قصص رعب كتابيه: كتاب الهلاك -الجزء الثاني

في ضلمة ليل محدش يتحملها وخوف من كل حاجة ممكن تحصل ..
مربوطة في سريري في المستشفي وخيال الحارس باين من فتحة الباب وانهرده رغبتي الملحة في الهروب زادت ودقات قلبي بتزيد معاها ....
كل اللى بتمناه اعدي السور ده بس .. سور المستشفي اللى فاصلني عن هدفي اللى بيناديني ..

تانى يوم ساعة الفطار اخدت سكينة من غير ما حد ياخد باله واستنيت بفارغ الصبر الليل يجي وبدأت افك قيود ايدي وانا ببرد القفل بالسكينة لحد ما تخلصت منها ...
كنت فكرة انى هقتل الحارس وهرتكب جريمة بجد

بس لما فتحت الباب كان الحارس نايم زي ما يكون الكتاب بيسهلي الهروب

وجريت علشباك الرئيسي اللى في اخر الطرقة واللى كان موصل علي مواسير المستشفي الرئيسية ....
وكان طريقي سهل جدا .. زي ما تكون خطة مرسومة ومحددة وانا بمشي عليها من غير ما اعرف الخطوة الجاية
- محستش بنفسي غير وانا بجري في الشارع واللى في بالى انى اروح مكان الحادثة ...
- وصلت هناك واللى لقيته بالظبط كان عكس كل حاجة شفتها قبل كدا كان المكان عبارة عن مبانى محروقة وشريط اصفر يحاوط مكتب احمد اللى باين في وسط الضلمة لان كان لونه الاسود مغطي علي لون الضلمة نفسها

وريحة الحريق اللى شميته اول مرة دخلت فيها المكتب مع اصحابي مع ان مكنش في حريق وقتها ...
- وافتكرت كل حاجة حصلت ليا من اول ما فكرنا اننا ننقل من المدرسة لحد ما انا ودعاء اخترنا المدرسة دي والمكان ده نسكن فيه ...



ودخلت المكتب وانا قلبي بيقولي لأ وفي نفس الوقت كل حاجة فيا بتشدنى انى ادخل ..

بس انا ايه اللى جبني هنا ؟؟ ايه اللى شاددنى للمكان ده !!
هو انا لسة ممليتش من الرعب ده ما كفاية بقا !!! ؟؟
ده كان تفكيري وقتها وشفت اصحابي الخمسة وقفين قدامي وكأن كل اللى حصل بيتكرر في بالى دلوقتى

وفي وسط تفكيري لمحته .........................
لمحته وسط حطام الاوضة زي ما يكون انعكس عليه ضوء في وسط ضلمة المكان او ممكن اكون انا اللى جاية ادور عليه وانا معرفش !!!!!!!! ....



جريت علكتاب ومسكته واخدته في حضنى زي ما يكون هو ده مرادي من الزيارة .. احب اوضحلكوشكلي اكتر وقتها

كان شكلي اشبه بمدمن من المخدرات اسبوع وفجأة لقي اللى كان محروم منه قدامه



فجأة وبدون وعي لقيت نفسي بفتح الكتاب وعيني وقعت علي كلمات مفهمتش معناها وقتها بس اللى حصلي بعد كدا دفعنى تمن اللحظة دي عمري كله ....

كانت الكلمات كالأتى :
هانوت - مارجمان- كمطم – لاعوت .. وغيرها اسماء منفصلة كتير وانا مش عرفة انا بقول ايه ؟؟؟ !!

اخدت الكتاب وجريت وبعدت طبعا عن انظار الناس وقعدت في مكان بعيد والحمد لله لقيت ناس بسيطة في المكان اللى عشت فيه ... كانوا بيدونى اكل وفضلت عيشة غريبة فترة كأنى في الشارع ..

الفترة دي عدت عليا كأنها سنين طويلة بسبب اللى حصلي فيها وده اللى هتعرفوه دلوقتى ..

كان الطبيعي بتاعي كل يوم انى اطلع الكتاب واقرا فيه بدون وعي بس الموضوع بدأ يتطور معايا ... وصلت لباب تحضير جن في الكتاب وقريته كذا مرة

لان ظهرت جوايا الرغبة الملحة تانى
كانت اول مرة لهروبي من المستشفي
لكن المرة دي كانت اصعب
المرة دي انا هحضر ارواح صحابي .....



-قريت الفصل ده كذا مرة عشان مأذيش نفسي
واشتريت كل اللى كنت محتجاها لجلسة تحضير "جن"

من الفلوس اللى الناس بتعطف عليا بيها

واول واحدة بدأت بيها كانت دعاء هي اللى جت في بالى



بدأت اقول الطلسم واللى حصل انى حسيت بألم فظييع في جسمي وسمعت صوت صريخ عالي اووي
وشفت طيف ... ايوة طيف بشكل دعاء كله جروح وبينزف دم وبتبكي من الالم زي ما يكون كانت بتتعذب وفي وسط المنظر ده بصتلي بشكل حاد جدا زي ما يكون زعلانة انى شفتها كدا ... قولتلها انى عوزاها تساعدنى .. رفضت وقالت انى لو مبعدتش عنها هتأذيني !!!!!
لا مش ممكن تكون دي دعاء اللى انا عرفتها واختفت من قدامي بنفس الغرابة اللى جت بيها لكن المرة دي في صمممت ..

