--------------
ﺍﻧﺎ ﺍﻟﻠﻰ ﺟﺒﺖ ﺩﻩ ﻛﻠﻪ ﻟﻨﻔﺴﻲ -
ﺍﻗﻮﻝ ﻫﺬﻩ ﺍﻟﻜﻠﻤﺔ ﻟﻨﻔﺴﻲ ﻛﻞ ﻳﻮﻡ ﻭﻛﻞ ﺩﻗﻴﻘﺔ ﻣﻦ ﺍﻟﺴﻴﺮﻙ ﺍﻟﻠﻲ ﻋﺎﻳﺸﺔ ﻓﻴﻪ
ﻣﻦ ﺳﺎﻋﺔ ﻣﺎ ﺣﻤﺎﺗﻲ ﺍﻟﻤﺼﻮﻧﺔ ﺷﺮﻓﺘﻨﺎ ﺑﺎﻻﻧﺘﻘﺎﻝ ﺍﻟﻰ ﺍﻟﺤﻴﺎﺓ ﻣﻌﻨﺎ .. ﺍﻟﻠﻪ
ﻳﺴﺎﻣﺤﻚ ﻳﺎﻣﺎﻣﺎ
.. ﺍﻧﺘﻲ ﺍﻟﻠﻲ ﺍﻗﺘﺮﺣﺘﻲ ﺍﻻﻗﺘﺮﺍﺡ ﺍﻟﺮﺍﺋﻊ ﺩﻩ
ﺣﻴﺎﺗﻲ ﺍﻧﻘﻠﺒﺖ ﺑﺰﺍﻭﻳﺔ 180 ﺩﺭﺟﺔ.. ﻟﻢ ﺃﻛﻦ ﺍﺗﺨﻴﻞ ﺍﻥ ﻛﻞ ﻫﺬﺍ ﺳﻴﺤﺪﺙ ﻓﻰ
ﺷﻬﺮ ﻭﺍﺣﺪ.. ﺍﻟﺒﻨﺖ ﺑﺘﺘﺠﻮّﺯ ﻋﻠﺸﺎﻥ ﻳﻜﻮﻥ ﻟﻬﺎ ﺑﻴﺖ ﻣﺴﺘﻘﻞ ﺗﻜﻮﻥ ﻫﻲ ﻣﻠﻜﺘﻪ
ﺗﻔﻌﻞ ﺑﻪ ﻣﺎ ﺗﺮﻳﺪ .. ﻭﻗﺖ ﻣﺎ ﺗﺤﺐ .. ﺗﻄﺒﺦ ﻣﺎ ﺗﺸﺎﺀ .. ﺗﻀﺮﺏ ﻋﻦ ﺍﻻﻋﻤﺎﻝ
ﺍﻟﻤﻨﺰﻟﻴﺔ ﻭﺗﺆﺟﻠﻬﺎ ﻟﻴﻮﻡ ﺁﺧﺮ ﻭﻗﺖ ﻣﺎ ﻳﺤﻠﻮ ﻟﻬﺎ
ﺍﻓﺘﻘﺪﺕ ﻛﻞ ﻫﺬﺍ ﺩﻓﻌﺔ ﻭﺍﺣﺪﺓ .. ﺃﺣﺴﺴﺖ ﺍﻧﻲ ﺿﻴﻔﺔ ﻓﻰ ﺑﻴﺘﻲ .. ﻭﻳﺎﺭﻳﺖ
ﻛﻤﺎﻥ ﺿﻴﻔﺔ ﺩﻱ ﺣﺘﻰ ﺍﻟﻀﻴﻔﺔ ﺑﺘُﺨﺪَﻡ ﻭﺗﻜﺮّﻡ.. ﺍﻣﺎ ﺍﻧﺎ ﺗﺤﻮﻟﺖ ﺍﻟﻰ ﺃﺳﻴﺮﺓ
ﻭﻣﺮﺍﻗﺒﺔ 24 ﺳﺎﻋﺔ ﻣﻦ ﺣﻤﺎﺗﻲ.. ﻃﻮﻝ ﺍﻟﻨﻬﺎﺭ ﺗﺮﺍﻗﺐ ﺗﺤﺮﻛﺎﺗﻲ.. ﻭﺗﻨﺘﻘﺪﺗﻨﻲ
ﻓﻰ ﻛﻞ ﺣﺎﺟﺔ
ﺗﺮﺍﻗﺐ ﺗﻄﻮﺭ ﺣﻠﺔ ﺍﻟﻤﺤﺸﻲ ﻣﻦ ﺍﻭﻝ ﻣﺎﺍﻏﺴﻞ ﺍﻷﺭﺯ ﺍﻟﻰ ﺁﺧﺮ ﻣﺤﻄﺔ ﻭﻛﻞ
ﻟﺤﻈﺔ ﺗﺘﺤﻔﻨﻲ ﺑﻌﺒﺎﺭﺍﺕ ﻣﻦ ﻧﻮﻋﻴﺔ : ﻭﺍﺿﺢ ﺍﻧﻚ ﻟﺴﻪ ﺑﺘﺘﻌﻠﻤﻲ ﻳﺎﺳﺎﺭﺓ .. ﻻ ﻻ
ﻻ ﺩﻩ ﻣﺶ ﻣﺤﺸﻲ ﺩﻩ ﻳﺨﻨﻲ.. ﻋﻤﺮ ﻣﺎ ﺑﻴﺤﺒﺶ ﺍﻟﻤﺤﺸﻲ ﺍﻻ ﻣﻦ ﺍﻳﺪﻱ ﺍﻧﺎ
ﻭﻻ ﺗﻔﻜﺮ ﺣﺘﻰ ﺍﻥ ﺗﺴﺎﻋﺪﻧﻲ ﻓﻲ ﺍﻱ ﺷﻰﺀ .. ﻭﺍﻧﺎ ﻻ ﺃﺭﺩ ﻋﻠﻰ ﺃﻱ ﻛﻠﻤﺔ
ﻭﺃﺣﺎﻭﻝ ﺍﻥ ﺍﺑﺘﺴﻢ ﺣﺘﻰ ﺗﺼﻠﺒﺖ ﺷﻔﺎﻳﻔﻲ ﻓﻰ ﻭﺿﻊ ﺍﺑﺘﺴﺎﻣﺔ ﻣﺴﻠﻮﻗﺔ ﻻ
ﻣﻌﻨﻰ ﻟﻬﺎ.. ﺑﺲ ﻋﻠﺸﺎﻥ ﻣﺎ ﺃﻃﻘّﺶ ﻭﺃﻣﻮﺕ
*******
ﻗـﺎﻝ ﻋﻤـﺮ :
------------
ﻳﺎﺳﻼﺍﺍﺍﺍﺍﺍﺍﺍﺍﺍﺍﺍﺍﻡ .. ﺭﺑﻨﺎ ﻳﺨﻠﻴﻜﻲ ﻟﻲّ ﻳﺎﺳﺎﺭﺓ ﻳﺎﺣﺒﻴﺒﺘﻲ
ﺣﻠﺖ ﻟﻲ ﻛﻞ ﻣﺸﺎﻛﻠﻲ ﻣﺮﺓ ﻭﺍﺣﺪﺓ ﺑﻘﻴﺖ ﻣﻄﻤّﻦ ﻋﻠﻰ ﻣﺎﻣﺎ ﻛﻞ ﺳﺎﻋﺔ ..
