صرخة دوت غرفة نومهم قام ادهم منزعجا فكانت سلمى تصرخ وتبكى اخدها فى حضنه يقرابعض ايات القراءن الكريم حبيبتى مالك فى ايه اهدى بس بسم الله الرحمن الرحيم خلاص خلاص انا جنبك اهوو سلمى :حلم وحش اوى ياادهم انا خايفة اوى متسبنيش
ادهم:حبيبتى متخافيش اسيبك ايه بس ده كابوس استعيذى بالله من الشيطان سلمى:اعوذ بالله من الشيطان الرجيم ناولها كوب ماء لتهدا قليلا:اشربى ياحبيبتى شربت الماء وهى مازالت خائفة وتضع يدها على بطنها ادهم:ايه ياحبيبتى تعبانة حاسة بحاجة سلمى:لاياادهم بس كان حلم وحش اوى كلب بيجرى ورايا وانا بعيط ومش لاقيك معايا لقيتك جاى تجرى من بعيد بس مش عارف تحصلنى الكلب قرب منى اوى وضربنى فى بطنى وكنت بصرخ ادهم:عشان كده صحتينى على صرختك ياشيخة قطعتى عنى الخلف سلمى:ياسلام خايف على نفسك اوى ادهم:ههههه يابت انتى امال اخاف على مين خير ياحبيبتى تلاقيك بس قلقانة على العكروت الصغير ده سلمى:يمكن برضه ادهم:طب نامى شوية لسه ساعتين على معادنا نامى بس اقرئى قراءن تلاقيكى نسيتى تقولى اذكار قبل النوم سلمى :باين كده معلش ياحبيبى قلقتك ادهم:على ايه ياستى بس لو الكلب جالك تانى قوليله استنى اما ادهم يكمل نومه ضربته بخفة على كتفه:ماشى ياسيدى هعرفه مواعيدك
فى الصباح ذهبت الى عملها فاليوم اخر ايامها فى العمل وفهد سيتسلم منها المكتب بصفته المدير الجديد انتهى عملها وخرجت بصبحة مريم للتجول فى المول قبل ان تذهب لبيتها انتهوا من تجوالهم وخرجوا ليركبوا سيارةسلمى ماتيجى معايا يامريم نقعد شوية مريم:لاياستى مينفعش محبش ابقى عزول عايزة ادهم يطردنى ولا ايه سلمى:بس يابت ادهم بيحب الناس وبيبقى مبسوط اما حد بيزورنا لم تكمل حديثها انتهبت لسيارة مسرعة تقترب منها تراجعت للخلف مع مريم ولكن يبدو انها المقصودة خرج من السيارة ثلاث رجال امسكوا سلمى وهى تصرخ ومريم تصرخ ايضا الاان احدهم ضربها على راسها لتفقد الوعى اخدوا سلمى السيارة وهى تصرخ دون مجيب حتى امسك احدهم منديل به مخدر ووضعه على انفها لتفقد وعيها رن هاتف عمر وهومشغول مع ادهم اكثرمن مرة ادهم:يابنى رد شوف مين صدعت عمر:استنى ..... دى مريم الوو ايوه يامريم ...... ايه فى ايه اهدى بس مش فاهم حاجة بتعيطى ليه احس ادهم بانقباض قلبه وهويستمع لعمر عمرنظر الى ادهم بنظرة خوف وهو يكمل:طيب انتى فين دلوقتى ..... طيب هجيلك اهوو ادهم:فى ايه ياعمرمريم مالها سكت عمر قليلا حتى صرخ به ادهم :فى ايه انطق سلمى جرالها حاجة عمر:سلمى.... سلمى اتخطفت ياادهم اهجم على عمر بكل غضب الدنيا وامسكه من قميصه:انت بتقول ايه انت بتهزر صح انطق عمر:اهدا بس تعالى نروح لمريم ونفهم منها وصلوا حيث مريم جالسة والناس حولها حتى ياتى احد اليها توقفت سيارة ادهم وخرج منها مسرعا مريم سلمى فين ردى عليا عمر:اهدا بس ياادهم.... مريم اهدى كده وفهمينا اللى حصل مريم من وسط بكاؤها :مش عارفة انا كنا فى المول بنشترى حاجة واحنا خارجين لاقينا عربية كبيرة جاية علينا سلمى اتخضت ورجعت لورا هجموا عليها حطوها فى العربية وخبطونى على دماغى مدرتش غير لما كلمتك ادهم:ناس مين دول شكلهم ايه ردى عليا مريم:ناس شكلهم زى البودى جارد كده ولبسين اسود بس وشهم كان باين منهم واحد وشه متعور من الجنب جلس ادهم على الارض يبكى بصوت مكتوم عمر:اهدا ياادهم اهدا خيرباذن الله ادهم:اهدا ايه مراتى راحت سلمى راحت منى ياعمر ياعالم جرالها ايه دلوقتى ياترى عملوا فيها ايه بس مفيش غيره اللى يعمل كده اسرع الى سيارته بغضب وعمر عاجز عن الحركة يذهب معه ام يبقى مع مريم اخذ مريم واوصلها الى منزلها وذهب يبحث عن ادهم وخمن فى اى مكان يكون الان
اقتحم ادهم مكتب كريم السيوفى وجده جالس على مكتبه فوجى كريم من دخول ادهم عليه وهو يهجم عليه مراتى فين ياكريم سلمى فين عملت فيها ايه كريم:ايه فى ايه سلمى مالها ادهم:انت هتستعبط مراتى فين انطق اتكلم هقتلك والله هقتلك كريم:والله مااعرف حاجة هى سلمى مالها جرالها ايه ادهم:يعنى متعرفش وانت باعت رجالة يخطفوها كريم:انا والله ماعملت حاجة من دى صدقنى ياادهم ادهم:اصدق ايه عمرك كلب وحيوان بس مراتى ملهاش ذنب متدخلهاش فى خلافتنا كريم:والله العظيم مااعرف حاجة ولا شفتها من زمان اوى دخل عمر وهو يلهث وراى ادهم ممسك بكريم حاول ابعاده ولكن دون جدوى ادهم:رد عليا ياكريم ابوس ايدك اعمل اللى انت عايزه بس هى لا مش عايز يجرالها حاجة حرام عليك كريم:والله العظيم تلاتة انا مااعرف حاجة ولاليا دخل بحاجة عمر:خلاص ياادهم اهدا القى بجسده على اقرب كرسى والقى وجهه بين كفيه يبكى بمرارة راحت ياعمر راحت خلاص هى وابنى كريم:هى حامل عمر:ايوه لسه عارفين امبارح اقترب من ادهم :والله ياادهم انا معملت حاجة انا مش عايز يجرالها زى شاهى رفع ادهم وجهه:لالالاياكريم ابوس ايدك متقولش كده كريم:والله مقصدش انا اقصد انى خايف عليها زى اختى ومش ممكن اذيها ادهم:امال مين مين كريم بحزن :اللى حاول ياذيك كتير ياادهم ادهم:انت تقصد ايه انت الوحيد اللى ديما بياذينى محدش له مصلحة غيرك كريم:لا فيه عمر:مين ياكريم انطق كريم :واحد كان بيسلطنى ديما انى اذيك واعمل فيك كل اللى عملته ادهم:قصدك ايه مين سلطك تعمل فيا كده ومين اللى خطف سلمى رد عليا انطق كريم :شريف شريف زيدان
__________________________________________________________
ارجوا ان تكون نالت اعجابكم وانتظروا المزيد
يتبع