تانى يوم .. جهزت البخور والادوات المطلوبة للتحضير التانى "داليا وزهرة " ...

وحسيت بنفس الالم اللى في جسمي وظهرروا داليا وزهرة وكانوا زي ما توقعت بنفس شكل دعاء الجروح والدم والبكاء .....

لكن كانوا بيبصولي بندم شديد اوووي وفعلا اتكلمت معاهم زي ما يكونوا لسة عايشين

المفاجأة كانت من زهرة ... "احنا اسفين يا بسمة"

قلتلها انا اللى اسفة .. انا السبب

داليا قالت لأ انتى مش السبب

اللى متعرفيهوش اننا كنا بندور ورا الكتاب ده ودعاء هي السبب لأن هي اللى قالتلنا عليه ..

اقنعتنا انه بيحقق امنيات مستحيلة .. لوطلبناها من خادم الكتاب .. وكانت بتلح علينا كتير بحكايتها عن الكتاب ده زي ما يكون ليها غرض منه ...



الكلام كان بالنسبالى صاعقة ... وتفكيري ساعتها كان :

احمد ؟؟؟؟ سارة ؟؟؟؟ ودعاء !!!!!!!!!!
طب ازاي ......................



دي دعاء ماتت زيهم ؟؟ طب ليه عملت كدا ؟؟
ازاى دعاء تعرف احمد اصلا ؟؟؟
وساعتها ذاكرتى رجعت بكللل الاحداث
دعاء هي اللى حطت في دماغي فكرة شمس المعارف..
وافتكرت لما كانت علطول ماسكة الموبايل او اللاب وانا بتكسف اقولها بتعمل ايه

وافتكرت يوم ما كانت نيمة جنبي .. كانت بتمتم بكلام وانا فكراها كانت بتقرا قرأن ؟؟؟؟ !!!!
بس ايوة ده كان نفس الكلام اللى في بداية الكتاب



" هانوت - مارجمان- كمطم – لاعوت "

وجريت علكتاب وفتحته وحضرت البخور وبأعلي صوتى قولت الطلسم وحسيت بألم في ضهري ....
عارف لما تكون بتتألم اووي بس حاسس انك مبسوط او مرتاح كدا ؟؟؟ !! مش عارفة اقولهالكوا ازاى بس في سكينة مشية في ضهري وانا بكمل قراءة وحسة براحة مع الالم ده !!!

وظهر فجأة صوت صريخ عالي جدا .. وظهر طيف دعاء في غضب .. وقلتلها مش هسيبك غير لما تقوليلي ليه عملتي كدا انا عرفت كل حاجة

قالتلي هما اللى قالولك صح ؟؟
انتى متعرفيش انا معيشاهم في عذاب قد ايه ؟؟ لانى عرفت انهم قالولك ..
زعلت اوووي علي صحابي اللى ملهمش ذنب في حاجة
بس قررت انى افضل قوية للأخر

وبدأت احاول اءذيها بواسطة الكتاب طبعا ...



بدأت تقولي كل حاجة ....

دعاء بدأت تهتم بموضوع الكتاب من فترة واتعرفت علي احمد علي الانترنت واتكلمت معاه واتفقو مع بعض علي انهم يجلبو ضحايا جداد في سبيل حياتهم وتحقيق امانيهم علي قد فهمهم ساعتها

بس اللى كان اكيد ان الكتاب اقوي منهم بكتير
هي اللى حددت المدرسة دي عشان لما حكت لأحمد عن اصحابها عرف بابا وقالت طبعا انه مش هيمانع وفي نفس الوقت اروي ورنا في المدرسة اللى قريبة من مكان شغل احمد .....

يعنى كانت الظروف مسعداها جداااا زي ما الظروف ساعدتنى اهرب من المستشفي
وان خدام الكتاب اللى بيسهلوا كل ده لأجل ان الكتاب يفضل وميفناش ....

وقالتلي انها متعرفش ازاى اتخلص من الكتاب لان مفيش ايي وسيلة معروفة للتخلص منه

ومشيت دعاء ....

بعد ما نزفت بطريقة بشعة بسبب ان باب الموتى او باب العالم الاخر ظل مفتوح فترة طويلة وكنت انا الوسيلة اللى فتحت باب الجحيم ده

وقعت عالارض بعد ما اختفي شبح دعاء ولما فوقت فكرت في انى ليه اكمل ما دام مش انا السبب !!
ما ابعد الكتاب ده عنى وخلاص .........

قررت تانى يوم انى اسأل ناس علي شيخ يكون موثوق فيه وفعلا قدرت اوصل لعنوان شيخ كويس يعنى

ورحتله .. خبطت علباب .. وفتحلي ....