ﻭﺳﺎﺭﺓ ﻛﻤﺎﻥ ﺷﺎﻳﻼﻫﺎ ﺟﻮﺓ ﻋﻴﻨﻴﻬﺎ
ﺍﻧﺎ ﻛﻨﺖ ﻓﺎﻛﺮ ﺍﻧﻲ ﻛﻞ ﻳﻮﻡ ﺡ ﺍﻻﻗﻲ ﺧﻨﺎﻗﺎﺕ ﻟﺮﺏ ﺍﻟﺴﻤﺎ .. ﻟﻜﻦ ﺍﻟﺤﻤﺪ ﻟﻠﻪ
ﺍﻟﺪﻧﻴﺎ ﻫﺎﺩﻳﺔ ﻭﺟﻤﻴﻠﺔ ﻭﺍﻻﺗﻨﻴﻦ ﺯﻯ ﺍﻟﺴﻤﻨﺔ ﻋﻠﻰ ﺍﻟﻌﺴﻞ
ﺑﺼﺮﺍﺣﺔ ﻣﺶ ﺃﻱ ﻭﺍﺣﺪﺓ ﺗﺴﺘﺤﻤﻞ ﻣﺎﻣﺎ .. ﺍﻧﺎ ﻋﺎﺭﻑ ﺍﻧﻬﺎ ﺻﻌﺒﺔ ﻭﺑﺘﺤﺐ ﺗﺘﺪﺧﻞ
ﻓﻰ ﻛﻞ ﺣﺎﺟﺔ ﺑﺲ ﺡ ﺍﻋﻤﻞ ﺍﻳﻪ ﻳﻌﻨﻲ؟ ﺭﺑﻨﺎ ﻳﺨﻠﻴﻬﺎ ﻟﻲ ﻳﺎﺭﺏ .. ﻭﻳﺨﻠﻴﻠﻲ
ﺳﺎﺭﺓ ﻭﺗﻔﻀﻞ ﺑﻌﻘﻠﻬﺎ ﺍﻟﺮﺍﺳﻲ ﻛﺪﻩ ﻋﻠﻰ ﻃﻮﻝ
*******
ﻗـﺎﻟﺖ ﺳـﺎﺭﺓ :
--------------
ﺍﻧﺎ ﺧﻼﺍﺍﺍﺍﺍﺍﺍﺍﺹ ﻣﻌﺪﺵ ﻓﻲّ ﺭﻳﺤﺔ ﺍﻟﻌﻘﻞ !!! ﻗﺮﺑﺖ ﺍﺗﺠﻨﻦ ﻭﺃﺳﻴﺐ ﺍﻟﺒﻴﺖ
ﻛﻞ ﺣﺎﺟﺔ ﻓﻲ ﺍﻟﺪﻧﻴﺎ ﺣﻤﺎﺗﻲ ﻣﺪﺧّﻠﺔ ﻧﻔﺴﻬﺎ ﻓﻴﻬﺎ .. ﺣﺘﻰ ﺗﺮﺑﻴﺘﻲ ﻟﻴﺤﻴﻰ ﻛﻞ
ﺣﺎﺟﺔ ﻏﻠﻂ ﻓﻰ ﻏﻠﻂ .. ﻟﻮ ﺃﻛّﻠﺘﻪ ﺟﺰﺭ ﻳﺒﻘﻰ ﻻﺍﺍﺍﺍﺍﺍﺍﺍ ﺍﻟﺒﻄﺎﻃﺲ ﺃﻓﻴﺪ ﻛﺘﻴﺮ ..
ﻭﻟﻮ ﺍﻛﻞ ﺷﻴﻜﻮﻻﺗﺔ ﻳﺒﻘﻰ ﺳﻨﺎﻧﻪ ﺡ ﺗﻘﻊ .. ﻭﻟﻮ ﺣﺮﻣﺘﻪ ﻣﻨﻬﺎ ﻳﺒﻘﻰ ﺍﻧﺎ ﺃﻡ
ﻣﻔﺘﺮﻳﺔ
ﺑﺠﺪ ﻣﺶ ﻋﺎﺭﻓﺔ ﺍﻋﻤﻞ ﺍﻳﻪ ﻭﻻ ﺃﻣﻠﻚ ﺍﻻ ﺍﻟﻄﺎﻋﺔ ﻟﻜﻞ ﻛﻼﻣﻬﺎ ﻭﻟﻮ ﺟﺎﺩﻟﺘﻬﺎ
ﻧﺪﺧﻞ ﻓﻰ ﺟﺪﺍﻝ ﻳﺴﺘﻤﺮ ﻟﺴﺎﻋﺎﺕ ﻓﺄﺳﻤﻊ ﻛﻼﻣﻬﺎ ﻭﺍﻧﺎ ﺃﻣﻮﺕ ﻣﻦ ﺍﻟﻐﻴﻆ
ﻭﺍﻟﻤﺸﻜﻠﺔ ﺍﻷﻛﺒﺮ ﻛﻤﺎﻥ ﻫﻲ ﻓﻰ ﻭﺟﻮﺩ ﻋﻤﺮ.. ﺑﺘﺴﺘﺄﺛﺮ ﺑﻴﻪ ﻭﻛﺄﻧﻪ ﺯﻭﺟﻬﺎ
ﻫﻲ .. ﺗﻘﻌﺪ ﺗﺘﻜﻠﻢ ﻣﻌﺎﻩ ﺑﺎﻟﺴﺎﻋﺎﺕ ﻭﺗﻄﻠﺐ ﻣﻨﻲ ﺃﻋﻤﻠﻬﻢ ﻓﻨﺠﺎﻧﻴﻦ ﻗﻬﻮﺓ
ﻋﻠﺸﺎﻥ ﺍﻟﻘﻌﺪﺓ ﺗﺤﻠﻮ.. ﻭﻟﻮ ﺑﻌﺪ ﺍﻟﺸﺮ ﻗﻌﺪﺕ ﺍﺗﻜﻠﻢ ﻣﻌﺎﻩ ﻋﻠﻰ ﺍﻧﻔﺮﺍﺩ ﻓﻰ ﺃﻱ
ﻣﻮﺿﻮﻉ ﻻﺯﻡ ﺗﻌﺮﻑ ﺑﻨﺘﻜﻠﻢ ﻓﻲ ﺍﻳﻪ ﻭﺍﻻ ﺗﺰﻋﻞ ﻭﺗﺘﻘﻤﺺ ﻭﺍﻟﻮﺩ ﻭﺩﻫﺎ ﺍﻧﻬﺎ ﺗﻨﺎﻡ
ﻣﻌﺎﻧﺎ ﻓﻲ ﻧﻔﺲ ﺍﻻﻭﺿﺔ
ﺑﺠﺪ ﺍﻧﺎ ﺗﻌﺒﺖ ﺧﻼﺹ ﻭﻻﺯﻡ ﺍﻟﻮﺿﻊ ﻳﺘﻐﻴّﺮ .. ﻻﺯﻡ ﺍﻃﻠﺐ ﻣﻦ ﻋﻤﺮ ﺍﻧﻬﺎ ﺗﺮﺟﻊ
ﺷﻘﺘﻬﺎ ﻭﻧﺮﺟﻊ ﻧﺰﻭﺭﻫﺎ ﺯﻱ ﺍﻷﻭﻝ
ﺑﺲ ﺍﺯﺍﻯ ﺍﻗﺪﺭ ﺃﻃﻠﺐ ﻣﻨﻪ ﻛﺪﻩ؟
