انا اسمى اسلام طالب فى الثانوية العامة كنا عايشين فى الفيوم انا واهلى فحصل ظروف وابوية وامى انفصلو فأخدتنا امى ورحنا على حلوان انا واخواتى الاربعة فا أحنا على اد حالنا وكان لازم نقعد فى شقة والظروف مكانتش مساعدة كان فى شقة ايجارها رخيص جدا جدا جدا وامى فرحت بس الجيران بتوع الشقة دى كانو عمالين يقولو مين المجنون اللى هيقعد فى الشقة مين المجنون اللى هيسكن فى الشقة امى مرضيتش تتكلم معاهم وراحت للسمسار وقالتله الجيران بيقولو مين المجنون اللى عايز يقعد فى الشقة ف السمسار قالها لالالا مين قال كدة وهو بيتلجلج طبعا دول دول هما بيقولو بس كدة علشان كانو عايزين ياخدو الشقة
وانا مرضيتش وعلشان هى حلوة وواسعة هما مستخسرينها فيكى الشقة مفتوحة ليكى انتى وولادك لو قاطعته امى وقالت يعنى الشقة مفيهاش حاجة لو فى حاجة قول من الاول قالها المفتاح اهوة هى بس عايزة شوية توضيب !!!! والمفتاح اهوة اخدت امى المفتاح ورحنا انا واخواتى وامى على الشقة الباب كان شكله يخوف والتراب عليه كتير اوى وزى مايكون متفتحش بقاله سنين الجيران اتلمو علينا امى قالت ادخلو ملكوش دعوة بالناس دى وفتحت الباب ودخلنا كلنا برجلنا اليمين وسمينا وقفلت الباب وقولنا هنبدأ نرؤها
ووزعنا نفسنا هى كانت اوضتين وصالة (غرفتين وصالة ) وبدأنا وبعد شوية سمعنا اخوية الصغير بينادى وبيصرخ وبيقول الحقونى يا ماما يا اسلام يادينا ياخالد يا صابرين جرينا كلنا عليه وقولناله فى ايه قال انا شوفت شوفت قولناله قول شوفت ايه انطق قال انا شوفت وانا بوضب الحمام خيال وزى مايكون خيال وادة رقبتها مقطوعة ونازلة ورا (خلف ) ظهرها وعما يتكرر ويجى من نفس المكان حتى انا دلقت (رشيت _سكبت ) عليه مية (ماء) وقف شوية وبعد كدة كمل تكرار بقا بيجى من اول الشباك لحد الباب ومش بيرجع تانى بيجى من نفس المكان من الشباك لحد الباب طبعاّ كلنا صوتنا على بالضحكات والقهقهة وقولنا ليه انتشكلم بيتهىء لك وشكلك كدة بتعمل الفيلم ده علشان مش عايز توضب معانا كنت قول كدة من الاول يا كسلان بس انا لاحظت حاجة غريبة اوى امى هى الوحيدة اللى مضحكتش زى ما يكون كانت حاسة بحاجة بس بعدكدة ضحكت ورجعنا تانى للتوضيب بصينا لقينا على الشبابيك حاجة غريبة زى مايكون دم دم !!! ف امى قالت لالالا ده شكله حد كان هيدهن الحيطة بوية وكان بيدرب الالوان فنزل منها شوية على الشبابيك بس ده كان شكله دم كأنه خرج من حد وقولت فى نفسى ازاى بيدرب الدهان وموجود على كل الشبابيك بس امى كانت بتقول كدة من ورا قلبها ومكانتش مقتنعة بالكلام اللى هى بتقوله وكان من شكلها انها اكتر واحدة مرعوبة بس كانت عايزة تعدى الموقف وخلاص ومش عايزانا نخاف وضبنا الشقة وخلصنا ومبقاش باقى غير العفش اللى جبناه من الفيوم ومركون فرشنا الشقة وخلصنا بقيت الشقة غرفة لية واخوية محمد وخالد الصغيرين وكانت فيها سريرين انا سرير وهما الاتنين سرير والاوضة (الغرفة ) التانية ل امى واخواتى البنات دينا وصابرين صابرين اكبر منى ودينا اصغر منى وانا متعود اذاكر بالليل وأخد الليل من اوله فى المذاكرة وانا قاعد ع المكتب وبذاكر كان فاضل على الفجر ساعة كسلت وقولت انا هنام بس هروح المطبخ اشرب خوفت وقولت هروح لوحدى قولت انا فى ثانوى وراجل بس مقدرتش قولت هصحى حد من اخواتى يجى معاية وقولت محمد يامحمد قوم تعالى