كان تعبيرات وشه بتعبر انه حس ان الانسانة اللى قدامه مش طبيعية ومن غير ما يتكلم بعد عن الباب من غير تى ما يقولي ادخل

دخلت وبدأت احكيله علي كل حاجة حصلت معايا وكل اللى وشه علامات ذهووول

قالى انا هحاول بصوت يائس وساعتها افتكرت كلام دعاء

ان مفيش طريقة معروفة للتخلص من الكتاب ...

بدأ يقرا قران وبالوقت بدأت حرارة الاوضة تعلي وبدأت احس انى بتخنق واحس بألم في جسمي ..

وقلتله كفاية متقراش كفاية انا بتعذب ...

واللى مكنتش متوقعاه انى لمحته !! لمحت الكتاب الكتاب موجود هنا في بيت الشيخ مع ان انا مجبتوش معايا ؟؟؟

واول ما الكتاب ظهر بدأ الشيخ يتنفض ويترمي في الارض واللى لاحظته انه كان عاوز يفضل يقرا قران بس الالم اللى هو فيه مخليه مش قادر حتى يجمع كلمتين

واللى في بالكو دلوقتى صح .... الشيخ مات

جريت من بيت الشيخ علي المكان اللى عيشة فيه والمفاجأة !!!!! انى لقيت الكتاب زي ما هو هناك

بدأت انهار من العياط لمجرد انى فكرت انى هفضل طوول عمري في العذاب ده وانا مليش ذنب في حاجة



وفجأة سمعت صفات الكتاب بتتقلب وحسيت بألم في ضهري زي ما يكون الكتاب بيجبرنى انى اقوم واقرا فيه

وانا بحاول علي قد ما اقدر انى امنع نفسي ...

بس في حاجة بتشدنى اووي للكتاب احساس رغبة فظيييعة في القراءة فيه

وقربت من الكتاب وبدأت اقرأ اسمان الجان من تانى ...

اسماء الجان اللى بتربطنى بالكتاب اكتر

اسماء الجان اللى انا دلوقتى بقيت خادمة ليهم

اسماء الجان اللى بتخليني اكفر بربنا بسبب ضعفي او بسبب اللى حصلي وخلانى بقيت ضعيفة

محستش بحاجة بعد كدا غير انى نمت ...

وحلمت حلم غريب : حلمت ان دعاء واحمد بيعذبوا داليا وزهرة واروي ورنا

وبعدها بيسجدوا عند عرش اسود وبيقولوا كلام غريب من اللى مكتوب في الكتاب ومفهمتش معناه وانا الكتاب ماسكنى وبيجبرنى انى اسجد معاهم وبدأ يعذب فيا من غير ما يلمسنى لحد ما جسمي بقا فيه نفس علامات الجروح اللى بالسكينة اللى في جسم اصحابي وفي الاخر سجدت معاهم ....

صحيت مفزوعة من النوم وكل اللى في بالى ان دي اكيييد علامة وفي وسط تفكيري سمعت صوت صفحات الكتاب بتأمرنى تااانى انى اقرا فيها وشفت قدامي داليا وزهرة واروي ورنا بيبكوا ..

قمت وقريت تانى في الكتاب

هانوت - مارجمان- كمطم – لاعوت ..................

وبعدها صفحات الكتاب اتقلبت تانى واللى كان مكتوب :

" الالم لا يظل للأبد .. فإن كنت خادما مخلصا للكتاب الذي يربط ما بين عالمنا وعالمكم سيزول الالم ولو بعد حين بحصول شخص مختار من قبل ملوك الجان قادر علي حماية الكتاب اما اذا كنت خادما غير مخلص فسوف ينتهي بك المصير في العذاب اللامنتهي .. اقبل علي الاتيان بدماء جديدة حتى يصل الشخص المطلوب .......................... "



الكلام ده معناه انى هقتل ؟؟ الكلام ده معناه انى هعمل اللى احمد ودعاء كانوا بعملوه ........

اكيد احمد ودعاء غلطوا في حاجة انا مينفعش اغلط فيها عشان الكتاب ده يبعد عنى ....

كنت بفكر ارجع تانى المستشفي واستسلم لمصيري بس اكيد الكتاب هيرجعنى تانى ........



انا هفضل هنا لحد ما يجي الشحص المطلوب

ويمكن يكون حد فيكو بعد ما قريتو الكلمات:

هانوت - مارجمان- كمطم – لاعوت

تمت

___________________________________________________

ذكر ان تقيمك لموضوعي  بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا



اقرأ ايضا : 

قصص رعبرعب احمد يونساحمد يونسقصص احمد يونس رعبقصص حقيقيةقصة رعبافلام رعبتحميل قصص رعبصور رعبقصص رعب قصيرةقصص رعب على القهوةرعب ع القهوةقصص رعب كلام معلمينقصص رعب احمد يونس كلام معلميندستور قصص رعبقصص جنقصة رعب