ﺍﻛﻴﺪ ﺍﻟﺪﻧﻴﺎ ﺡ ﺗﻮﻟﻊ ﻭﻳﺒﻘﻰ ﺷﻜﻠﻲ ﺍﻧﻲ ﺑﺄﻃﺮﺩ ﺃﻣﻪ .. ﻻ ﻻ ﻣﺎ ﻳﻨﻔﻌﺶ ﺍﻟﺤﻞ
ﺩﻩ .. ﺍﻧﺎ ﻋﺎﺭﻓﺔ ﺍﻟﺪﻳﻦ ﻭﺍﻷﺻﻮﻝ ﻭﻛﻤﺎﻥ ﻟﻮ ﻋﻤﺮ ﻋﻤﻞ ﻛﺪﻩ ﻓﻰ ﺃﻣﻲ ﺃﻛﻴﺪ ﺡ
ﺃﻗﺘﻠﻪ
ﺍﻧﺎ ﻋﺎﺭﻓﺔ ﺍﻧﻲ ﻣﻬﻤﺎ ﻋﻤﻠﺖ ﻻ ﻳﻤﻜﻦ ﺗﺤﺒﻨﻲ ﺯﻱ ﺑﻨﺘﻬﺎ .. ﺩﻱ ﺍﻟﻄﺒﻴﻌﺔ ﺍﻟﺒﺸﺮﻳﺔ
ﺍﻧﺎ ﺑﺮﺿﻪ ﻣﺶ ﺡ ﺍﺣﺐ ﺯﻭﺟﺔ ﻳﺤﻴﻰ ﺍﺑﻨﻲ .. ﻳﻌﻨﻲ ﺑﻌﺪ ﻣﺎ ﺍﺗﻌﺐ ﻭﺃﺭﺑﻲ ﺗﺎﺧﺪﻩ
ﺭﺍﺟﻞ ﻋﻠﻰ ﺍﻟﺠﺎﻫﺰ؟ ﻃﻴﺐ ﻳﺒﻘﻰ ﺍﻧﺎ ﺃﺷﻴﻞ ﻓﻜﺮﺓ ﺍﻧﻬﺎ ﺗﺤﺒﻨﻲ ﻣﻦ ﺩﻣﺎﻏﻲ
ﻭﺍﺣﺎﻭﻝ ﺍﺗﻘﺒﻞ ﺍﻟﻮﺿﻊ ﻭﺃﺣﺴﻨﻪ ﻭﺧﻼﺹ
ﺩﺧﻞ ﻋﻤﺮ ﻋﻠﻲّ ﻭﺃﻧﺎ ﻏﺎﺭﻗﺔ ﻓﻰ ﺍﻟﺘﻔﻜﻴﺮ ﻭﺿﺎﺭﺑﺔ ﺑﻮﺯ.. ﻭﻗﺎﻝ : ﺍﻳﻪ ﻳﺎ ﺳﺎﺭﺓ
ﺑﺘﻔﻜﺮﻱ ﻓﻲ ﺍﻳﻪ ﺩﻩ ﻛﻠﻪ؟
ﺭﺩﻳﺖ : ﻭﻻﺣﺎﺟﺔ ﻳﺎﻋﻤﺮ ﺑﺲ ﺗﻌﺒﺎﻧﺔ ﺷﻮﻳﺔ
ﺳﺄﻟﻨﻲ : ﻣﻦ ﺍﻳﻪ ﻳﺎ ﺣﺒﻴﺒﺘﻲ .. ﻣﺶ ﻣﺎﻣﺎ ﺑﺘﺴﺎﻋﺪﻙ ﻓﻰ ﺗﺮﺑﻴﺔ ﻳﺤﻴﻰ؟
ﻳﺎﺧﺮﺍﺍﺍﺍﺍﺍﺍﺑﻲ .. ﺑﺘﺴﺎﻋﺪﻧﻲ؟ -
ﻃﺒﻌﺎ ﻗﻠﺘﻬﺎ ﻓﻰ ﺳﺮﻱ .. ﻭﺭﺩﻳﺖ ﻋﻠﻴﻪ ﻭﺍﻧﺎ ﻣﻔﺮﻭﺳﺔ : ﻃﺒﻌﺎ ﻃﺒﻌﺎ ﺭﺑﻨﺎ
ﻳﺨﻠﻴﻬﺎﻟﻨﺎ
ﻓﺮﺩ ﻋﻠﻲّ ﺑﺤﻨﺎﻥ : ﻭﺍﻟﻠﻪ ﺍﻧﺎ ﺣﺎﺳﺲ ﺑﻴﻜﻲ ﻳﺎﺣﺒﻴﺒﺘﻲ ﻭﻋﺎﺭﻑ ﺍﻥ ﻣﺎﻣﺎ ﺻﻌﺒﺔ
ﺷﻮﻳﺔ.. ﺑﺲ ﺍﻋﻤﻞ ﺍﻳﻪ ﺍﻧﺎ ﺍﺑﻨﻬﺎ ﺍﻟﺮﺍﺟﻞ ﺍﻟﻮﺣﻴﺪ.. ﺃﺭﻣﻴﻬﺎ ﻳﻌﻨﻲ؟
ﺳﺎﻟﺖ ﺩﻣﻮﻋﻲ ﺭﻏﻤﺎ ﻋﻨﻲ ﻭﻗﻠﺖ ﻟﻪ : ﻳﺎﻋﻤﺮ ﺍﻧﺎ ﻻ ﻳﻤﻜﻦ ﺍﻗﻮﻝ ﻛﺪﻩ ﻭﺍﻧﺎ ﺍﻟﻠﻲ
ﻃﻠﺒﺖ ﻣﻨﻚ ﺍﻧﻬﺎ ﺗﻴﺠﻲ ﻫﻨﺎ .. ﺑﺲ ﺑﺠﺪ ﺍﻧﺎ ﺣﺎﺳﺔ ﺍﻧﻲ ﺑﻘﻴﺖ ﺿﻴﻔﺔ ﻓﻲ ﺍﻟﺒﻴﺖ
ﻣﺶ ﺻﺎﺣﺒﺘﻪ .. ﺑﺎﻧﻔﺬ ﻛﻞ ﻛﻼﻣﻬﺎ ﻭﺑﺘﻨﺘﻘﺪ ﻛﻞ ﺣﺎﺟﺔ ﺑﺎﻋﻤﻠﻬﺎ ﻓﻰ ﺍﻟﺒﻴﺖ
ﻭﻣﺤﺴﺴﺎﻧﻲ ﻃﻮﻝ ﺍﻟﻮﻗﺖ ﺍﻧﻲ ﻣﺶ ﺑﺎﻓﻬﻢ ﻓﻰ ﺃﻱ ﺣﺎﺟﺔ.. ﺑﺠﺪ ﺗﻌﺒﺖ .. ﺍﻋﻤﻞ
ﺍﻳﻪ؟
ﺃﺧﺬ ﻭﻗﺘﺎ ﻃﻮﻳﻼ ﻗﺒﻞ ﺍﻥ ﻳﺮﺩ ﻭﺟﺎﺀ ﺻﻮﺗﻪ ﻣﻠﻴﺌﺎ ﺑﺎﻟﺤﻴﺮﺓ : ﺑﺼﻲ ﻳﺎﺳﺎﺭﺓ .. ﺍﻧﺎ