معاية اشرب قالى لا انا مش قادر روح انت قولتله ماشى رحت ع المطبخ لوحدى وانا ماشى حسيت وكأن حد ماشى ورايا والنفس بتاعه فى ظهرى قولت ده اكيد اخوية محمد عايز يخضنى لفيت ورايا فجأة ملقيتش حد ناديت على محمد يامحمد يامحمد مردش علية وكان شكله رجع تانى فى النوم شربت بسرعة وصحيت محمد شرب ونام وانا نمت وصحيت الصبح رحت المدرسة واتعرفت على صحابى الجداد وروحت لما روحت اتلمينا وامى قالت لية انت كنت بتدور على حاجة امبارح يا اسلام قولتلها لا لية انت شوفتى حاجة سمعتى نفس ولا حاجة قالت سمعت ايه ؟ قولتلها قولى يا امى ايه اللى حصل قالت اصلك انت لما دخلت علية امبارح وكان القلم فى بؤك (فمك)والكشكول فى ايدك ناديت عليك يا اسلام يا اسلام مردتش علية ورحت بصيتلى بصة غريبة كدة وانت خارج لفيت راسك وبصيت ورحت خارج قولتلها بدهشة وانا مرعوب انا !! انا !! انا نمت امبارح قبل الفجر وصحيت اخوية محمد وشرب مية (ماء) ونمنا محمد قال انا مصحيتش امبارح ولا شربت راحو كلهم بصو (نظرو) نظرة غريبة لية خليتنى خوفت من نفسى واخواتى وامى بس امى قالت انا هروح اسأل الجيران ايه اللى بيحصلنا ده ايه اللى فى الشقة دى بس قالت انا هكلم الجيران وانا قفلت بابى فى وشهم انا لازم اروح اسأل السمسار قولنالها احنا مش هتقعد هنا لوحدنا احنا لازم نيجى معاكى رحنا ملقيناش السمسار وفلوسنا بتاع الشقة معاه والمقدم والايجار مكنش ينفع نسيب الشقة روحنا الشقة وقولنا احنا هننام ونصحى مع بعض فى نفس الوقت قالو ماشى بس انا بحكم الثانوية والمذاكرة لازم اسهر ومينفعش حد يسهر معاية وقبل ما ينامو جبت كل حاجة ممكن احتاجها الماء وكل حاجة وانا بذاكر فجأة وماسك القلم وعينى فى الكتاب لقيت كوباية الماء اتكبت كلها على الكتب والمكتب جريت بسرعة ع الدولاب اجيب حاجة انشفها بيها رجعت ملقيتش الماء مكبوبة ولقيتها زى ماهى فى الكوباية خوفت واترعبت ولقيت اخوية خالد صحى وقالى انا هقعد معاك قولتله بس انا مش هنام دلوقت قالى انا هقعد معاك قعدنا يجى نص ساعة وطفينا النور وقولنا هننام راح هو نام على السرير جمب محمد وانا نمت على سريرى خالد بمجرد ما دماغه لمست المخدة نام وانا فضلت صاحى من الموقف والنور مطفى والدنيا ضلمة وفجأة سمعت صوت بهمس صوت واطى كان صوت ورق الكتاب بيتقلب صوت الورقة وهو بيلمس الورقة صرخت بصوت عالى الحقونى ياماما يامحمد يادينا الحقونى لقيتهم بيصحونى من النوم وبيقولو انت كنت فى كابوس قولتلهم لا انا حصلى كذا كذا وحكيت ع كل حاجة والماء موجودة على المكتب فى الكوباية معنى كدة انى مكنتش بحلم محدش رضى يصدقنى فضلت اقول يا ماما صدقينى يا اخواتى صدقونى خالد قالى فعلا انا امبارح سمعت صوت الورق بيتقلب وكنت صاحى بس قولت يمكن اسلام قام يمكن نسى حاجة فى وسط الكتاب وهو عارف طريقها ومش محتاج انه ينور النور ونمت ومفكرتش كتير
وهو خالد بيتكلم عينى جت على شباك اوضتى انا والصبيان لقيت البوية او الدم رجع تانى على الشباك والحيطة مع اننا غسلناه واخواتى البنات شافو الاوضة بتاعتهم لقو يرضو الدم موجود امى قالت ياولاد احنا لازم نقعد فى الشقة غصب عننا وعدت فترة مبقاش يحصل حجات غريبة بس شكله كاااان هدووووووء يسبق العاصفة جت فترة الامتحانات بتاع الثانوية ومكناش بننام كتير وفى مدرستى اتعرفت على واحد اسمه باسم وبقا صاحبى اوى زى اخوية ومترددتش لحظة انى احكيله ع اللى بيحصل عندنا حكيتله راح قالى ايه التخاريف اللى انت بتقولها دى وراح ضاحك لدرجة ان الفصل كله اتلفت لنا فقولت فى نفسى لازم اثبت له لازم وبعدها بيوم عرضت عليه يجى يذاكر معاية وافق بس قالى هروح بيتنا بدرى قولتله ماشى وما صدقت وافق
