها ومن جوايا انا فعلا مش قادرة اهدي ورحنا المستشفي .. وكل اللى في بالنا دلوقتى داليا وزهرة فين دلوقتى .. اللى تلفونهم مقفول من اخر مكالمة

شفنا رنا .. واللى مكنتش مصدقاه ان نفس العلامات اللى في جسمها زي اللى في جسم اروي ونفس الجروح وفعلا زي ما يكون كانت بتاكل جسمها ؟؟ طب ازاى ده حصل في حادثة عربية

ودعاء مفيش علي لسانها غير مش هستسلم مش هستسلم انا لو مشيت من هنا مش هاخد حق صحابي .. انا هقضي عليك انا هقضي عليك



في نفس الوقت ده المستشفي اتقلبت وناس بتجري ولما سألنا قالوا انها حادثة عربية بس حادثة بشعة واللى محدش فهمه ازاى جسمهم اتعجن بالطريقة دي مع انها حادثة عادية

لما عدوا الجثث في جثة كان وشها باين ولما دقتت في ملامحها كانت ...

كــــــــــــــــــــــــانت داليـــــــــــا

وبعدين اغمي عليا من الصدمة لانى مكنتش مصدقة ان الموضوع هيوصل لداليا وزهرة

فضلت غايبة عن الوعي اربع ساعات تقريبا

لما فقت لقيت دعاء جنبي بتعيط وبتقولي انا خلاص يا بسمة قربت افقد الامل

شمس المعارف بيتغذي علينا عشان يقوي اكتر احنا لازم نرجع ونلاقي الكتاب ...

طب وبعد ما نلاقيه يا دعاء المفروض نقراه ؟؟

لالالا المفروض اننا نقاوم ومنقراهوش هو هيبقا عايزنا نفتحه بس احنا لازم نحرقه ومن غير ما نفتحه او نبص فيه



اهل رنا ايجو وسألونا نفس الاسئلة اللى اتسألناها عن اروي بس ... بس دي كانت حادثة عربية يعنى هقولهم ايه !!!!!!!!!!

قلبي فعلا بيتقطع وقلت انا ايه اللى جابنى هنا وايه المكان الملعون اللى انا جبتهم فيه ده ... انا السبب



اصريت علي دعاء اننا نروح الشقة عشان لازم الموضوع ده يخلص وننتقم بقا لاازم ....

روحنا وقلنا هنعمل نفسنا نيمين من بدري عشان نشوف سارةوهي قايمة ونمسك اول خيط للي احنا عوزين نوصله



الساعة 2 بليل وانا ودعاء مستنين تحت الغطا انها تقوم

قامت سارة وكانت عنيها بيضا وزي ما يكون بتنور في الضلمة وكانت بتمشي نفس مشية اروي يوم ما شفناها وكانت بتقول كلام غريب اووي مفهمتش منه حاجة وخرجت من باب الشقة اللى اتفتح من غير ما حتى تلمسه وبعد ما خرجت خرجنا انا ودعاء وراها في هدوء من غير ما تحس وكانت ريحة نحية ......"مكتب احمد"

مش ممكن هي ريحة تقتله ولا ايييه !!!

كان المكتب فيه نور بس مش نور عادي لا ده زي ما يكون مولع شمع جوا ... انا ودعاء لفينا الناحية التانية عشان نكون قريبين من الشباك ونعرف ايه اللى بيحصل جوا

فتحت سارة الباب ودخلت .....

وده ... ده احمد وفي ايده شئ يشبه الخنجر وعليه كتابات غريبة ومكنتش واضحة اوي من بعيد وفي ايده التانية كتاب قديييم

- دعاء قالت ده شمس المعارف في ايد احمد يا بسمه اهه

وكشف ضهر سارة وبدأ يشاور بالخنجر ده علي ضهرها من غير ما يلمسه وهي تنزف دم من المكان اللى يشاور عليه في ضهرها

وفي في نفس الوقت لاحظت دعاء بتتألم جامد وقامت تلمس ضهرها لقت دم كتير

ازاى ده ... ازاى ده بيحصل ؟؟!!!!!

مش معقول ده سحر

انا منطقتش بكلمة وشيفاها بتتعذب قدامي كنت بحاول اشد دعاء بعيد بس هي كانت مستسلمة ليه اوووي وزقتنى جامد علي الارض وفضلت تعمل حركات غريبة وجسمها يحصل فيه جروح كل ما يشاور احمد علي جسم سارة لحد ما الدم غرق كل جسمها وقعت دعاء عالارض ...

وانا كل اللى في بالى انى اروح ادور في اي حاجة من حاجة دعاء يمكن تكون عرفت حاجة ومش قالتهالى مسكت اللاب بتاعها وبالصدفة لقيتهمفتوح علي صفحة فيها معلومات عن الكتاب ده ووقعت عيني علي جملة فيما معناها ان حرق الكتاب مش شئ سهل

وكل اللى جه في بالى القراَن قلت وانا ريحة علمكتب هقرا قراَن ....

لمجرد ما كنت بقرا قراَان وانا بقرب من احمد كان بيتألم جدا وده شجعنى انى ادخل المكتب واقرب منه اكتر واكتر

هخسر ايه ؟؟؟ هخسر ايه اكتر ماخسرت ... انا فعلا خلاص خسرت كللل حاجة

اول ما قربت من احمد وانا مببطلش اقرا قراَن اغمي علي سارة او ماتت مش عارفة ؟؟

كل اللى كان في بالى ساعتها انى اعلي صوتى وانا بقرا قران اكتر واقرب منه واخد الكتاب

كنت كل ما بعلي صوته يحاول يكتم ودانه عشان ميسمعش زي ما يكون اللى بقوله ده سبب الم كبييير ليه

رميت الكتاب علي الارض وجبت شمعة من الشموع ورميتها عليه وانا بنفجر من البكاء وبعدها محستش بأييي حاجة غير وانا مربوطة في سرير في مستشفي واثار جروح كتير عليا

اللى جنني في ده كله انهم اتهمونى بقتلدعاء وسارة لما لقو جثثهم في الشقة بتاعتنا !!!

بس انا والله ما قتلتهم ده انا كنت بحاول انقذ نفسي من شمس المعارف ...

حتى اهلي مش مصدقنى !!!

اما احمد فاتهمونى انى ولعت في المكتب بتاعه وهو جوه لانهم لقونى مغمي عليا قريب من المكتب بتاعه



انا دلوقتى في مستشفي امراض عقلية

انا بس عوزة اعرف الكتاب ده راح فين

يا تري خلاص كدا نهايته كانت مع نهاية احمد ؟؟

انا مش مهم عندي يصدقونى .. كفاية عندي شرف المحاولة انى اجيب حق صحابي

وبفكر دلوقتى اهرب واروح ادور تانى





دعاء .. داليا.. زهرة .. اروي .. رنا

انا بحبكوا اوي بجد

انا كنت السبب متزعلوش منى

انا كمان دفعت التمن اهه

وهخرج من هنا ومش هسيب حقكوا

يتبع

___________________________________________________

ذكر ان تقيمك لموضوعي  بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا



اقرأ ايضا : 

قصص رعبرعب احمد يونساحمد يونسقصص احمد يونس رعبقصص حقيقيةقصة رعبافلام رعبتحميل قصص رعبصور رعبقصص رعب قصيرةقصص رعب على القهوةرعب ع القهوةقصص رعب كلام معلمينقصص رعب احمد يونس كلام معلميندستور قصص رعبقصص جنقصة رعب