ﻋﺎﺭﻑ ﺍﻥ ﻋﻨﺪﻙ ﺣﻖ .. ﺑﺲ ﺣﻄّﻲ ﻧﻔﺴﻚ ﻣﻜﺎﻧﻬﺎ.. ﺩﻱ ﺳﺖ ﻓﻘﺪﺕ ﻋﺸﺮﺓ
ﻋﻤﺮﻫﺎ ﻛﻠﻪ ﻭﻟﻘﺖ ﻧﻔﺴﻬﺎ ﻭﺣﻴﺪﺓ ﻭﻛﻤﺎﻥ ﺳﺎﺑﺖ ﺑﻴﺘﻬﺎ ﻓﺒﺘﻌﺘﺒﺮﻧﻲ ﺍﻧﺎ ﺭﺟﻠﻬﺎ
ﺍﻟﻮﺣﻴﺪ ﻓﻰ ﺍﻟﺪﻧﻴﺎ ﻭﻣﺘﺨﻴﻠﺔ ﺍﻧﻚ ﺍﻧﺘﻲ ﺍﻟﻠﻲ ﻭﺍﺧﺪﺍﻧﻲ ﻣﻨﻬﺎ .. ﻓﻨﻔﺴﻴﺎ ﻛﺪﻩ
ﺑﺘﻐﻴﺮ ﻣﻨﻚ ﻭﻣﻦ ﺣﺒﻲ ﻟﻴﻜﻲ ﻭﺑﺘﺤﺎﻭﻝ ﺗﺤﺴﺴﻚ ﺍﻧﻬﺎ ﺃﺣﺴﻦ ﻣﻨﻚ ﻓﻰ ﻛﻞ
ﺣﺎﺟﺔ .. ﻣﻌﻠﺶ ﻻﺯﻡ ﻧﺮﺍﻋﻲ ﺗﻔﻜﻴﺮﻫﺎ ﺩﻩ .. ﺣﺎﻭﻟﻰ ﺗﺼﺎﺣﺒﻴﻬﺎ ﻭﺗﺨﻠﻴﻬﺎ ﺗﺸﻴﻞ
ﻓﻜﺮﺓ ﺍﻟﻐﻴﺮﺓ ﺩﻯ ﻣﻦ ﺩﻣﺎﻏﻬﺎ
ﺭﺩﻳﺖ ﺑﻔﺮﺍﻍ ﺻﺒﺮ : ﻭﺍﻟﻠﻪ ﺣﺎﻭﻟﺖ ﻣﻔﻴﺶ ﻓﺎﻳﺪﺓ
ﺭﺩ ﺑﻌﺼﺒﻴﺔ ﻣﻔﺎﺟﺌﺔ : ﺑﺼﻰ ﻳﺎﺳﺎﺭﺓ ﺍﻧﺎ ﻣﺶ ﺡ ﺍﺗﻜﻠﻢ ﻓﻲ ﺍﻟﻤﻮﺿﻮﻉ ﺩﻩ ﺗﺎﻧﻲ ..
ﺍﻧﺎ ﻻﻳﻤﻜﻦ ﺃﻏﻀﺒﻬﺎ ﺃﺑﺪﺍ ﻋﻠﺸﺎﻥ ﺧﺎﻃﺮﻙ .. ﻭﻟﻮ ﺍﺧﺘﺮﺕ ﺑﻴﻦ ﺑﻴﺘﻰ ﻭﺑﻴﻦ ﺭﺿﺎﻫﺎ
ﺡ ﺍﺧﺘﺎﺭﻫﺎ ﻫﻲّ .. ﻭﺍﻋﺮﻓﻲ ﺍﻧﻲ ﻟﻮ ﻣﺎ ﻋﻤﻠﺘﺶ ﺩﻩ ﻭﺃﻏﻀﺒﺘﻬﺎ ﻋﻠﺸﺎﻧﻚ .. ﺍﺑﻨﻚ
ﻳﺤﻴﻰ ﺡ ﻳﻌﻤﻞ ﻓﻴﻜﻲ ﻛﺪﻩ ﻭ ﺣﻴﺮﻣﻴﻜﻲ ﻋﻠﺸﺎﻥ ﻣﺮﺍﺗﻪ .. ﺍﻟﺪﻳّﺎﻥ ﻻﻳﻤﻮﺕ .. ﻭﻣﺶ
ﺡ ﺍﺗﻜﻠﻢ ﻓﻰ ﺍﻟﻤﻮﺿﻮﻉ ﺩﻩ ﺗﺎﻧﻲ .. ﺗﺼﺒﺤﻲ ﻋﻠﻰ ﺧﻴﺮ
*******
*******
ﻗـﺎﻟﺖ ﺳـﺎﺭﺓ :
--------------
ﺍﻟﺒﺤﺮ ﻣﻦ ﺧﻠﻔﻲ ﻭﺣﻤﺎﺗﻲ ﻣﻦ ﺃﻣﺎﻣﻲ
ﻋﻤﺮ ﻓﺠّﺮ ﺍﻟﻘﻨﺒﻠﺔ ﻓﻲ ﻭﺷﻲ ﻭﺳﺎﺑﻨﻲ ﺍﻭﺍﺟﻪ ﺍﻟﻤﺸﻜﻠﺔ ﻟﻮﺣﺪﻱ .. ﻳﻌﻨﻰ ﻛﺎﻥ ﺡ
ﻳﺤﺼﻞ ﺍﻳﻪ ﻟﻮ ﻛﻠﻢ ﻭﺍﻟﺪﺗﻪ ﻭﻭﺻّﺎﻫﺎ ﻋﻠﻲّ ﺷﻮﻳﺔ؟ ﺧﻼﺹ ﺍﻟﺪﻧﻴﺎ ﺡ ﺗﻮﻟﻊ؟
ﻃﻴﺐ ﺃﻋﻤﻞ ﺍﻳﻪ ﻳﺎﺭﺏ؟ ﺍﻧﺎ ﺑﺠﺪ ﺗﻌﺒﺎﻧﺔ ﻭﻣﺶ ﻋﺎﺭﻓﺔ ﺍﺭﺗﺎﺡ ﻭﻻ ﺩﻗﻴﻘﺔ ﻻ ﻣﻦ
ﺣﻤﺎﺗﻲ ﻭﻻ ﻣﻦ ﻳﺤﻴﻰ .. ﺑﻴﻄﻠﺐ ﻛﻞ ﺩﻗﻴﻘﺔ ﻃﻠﺐ ﻟﻤﺎ ﺧﻼﺹ ﺟﻨّﻨﻲ .. ﺑﺎﺣﺲ ﺍﻧﻪ
ﻓﺎﺿﻲ ﻭﺑﻴﺘﺴﻠﻰ .. ﻓﺎﺿﻲ ﻭﺑﻴﺘﺴﻠﻰ؟
ﻓﺎﺿﻲ ....... ﺍﻳﻪ ﺩﻩ؟ ﻣﻌﻘﻮﻭﻭﻭﻭﻭﻭﻝ؟
ﻣﻌﻘﻮﻝ ﻳﺎ ﺳﻲ ﻳﺤﻴﻰ ﺍﻧﺖ ﺍﻟﻠﻲ ﺡ ﺗﺤﻞ ﻟﻲ ﺍﻟﺤﺪﻭﺗﺔ ﺍﻟﻌﻮﻳﺼﺔ ﺩﻱ؟ ﻗﻤﺖ ﻣﻦ