واتفقنا على ميعاد لو مجاش فيه يبقا اهله موافقوش روحت وقولت لامى قالت انت حكيت له حاجة قولت لها لا احكى ازاى هى دى حجات تتحكى قالتلى بس هاتذكرو مش هتهزرو قولت لها اكيد واحنا بنتكلم الباب خبط لقيت باسم جه ومعاه الكتب بتاعته دخلنا اوضتى اللى فيها المكتب وجبت كرسى ذيادة ليه وبدأنا نذاكر وكان فى نص لازم لازم نحفظه وفضلنا نكرر قرائته مع بعض بس كان لازم علشان يتم الحفظ نكتبه كذا مرة وقولنا هنتحدى بعض مين اللى هيكتب اكتر انا بدأت وهو بدأ يكتب لحد ما تعبنا بدلنا الكشاكيل مع بعض علشان انا اعد ليه اللى هو كتبه وهو يعد لية انا بدأت اعد اللى هو كتبه وهو باصص فى الكشكول بتاعى وساكت وانا بعد وهو ساكت خلصت عد وقولتله انت مش بتعد ليه ياباسم قالى أعد ايه فين اللى انت كتبته ورانى الكشكول لقيته فاضى!!! زى مايكون جديد قولتله والله العظيم انا كتبت قالى كتبت فين انا من الاول بقول انا يا اسلام مش هتذاكر قولتله والله كتبت واحنا بنتكلم جاله تليفون رد ع الموبايل وقال ايوة انا جاى يابابا جاى اخدت منه التليفون وقولت لا معلشى احنا لسة ورانا حجات مهمة هنذاكرها باسم هيبات معاية النهارده لا هنروح المدرسة بكرة لا هنعدى الصبح ع البيت وهيلبس ونمشى ع المدرسة سلام سلام باسم قالى انا همشى مش هبات انت مش هتذاكر قولت علشان صوته ميعلاش وامى متسمعش خلاص ياباسم انا هذاكر وذاكرنا وعدى ساعة واتنين لحد ما ميعاد النوم جه قالى انا هنام فين قولتله معلش فى كنبة فى الصالة بتتفتح وبتبقى سرير انت هتنام عليها وانا نمت على سريرى
نمنا وصحيت الصبح غسلت وشى وبصحى باسم صحى وهو مخضوض وقام بسرعة غسل وشه وراح علشان يلبس الجذمة بتاعته وهيجيبها من تحت الكنبة اللى كان نايم عليها بص تحت الكنبة وبصلى وعنيه مفتوحة على الاخر وبعد عن الكنبة واخد الجذمة بسرعة ولبسها على السلم وعلشانى منتأخرش مشينا بسرعة فضلت اكلمه مكانش بيرد قولتله فى ايه ياباسم مش بترد ليه وصلنا بيته طلع لبس ونزل ولسة هكلمه راح قالى بص انت ملكش دعوة بية متكلمنيش تانى قولتله ليه انت شوفت حاجة طيب انا عملتلك حاجة قالى روح الحق امك واخواتك قولتله ليه قالى انا شوفت قولتله انطق شوفت ايه ولا ايه اللى حصل قالى انا امبارح وانا لسة هنام سمعت صوت رجلين ماشية على الحصيرة اللى على الارض (السجاد)
ونفس بينهج افتكرتك انت بتعمل فية مقلب علشان منامش بس نمت وتجاهلت الصوت لكن الصبح وانا بجيب الجذمة من تحت الكنبة بصيت لقيت ذراع اسود اوى وفى الاظافر بتاعته منيكير (طلاء الاظافر ) وكأنه لسة مقطوع واللحم نازل من اخره اخدت الجذمة بسرعة ولبستها على السلم اجرى بسرعة الحق امك واخواتك روحت البيت بسرعة وانا بجرى خبطت وامى فتحت الباب قالتلى انت مرحتش المدرسة ليه مردتش عليها ودخلت الشقة ع طول وبصيت تحت الكنبة القيت الدراع موجود وطلعته بسرعة ووقع من ايدى على الارض امى صوتت بصوت عالى وقالت ايه ده ايه ده انا كدة اتأكدت ان الشقة فيها حاجة ولقينا وهى بتتكلم اخواتى كلهم صحيو وشوفت