ﻣﻜﺎﻧﻲ ﻭﺃﺣﻀﺮﺕ ﻟﻪ ﻣﻜﻌﺒﺎﺕ ﺃﺣﻀﺮﻫﺎ ﻟﻪ ﻭﺍﻟﺪﻯ ﻭﺃﺑﻌﺪﺗﻬﺎ ﻋﻨﻪ ﺣﺘﻰ ﻳﻜﺒﺮ
ﻭﻳﺴﺘﻄﻴﻊ ﺍﻟﻠﻌﺐ ﺑﻬﺎ .. ﻭﺃﻭﻝ ﻣﺎ ﺭﺁﻫﺎ ﻫﺠﻢ ﻋﻠﻴﻬﺎ ﻳﺒﻌﺜﺮﻫﺎ ﻣﻦ ﻣﻜﺎﻧﻬﺎ
ﻭﺟﻠﺴﺖ ﻣﻌﻪ ﺃﺭﻳﻪ ﻛﻴﻒ ﻳﺮﻛﺒﻬﺎ .. ﻭﻣﺎﻫﻲ ﺍﻻ ﺩﻗﺎﺋﻖ ﺣﺘﻰ ﺍﺳﺘﻐﺮﻕ ﺑﺎﻟﻠﻌﺐ
ﺑﻬﺎ ﻭﺍﻥ ﻟﻢ ﻳﺴﺘﻄﻊ ﺗﺮﻛﻴﺒﻬﺎ ﻭﻟﻜﻨﻪ ﺃﺧﺬ ﻳﻠﻌﺐ ﺑﻬﺎ ﻭﻳﻜﺘﺸﻔﻬﺎ ﻭﺍﻷﻫﻢ ﺍﻧﻪ ﺑﻌﺪ
ﻋﻨﻲ ﻭﻟﻢ ﻳﻄﻠﺐ ﺃﻱ ﻃﻠﺒﺎﺕ ﺃﺧﺮﻯ
ﻃﻴﺐ ﻣﺎ ﻫﻲ ﺣﻤﺎﺗﻲ ﻧﻔﺲ ﺍﻟﺤﻜﺎﻳﺔ ﺑﺎﻟﻈﺒﻂ .. ﺣﻴﺎﺗﻬﺎ ﻓﺎﺭﻏﺔ ﺟﺪﺍ ﻭﺧﺎﺻﺔ ﺑﻌﺪ
ﻣﻮﺕ ﻭﺍﻟﺪ ﻋﻤﺮ .. ﻭﺃﻧﺎ ﻣﻦ ﺃﻗﻮﻡ ﺑﻜﻞ ﺍﻷﻋﻤﺎﻝ ﺍﻟﻤﻨﺰﻟﻴﺔ ﻭﻻ ﺃﺣﺎﻭﻝ ﺃﻥ ﺃﺗﻌﺒﻬﺎ
ﻓﻲ ﺷﻲﺀ .. ﻓﻼ ﻳﺒﻘﻰ ﻟﻬﺎ ﺍﻻ ﺃﻧﺎ ﻭﺍﻟﺘﻔﺮﻍ ﺍﻟﺘﺎﻡ ﻻﻧﺘﻘﺎﺩﻱ .. ﻃﻴﺐ ﻣﺎ ﺍﻧﺎ ﻟﻮ
ﺭﺣﺖ ﺿﻴﻔﺔ ﻋﻨﺪ ﺃﻱ ﺃﺳﺮﺓ ﻭﻛﻨﺖ ﻻ ﺃﻓﻌﻞ ﺃﻱ ﺷﻰﺀ ﻃﻮﺍﻝ 24 ﺳﺎﻋﺔ
ﺍﻟﻄﺒﻴﻌﻲ ﺟﺪﺍ ﺍﻧﻲ ﺳﺄﺗﻔﺮﻍ ﻟﻤﺮﺍﻗﺒﺘﻬﻢ .. ﻟﺒﺴﻮﺍ ﺍﻳﻪ؟ ﻋﻤﻠﻮﺍ ﺍﻳﻪ؟
ﺧﻼﺹ ﻳﺒﻘﻰ ﺍﻟﺤﻞ ﺍﻟﻮﺣﻴﺪ ﺍﻧﻰ ﺃﺷﻐِﻠﻬﺎ ﻃﻮﻝ ﺍﻟﻴﻮﻡ .. ﺧﻼﺹ ﺡ ﺃﺟﻴﺐ ﻟﺤﻤﺎﺗﻲ
ﻣﻜﻌﺒﺎﺕ
ﺍﻧﺎ ﻛﻤﺎﻥ ﻣﻦ ﻧﺎﺣﻴﺘﻲ ﻻﺯﻡ ﺃﻗﻠﻞ ﺍﺣﺴﺎﺳﻲ ﺍﻧﻬﺎ ﻏﺎﺯﻳﺔ ﻟﺒﻴﺘﻲ ﻭﺍﻧﻲ ﺧﻼﺹ ﻣﺶ
ﻋﺎﺭﻓﺔ ﺍﺭﺗﺎﺡ ﻃﻮﻝ ﻣﺎ ﻫﻲ ﻣﻮﺟﻮﺩﺓ .. ﺑﺼﺮﺍﺣﺔ ﻓﻲ ﻭﺟﻮﺩﻫﺎ ﻣﺮﻳﺤﺎﻧﻲ ﻣﻦ
ﻳﺤﻴﻰ ﻓﻲ ﺃﻭﻗﺎﺕ ﻛﺘﻴﺮ ﻭﺧﺼﻮﺻﺎ ﻭﺍﻧﺎ ﺑﺎﺷﺘﻐﻞ ﺍﻟﺼﺒﺢ ﻋﻠﻰ ﺍﻟﻜﻮﻣﺒﻴﻮﺗﺮ ..
ﻭﻛﻤﺎﻥ ﻓﻴﻪ ﺣﺎﺟﺔ ﻣﻬﻤﺔ .. ﺍﻥ ﻓﻲ ﻭﺟﻮﺩﻫﺎ ﻋﻤﺮ ﻣﺶ ﺑﻴﺘﺨﺎﻧﻖ ﻣﻌﺎﻳﺎ ﺧﺎﻟﺺ
ﺣﺘﻰ ﻟﻮ ﻟﻘﻰ ﺍﻟﺒﻴﺖ ﺑﻴﺘﺤﺮﻕ .. ﻭﺩﻯ ﺣﺎﺟﺔ ﺟﻤﻴﻴﻴﻴﻴﻴﻠﺔ ﺟﺪﺍﺍﺍﺍﺍﺍ
ﺍﻧﺎ ﺡ ﺃﺣﺎﻭﻝ ﺃﺣﺴﺴﻬﺎ ﺍﻧﻲ ﺑﺎﺣﺒﻬﺎ ﻋﻠﺸﺎﻥ ﻫﻲ ﻛﻤﺎﻥ ﺗﺤﺎﻭﻝ ﺗﺤﺒﻨﻲ .. ﻣﺶ
ﻛﻔﺎﻳﺔ ﺍﻧﻬﺎ ﺍﺩﺗﻨﻲ ﻋﻤﺮ ﺣﺒﻴﺒﻲ ﻋﻠﺸﺎﻥ ﺍﺳﺘﺤﻤﻠﻬﺎ؟ ﻭﻣﺶ ﺑﺲ ﺍﺳﺘﺤﻤﻠﻬﺎ .. ﻻ ..
ﺃﺣﺎﻭﻝ ﺍﺣﺒﻬﺎ؟
*******
ﻗـﺎﻝ ﻋﻤـﺮ :
------------
ﺑﺼﺮﺍﺣﺔ ﺳﺎﺭﺓ ﻋﻨﺪﻫﺎ ﺣﻖ ﻓﻲ ﺷﻜﻮﺗﻬﺎ ﻣﻦ ﻣﺎﻣﺎ .. ﺑﺲ ﻛﺎﻥ ﻻﺯﻡ ﺃﻭﻗﻒ
ﺍﻟﻤﻮﺿﻮﻉ ﺑﺤﺰﻡ ﻋﻠﺸﺎﻥ ﻣﺎﻳﻜﺒﺮﺵ ﻭﻳﺘﺤﻮﻝ ﻟﺨﻨﺎﻗﺔ.. ﻭﺍﻧﺎ ﺣﺎﻭﻟﺖ ﻗﺒﻞ ﻣﺎ ﻫﻲ
ﺗﺸﺘﻜﻲ ﻭﻣﻦ ﻏﻴﺮ ﻣﺎ ﺗﻌﺮﻑ ﺍﻧﻲ ﺃﻟﻔﺖ ﻧﻈﺮ ﻣﺎﻣﺎ ﺍﻧﻬﺎ ﺗﺨﻒ ﺷﻮﻳﺔ ﻋﻠﻰ
ﺳﺎﺭﺓ .. ﺑﺲ ﻃﺒﻌﺎ ﻣﻦ ﺑﻌﻴﺪ ﻟﺒﻌﻴﺪ ﻋﻠﺸﺎﻥ ﻣﺎﺃﺯﻋﻠﻬﺎﺵ .. ﺯﻱ ﺍﻟﻠﻲ ﺑﻴﻮﺻﻒ
ﻟﻮﺍﺣﺪ ﺍﺯﺍﻱ ﻳﺮﻭﺡ ﺍﺳﻜﻨﺪﺭﻳﺔ ﻋﻦ ﻃﺮﻳﻖ ﺃﺳﻮﺍﻥ
ﻭﺍﻟﻠﻪ ﺍﻧﺎ ﻧﻔﺴﻰ ﺃﺭﺿﻲ ﺍﻟﻄﺮﻓﻴﻦ ﺑﺲ ﻣﺶ ﻋﺎﺭﻑ ﺍﺯﺍﻱ؟ ﻻ .. ﻭﺭﺩ ﻓﻌﻞ ﻣﺎﻣﺎ
ﻛﺎﻥ ﻏﺮﻳﺐ ﺟﺪﺍ.. ﻧﻈﺮﺕ ﻟﻲ ﻧﻈﺮﺓ ﻃﻮﻳﻴﻴﻴﻴﻴﻴﻠﺔ ﻭﺳﺎﺑﺘﻨﻲ ﻭﻣﺸﻴﺖ
*******
ﻗـﺎﻟﺖ ﺳـﺎﺭﺓ :
--------------
ﺑﺪﺃﺕ ﺧﻄﻮﺍﺕ ﺍﻟﺨﻄﺔ ﺍﻟﺠﻬﻨﻤﻴﺔ ﺍﻟﻠﻮﻟﺒﻴﺔ ﻓﻲ ﺷﻐﻞ ﻓﺮﺍﻍ ﺣﻤﺎﺗﻲ ﻭﻛﻤﺎﻥ ﺗﻬﺪﺋﺔ
ﻧﻔﺴﻴﺘﻬﺎ ﺍﻟﺜﺎﺋﺮﺓ ﺩﺍﺍﺍﺍﺋﻤﺎ
ﺃﻭﻝ ﺣﺎﺟﺔ ﺍﻧﻲ ﺩﻋﻮﺗﻬﺎ ﺍﻧﻨﺎ ﻧﺼﻠﻲ ﺟﻤﺎﻋﺔ ﺍﻧﺎ ﻭﻫﻲ ﻛﻞ ﺍﻟﻔﺮﻭﺽ ﺑﻌﺪ ﻣﺎ
ﻛﺎﻧﺖ ﺑﺘﺼﻠﻲ ﻭﺣﺪﻫﺎ .. ﻓﻲ ﺍﻷﻭﻝ ﺍﻋﺘﺮﺿﺖ ﻛﺎﻟﻤﻌﺘﺎﺩ ﺑﺤﺠﺔ ﺍﻧﻬﺎ ﻻ ﺗﻘﺪﺭ ﻋﻠﻰ
ﺍﻟﻮﻗﻮﻑ ﺍﻟﻄﻮﻳﻞ ﻓﺄﺣﻀﺮﺕ ﻟﻬﺎ ﻛﺮﺳﻲ ﺻﻐﻴﺮ ﺗﺼﻠﻲ ﻋﻠﻴﻪ .. ﻭﺑﺪﺃﺕ ﺃﻭﻗﻈﻬﺎ
ﻟﺼﻼﺓ ﺍﻟﻔﺠﺮ ﺑﻌﺪ ﺃﻥ ﻛﻨﺖ ﺃﺗﺮﻛﻬﺎ ﺗﻨﺎﻡ .. ﻭﺳﺒﺤﺎﻥ ﺍﻟﻠﻪ ﺑﻌﺪ ﻋﺪﺓ ﺃﻳﺎﻡ ﻣﻦ
ﺻﻼﺗﻨﺎ ﻣﻌﺎ ﺃﻧﺎ ﻭﻫﻰ ﻻﻧﺖ ﻣﻌﺎﻣﻠﺘﻬﺎ ﻟﻲ ﺑﻌﺾ ﺍﻟﺸﻲﺀ .. ﻭﺟﻌﻠﻨﺎ ﻟﻨﺎ ﻭﺭﺩﺍ
ﻳﻮﻣﻴﺎ ﻣﻦ ﺍﻟﻘﺮﺁﻥ .. ﻛﻴﻒ ﻳﺠﻤﻌﻨﺎ ﺍﻟﻠﻪ ﺧﻤﺲ ﻣﺮﺍﺕ ﻳﻮﻣﻴﺎ ﻭﻳﻔﺮﻗﻨﺎ ﺍﻟﺸﻴﻄﺎﻥ؟
ﻭﺗﺸﺠﻌﺖ ﺍﻧﻲ ﻃﻠﺒﺖ ﻣﻨﻬﺎ ﺃﻥ ﻧﺬﻫﺐ ﺃﻧﺎ ﻭﻫﻲ ﻳﻮﻣﻴﺎ ﺩﺭﺱ ﻟﺘﻌﻠﻴﻢ ﺍﻟﺘﺠﻮﻳﺪ
ﻓﻰ ﺍﻟﻤﺴﺠﺪ ﺍﻟﻤﺠﺎﻭﺭ ﺑﻌﺪ ﺻﻼﺓ ﺍﻟﻌﺼﺮ .. ﻭﻛﻨﺖ ﺃﺗﻮﻗﻊ ﻛﻠﻤﺘﻴﻦ ﻓﻰ ﺍﻟﻌﻈﻢ
ﻭﺭﻓﺾ ﺩﻭﻥ ﺃﺳﺒﺎﺏ .. ﻭﻟﻜﻦ ﻟﺪﻫﺸﺘﻲ ﻭﺟﺪﺗﻬﺎ ﻭﺍﻓﻘﺖ ﺑﺴﻬﻮﻟﺔ ﻭﻭﺟﺪﺗﻬﺎ
ﻓﺮﺻﺔ ﻟﺘﻌﻠﻢ ﺷﻲﺀ ﺟﺪﻳﺪ ﻭﺍﻟﺨﺮﻭﺝ ﺃﻳﻀﺎ .. ﻭﺳﺒﺤﺎﻥ ﺍﻟﻠﻪ ﻭﺟﺪﺗﻬﺎ ﻋﻨﺪﻣﺎ ﺗﻘﺮﺑﺖ
ﻟﻠﻪ ﺃﻛﺜﺮ ﻭﺷﻐﻠﺖ ﻭﻗﺘﻬﺎ ﺃﻛﺜﺮ .. ﺃﺣﺒﺘﻨﻲ ﻗﻠﻴﻼ ﻭﺗﻐﻴﺮﺕ ﻣﻌﺎﻣﻠﺘﻬﺎ ﻟﻲ ﻓﻰ ﺃﺷﻴﺎﺀ
ﻛﺜﻴﺮﺓ .. ﺑﻞ ﻭﺑﻌﺪ ﻋﺪﺓ ﺃﺳﺎﺑﻴﻊ ﻣﻦ ﺍﻧﺘﻈﺎﻣﻨﺎ ﻓﻰ ﺩﺭﺱ ﺍﻟﺘﺠﻮﻳﺪ ﻳﻮﻣﻴﺎ ..