انا وامى حاجة غريبة فى اخواتى البنات البنات بس لقينا اختى الكبيرة صابرين شعرها متقطع زى ما يكون حد شده جامد ومتقصقص مش بنظام قولنالها ايه اللى عمل فى شعرك كدة جريت بصت فى المراية وصوتت واختى الصغيرة لقيناها فى علامات على جسمها ايديها ورقبتها زى مايكون حد كان عايز يخنقها واخواتى الصبيان واحد مع اختى عند المراية وواحد واقف معانا وفى لحظة سمعنا اختى واخوية بيصوتوا و النور انقطع والباب بتاع الاوضة اتقفل على اختى الكبيرة واخوية الصغير وفضلو يصرخو ويصوتو وانا وامى واختى دينا واخوية محمد فضلنا واقفين فى الصالة وماسكين فى ايدين بعض مش عارفين نعمل ايه باب الشقة فضل يخبط واحنا مذهولين مش عارفين نعمل ايه وانا ماسك ايد امى لقيت الباب اتفتح والجيران هما اللى بيخبطو ع باب الشقة وامى هى اللى فتحت الباب امال انا كنت ماسك ايد مين لالالالا انا طلعت ماسك الايد اللى كانت تحت الكنبة !!!!! رميتها على الارض والجيران كسرو باب اوضة اخواتى البنات اللى كان فيها اختى صابرين واخوية خالد وطلعو وعين اختى عمالة تنزل دم وعنيها حمراااااا وعمالة تنزل دم راح اخوية خالد مشى بعيد عنها وسابها راحت موطية على الذراع اللى على الارض وكانت داخلة الاوضة بيه الجيران قرأو القران وهى وقعت على الارض ورمت الذراع ورجعت زى ما كانت بس مكانتش فاكرة اى حاجة واخوية خالد بيحكى ايه اللى حصل فى الاوضة بيقول واحنا واقفين ادام المراية شوفنا واحدة ذراعها مقطوع جاية علينا وعنيها حمرا وشعرها متقطع وجلدها ملتصق بعظمها وماشية براحة وجاية علينا صوتنا النور قطع بس هى ملمستنيش وخرجنا صابرين بقت كدة رد واحد من الجيران وقال دى اكيد القتيلة !!!!!!!!!!!!!! كلنا ردينا وقولنا ايه راحو الجيران قايلين ايوة دى القتيلة انتو متعرفوش الحكاية قولنالهم هى ايه الحكاية وامى قالت سامحونى انى قفلت الباب فى وشكم قالو الحكاية انه كان فى واحدة ساكنة هنا وكانت حامل جوزها مشى الصبح على الشغل ودرتها كانت مستنياه لما يمشى وراحت خبطت عليها هى واخوها فى الشقة ومسكوها من شعرها لحد ما تقطع وفضلو يجرو وراها لحد ما وقعت ع الارض وكتمو نفسها وقطعوها حتت حتت ولمو كل اعضاءها فى اكياس ورمو كل جزء فى صندوق من صناديق القمامة والشرطة جمعت جسم الست الا حاجة واحدة ذراعها الشمال واتعرفو عليها ودرتها واخوها ماتو من ذمان امى قالت بس السمسار مقالش حاجة من دى قالولها ده مش سمسار ده هو صاحب الشقة وكان مأجرها للست اللى اتقتلت وجوزها وكان عايز يأجرها وخلاص وأهو اخد التأمين بتاعكو وفلوس الايجار وهرب امى قالت علشان كدة صوت النفس والدم اللى ع الحيطان وبنتى شعرها اتقطع والخيال اللى فى الحمام اكيد روحها كانت عايزة تعمل فينا اللى اتعمل فيها واكيد كانت بتتدور على الذراع بتاعها لازم نسيب الشقة بس هنروح فين يا اما نرجع الفيوم يا اما نفضل فى الشقة زي ما احنا ...
تــــــــمـــــت
___________________________________________________
ذكر ان تقيمك لموضوعي بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا
اقرأ ايضا :
قصص رعبرعب احمد يونساحمد يونسقصص احمد يونس رعبقصص حقيقيةقصة رعبافلام رعبتحميل قصص رعبصور رعبقصص رعب قصيرةقصص رعب على القهوةرعب ع القهوةقصص رعب كلام معلمينقصص رعب احمد يونس كلام معلميندستور قصص رعبقصص جنقصة رعب