ﻭﺟﺪﺗﻬﺎ ﺗﺪﻋﻮ ﻟﻲ ﻷﻭﻝ ﻣﺮﺓ ﻓﻲ ﺣﻴﺎﺗﻬﺎ
ﻭﻷﻭﻝ ﻣﺮﺓ ﺍﻛﺘﺸﻔﺖ ﺍﻟﺠﺎﻧﺐ ﺍﻟﻄﻴﺐ ﻓﻴﻬﺎ ﺍﻟﺬﻱ ﻛﺎﻥ ﻣﺨﺘﺒﻲﺀ ﻭﺭﺍﺀ ﻋﺼﺒﻴﺘﻬﺎ
ﻭﺍﻧﺘﻘﺎﺩﻫﺎ ﻟﻜﻞ ﺍﻟﻨﺎﺱ .. ﻭﺗﺤﺴﻨﺖ ﻋﻼﻗﺘﻲ ﺑﻬﺎ ﻛﺜﻴﺮﺍ .. ﻟﻦ ﺃﻗﻮﻝ ﺍﻧﻬﺎ ﺃﺻﺒﺤﺖ
ﻣﺜﻞ ﻋﻼﻗﺔ ﺍﻻﻡ ﺑﺎﺑﻨﺘﻬﺎ ﻭﻟﻜﻦ ﻋﻠﻰ ﺍﻷﻗﻞ ﺍﻟﺠﺎﻧﺐ ﺍﻟﻌﺪﺍﺋﻲ ﺑﻴﻨﻨﺎ ﻗﻞ ﻛﺜﻴﺮﺍ
ﻭﺃﺻﺒﺤﺖ ﺃﻓﺘﺢ ﻟﻬﺎ ﻗﻠﺒﻲ ﻭﺃﺣﻜﻲ ﻟﻬﺎ ﻋﻦ ﻋﻤﻠﻲ ﺑﻌﺪ ﺃﻥ ﻛﺎﻥ ﻛﻞ ﻛﻼﻣﻨﺎ ﻋﺒﺎﺭﺓ
ﻋﻦ ﻗﺬﺍﻑ ﻧﺎﺭﻳﺔ
ﺑﻞ ﻭﺗﻬﻮﺭﺕ ﻣﺮﺓ ﻭﺍﺷﺘﻜﻴﺖ ﻟﻬﺎ ﻣﻦ ﻋﺼﺒﻴﺔ ﻋﻤﺮ ﻓﻰ ﻣﻮﻗﻒ ﻣﻌﻴﻦ ﻭﻇﻠﻤﻪ
ﻟﻲ .. ﺣﻘﻴﻘﺔ ﻟﻢ ﺗﻘﻒ ﺿﺪ ﺣﺒﻴﺐ ﻗﻠﺒﻬﺎ ﺑﺎﻟﻄﺒﻊ ﻛﻤﺎ ﻛﻨﺖ ﺃﻃﻤﻊ .. ﻭﻟﻜﻦ ﻋﻠﻰ
ﺍﻷﻗﻞ ﻟﻢ ﺗﻬﺎﺟﻤﻨﻲ ﺯﻯ ﺯﻣﺎﻥ ﺑﺄﻧﻲ ﻣﺘﺠﻮﺯﺓ ﺳﻴﺪ ﺍﻟﻨﺎﺱ ﻛﻠﻬﺎ.. ﻭﻟﻜﻨﻬﺎ ﻃﻴﺒﺖ
ﺧﺎﻃﺮﻱ ﺑﻜﻠﻤﺘﻴﻦ ﻭﻫﺬﺍ ﻳﻜﻔﻴﻨﻲ
*******
ﻗـﺎﻝ ﻋﻤـﺮ :
------------
ﻭﺍﻟﻠﻪ ﻟﻮ ﻋﻠﻤﺖ ﻛﻞ ﺍﻣﺮﺃﺓ ﻋﻠﻰ ﺍﻷﺭﺽ ﺍﻧﻬﺎ ﻋﻨﺪﻣﺎ ﺗﺮﺿﻰ ﺃﻫﻞ ﺯﻭﺟﻬﺎ
ﻭﺑﺎﻷﺧﺺ ﻭﺍﻟﺪﻳﻪ ﺃﻥ ﺣﺒﻬﺎ ﻓﻲ ﻗﻠﺒﻪ ﺳﻴﺘﻀﺎﻋﻒ ﻻﻧﺘﻬﺖ ﻛﻞ ﻣﺸﺎﻛﻞ ﺍﻟﻜﻮﻥ
ﻛﻞ ﻭﻗﻮﻑ ﺳﺎﺭﺓ ﺑﺠﻮﺍﺭﻱ ﻭﺣﻨﺎﻧﻬﺎ ﻣﻌﻲ ﻭﻋﺸﺮﺗﻬﺎ ﺍﻟﻄﻴﺒﺔ ﻭﺣﺒﻬﺎ ﻟﻲ ﻛﻮﻡ ..
ﻭﺭﻋﺎﻳﺘﻬﺎ ﻷﻣﻲ ﻭﺍﻫﺘﻤﺎﻣﻬﺎ ﺑﻬﺎ ﻭﻣﺤﺎﻭﻟﺔ ﺗﻐﻴﻴﺮﻫﺎ ﻭﺍﺗﻘﺎﺀﻫﺎ ﺍﻟﻠﻪ ﻓﻴﻬﺎ ﻛﻮﻭﻭﻭﻡ
ﺗﺎﻧﻲ
ﺣﺐ ﺳﺎﺭﺓ ﻓﻰ ﻗﻠﺒﻲ ﺗﻀﺎﻋﻒ ﻭﺍﺣﺘﺮﺍﻣﻲ ﻟﻬﺎ ﺃﺻﺒﺢ ﻻﻳﻮﺻﻒ.. ﻻﺑﺪ ﺃﻥ ﺃﻛﺎﻓﻲﺀ
ﻫﺬﺍ ﺍﻟﻤﻼﻙ ﺍﻟﺼﺎﺑﺮ .. ﻧﺰﻟﺖ ﺍﺷﺘﺮﻳﺖ ﻟﻬﺎ ﺣﻠﻘﺎ ﺻﻐﻴﺮﺍ ﻣﺎﺳﻴﺎ ﻋﻠﻰ ﺷﻜﻞ ﻗﻠﺒﻴﻦ
ﺻﻐﻴﺮﻳﻦ .. ﻭﺟﺮﻳﻴﻴﻴﻴﻴﻴﻴﻴﺖ ﻋﻠﻰ ﺣﺒﻴﺒﺘﻲ
ﻭﺟﺪﺗﻬﺎ ﻓﻰ ﺍﻧﺘﻈﺎﺭﻱ ﺟﻤﻴﻠﺔ ﻛﺎﻟﻤﻌﺘﺎﺩ ﻭﺣﺪﻫﺎ ﺩﻭﻥ ﻣﺎﻣﺎ ﻭﻳﺤﻴﻰ ﺑﺎﺷﺎ ..
ﻭﻫﺘﻔﺖ : ﻭﺣﺸﺘﻴﻨﻲ ﻳﺎﺣﺒﻴﺒﺘﻲ .. ﻣﺎﻣﺎ ﻭﻳﺤﻴﻰ ﻓﻴﻦ؟
*******
ﻗـﺎﻟﺖ ﺳـﺎﺭﺓ :
--------------
ﺭﺩﻳﺖ ﻋﻠﻰ ﻋﻤﺮ ﻭﻗﻠﺖ : ﻭﺍﻧﺖ ﻛﻤﺎﻥ ﻭﺣﺸﺘﻨﻰ ﻳﺎﺣﺒﻴﺒﻰ .. ﻃﻨﻂ ﻳﺎﺳﻴﺪﻱ
ﻋﺮّﻓﺘﻬﺎ ﻋﻠﻰ ﺍﻟﺤﺎﺟﺔ ﻓﻮﺯﻳﺔ ﺍﻟﻠﻲ ﻓﻲ ﺍﻟﺪﻭﺭ ﺍﻟﺨﺎﻣﺲ ﻣﻦ ﻛﺎﻡ ﻳﻮﻡ .. ﺍﻧﺖ
ﻋﺎﺭﻑ ﻫﻰ ﻛﻤﺎﻥ ﻭﺣﻴﺪﺓ ﺑﻌﺪ ﺟﻮﺍﺯ ﻭﻻﺩﻫﺎ .. ﻭﺍﺗﺼﺎﺣﺒﻮﺍ ﻋﻠﻰ ﻃﻮﻝ ﻭﺑﻘﺖ
ﻃﻨﻂ ﺑﺘﺎﺧﺪ ﻳﺤﻴﻰ ﻭﺑﺘﻄﻠﻌﻠﻬﺎ ﻛﻞ ﻳﻮﻡ ﺗﺸﺮﺏ ﻣﻌﺎﻫﺎ ﻓﻨﺠﺎﻥ ﻗﻬﻮﺓ ﻭﻳﻔﺘﻜﺮﻭﺍ
ﺃﻳﺎﻡ ﻣﺎ ﻛﺎﻥ ﺍﻟﺮﻏﻴﻒ ﺏ 3 ﻣﻠﻴﻢ
ﻗﺎﻝ ﻟﻲ ﺑﺎﺳﻤﺎً : ﻗﺼﺪﻙ ﺍﻥ ﻣﺎﻣﺎ ﻋﺠﻮﺯﺓ .. ﺻﺢ؟ ﻳﺎﻣﺎﺍﺍﺍﺍﻣﺎﺍﺍﺍﺍ
ﻓﻮﺿﻌﺖ ﻳﺪﻱ ﻋﻠﻰ ﻓﻤﻪ ﻗﺒﻞ ﺍﻥ ﻳﻔﻀﺤﻨﻲ ﻭﻫﺘﻔﺖ : ﺑﺲ ﻳﺎﻋﻢ .. ﺍﻧﺎ ﻣﺎ ﺻﺪﻗﺖ
ﺍﻧﻬﺎ ﺗﺮﺿﻰ ﻋﻨﻲ ﺷﻮﻳﺔ ﻋﺎﻭﺯ ﺗﻮﻗّﻊ ﺑﻨﺎ ﻟﻴﻪ؟
ﻓﻀﺤﻚ ﻭﻫﻮ ﻳﻘﻮﻝ : ﻻ ﻭﺍﻟﻠﻪ ﺩﻩ ﺍﻧﺎ ﻣﺶ ﻋﺎﺭﻑ ﺃﺷﻜﺮﻙ ﺍﺯﺍﻱ ﻋﻠﻰ ﻣﻌﺎﻣﻠﺘﻚ
ﻟﻤﺎﻣﺎ ﺑﺠﺪ ﺍﺣﺘﺮﺍﻣﻲ ﻭﺣﺒﻲ ﻟﻴﻜﻲ ﺯﺍﺩ.. ﺍﻧﺎ ﺟﺒﺖ ﻟﻚ ﻫﺪﻳﺔ ﻳﺎﺭﺏ ﺗﻌﺠﺒﻚ
ﻓﻔﺘﺤﺖ ﺍﻟﻌﻠﺒﺔ ﻭﺭﺃﻳﺖ ﺍﻟﺤﻠﻖ ﺍﻟﺮﺍﺋﻊ ﻭﻟﻢ ﺃﺻﺪﻕ ﺍﻧﻪ ﻣﺎﺱ ﺍﻻ ﻋﻨﺪﻣﺎ ﺃﻗﺴﻢ ﻟﻲ
ﻋﻤﺮ ﻭﻟﻢ ﺃﻋﺮﻑ ﻣﺎﺫﺍ ﺃﻗﻮﻝ .. ﻭﻻ ﻛﻴﻒ ﺃﺷﻜﺮﻩ
ﻭﻣﻦ ﺯﻣﺎﺍﺍﺍﺍﺍﻥ ﺳﻜﺘﺖ ﺷﻬﺮﺯﺍﺩ ﻋﻦ ﺍﻟﻜﻼﻡ ﺍﻟﻤﺒﺎﺍﺍﺍﺍﺍﺡ
النهايه ..........
__________________________________________________________
اقرا ايضا :
اقرا ايضا :
قصص حبقصة حبقصة
صور قصص حبصور حبصورقصص الحبالحبقصص حزينةقصص حب حزينةقصص واقعيةقصص حب قصيرةقصص قصيرةقصص حب واقعيةقصص حب رومانسيةقصص رومانسيةقصص بناتقصص حب حقيقيةقصص عشققصص حقيقيةقصص حزينهقصص حب حزينهقصة عشق حب اعمىقصص حب مثيرة وجريئةقصص حب جريئه جدا للكبارقصة عشققصص حب بالدارجة المغربيةفيسبوكقصص عشققصص حب رومانسية ساخنةقصص حب pdfقصص حب جزائريةقصص حب كوريةروايات غراممدونة قصص
صور قصص حبصور حبصورقصص الحبالحبقصص حزينةقصص حب حزينةقصص واقعيةقصص حب قصيرةقصص قصيرةقصص حب واقعيةقصص حب رومانسيةقصص رومانسيةقصص بناتقصص حب حقيقيةقصص عشققصص حقيقيةقصص حزينهقصص حب حزينهقصة عشق حب اعمىقصص حب مثيرة وجريئةقصص حب جريئه جدا للكبارقصة عشققصص حب بالدارجة المغربيةفيسبوكقصص عشققصص حب رومانسية ساخنةقصص حب pdfقصص حب جزائريةقصص حب كوريةروايات غراممدونة قصص
ليست هناك تعليقات:
إرسال تعليق