قلب لا يعرف الحب الحلقة (7)

سر قديم

بعد حوالى ساعة حضر والد ووالدة نور الى المشفى سالوا عن غرفتها وذهبوا اليها سريعا وجدوا اكرم وادهم يقفون خارج الغرفة فكرى:اكرم نور مالها اكرم:بخير ياعمو متخافش نور بخير الحمد لله .... ثم اشار الى ادهم بشمهندس ادهم صاحب الشركة التف اليه فكرى ونظر اليه مطولا فى حين مد ادهم يده :تشرفت بحضرتك نظر اليه فكرى طويلا وسط دهشة ادهم واكرم فى حين دخلت امل والدتها الى غرفة نور اكرم:ايه ياعمو مالك فكرى:ها لا ابدا تشرفنا يااستاذ ادهم ..... هو انت اسمك ايه بالكامل ادهم بحيرة :ادهم ادهم فخر الدين المنشاوى فكرى:اه تشرفنا عن اذنكم دخل فكرى غرفة نور وادهم واكرم ينظرون الى بعضهم بحيرة من تصرف فكرى اكرم:هو انتوا اتقابلتوا قبل كده ادهم:ابدا ولا عمرى شوفته بس غريبة تصرفه ده بعد فترة خرج فكرى متوجها الى الحسابات ليدفع ثمن اقامة نور خرج دون الالتفات الى احد مم جعلهم بحيرة من تصرفه ذهب فكرى الى الحسابات وطلب كشف حساب باسم نور اجابه الموظف ان الحساب مدفوع من جهة ادهم عاد مرة اخرى الى غرفة نور وتحدث مع ادهم اتفضل ياباشمهندس دى الفلوس اللى دفعتها لنور ادهم:ايوه ياعمى بس ده واجب عليا دى اصابة عمل فكرى:انا اسف مش هقبل الفلوس دى اتفضل فلوسك ادهم:حضرتك بتعمل كده ليه قلت لحضرتك دى اصابة عمل يعنى انا المسئول عن علاجها لحد ماتقوم بالسلامة وضع فكرى المال فى يد ادهم:وانا معودتش ولادى حد يصرف عليهم عن اذنك تجددت حيرة ادهم من تصرف فكرى :طيب ممكن بعد اذنك اطمن عليها فكرى :هى بخير بس نايمة شوية ادهم:طيب كنت عايز اكلم حضرتك فى موضوع مهم ممكن فكرى:بعدين ياباشمهندس بعدين شعر ادهم الاحراج من تصرف فكرى وقرر الرحيل وفورا

عاد الى منزله وجد والدته ووالده مع دارين يشاهدون التلفاز ادهم:السلام عليكم ورحمة الله وبركاته الجميع:وعليكم السلام ورحمة الله خديجة:كنت فين ياادهم ايه اللى اخرك كده القى بجسده على اقرب كرسى :مفيش ياامى مشكلة حصلت فى الشغل بس ربنا ستر خديجة:خير ياحبيبى ادهم:خير الحمد لله بس الباشمهندسة نور وقعت من الدور التانى بس الحمد لله ربنا ستر فخر الدين:ياسار يارب طيب وعاملة ايه دلوقتى ادهم:الحمد لله يابابا كويس انها نزلت على رمل اخدتها المستشفى وبقت كويسة الحمد لله فخر:يبقى لازم تصرف عليها لحد ماتقوم بالسلامة ادهم:ماهو انت عملت كده بس الغريبة ان بابها رفض نهائى ان ادفع الفلوس فخر"طيب ليه دى اصابة عمل يعنى المفروض مصاريف علاجها عليك ادهم:مش عارف يابابا راجل غريب ونظراته اغرب منه زى ما يكون بيشبه عليا خديجة:ههههههه وهيشوفك فين بقى ادهم:مش عارف ياماما حتى اكرم استغرب من طريقته فخر:هو بيشتغل ايه ادهم:على ما اعتقد مدرس بس طلع معاش خديجة:يمكن كان مدرس عليك ولا حاجة ادهم:لالا حتى اسمه مامرش عليا قبل كده فخر :اسمه ايه يمكن اعرفه ادهم:اللى عرفته الهاردة ان اسمه فكرى مختار صدمة سيطرت على خديجة وفخر عند سماعهم الاسم خديجة:قلت مين ادهم:فكرى مختار تعرفه يابابا نظرات متبادلة بين خديجة وفخر لاحظها ادهم ودارين دارين:ايه ياجماعة تعرفوه نظر فخر الى خديجة التى قامت سريعا الى غرفتها تبكى وفخر ورائها ظل ادهم ودارين فى حيرة من امرها وسبب بكاؤها ذهب اليهم ادهم واستئذن ليدخل عليهم فاذن له والده ادهم"ايه ياماما مالك خديجة:لا ياحبيبى مصدعة شوية ادهم:من ايه ماانتى كنتى كويسة دلوقتى خديجة:بعصبية :مفيش ياادهم روح دلوقتى وسيبنى فخر:معلش ياادهم امشى دلوقتى وبعدين نتكلم نظر ادهم اليها:حاضر تصبحوا على خير خرج ادهم ونظر فخر الى خديجة: ايه ياخديجة شوفتى الايام دوراة ازاى خديجة:صحيح مسير الحى يتلاقى فخر:وهتعملى ايه ولادك لازم يعرفوا خديجة:مش دلوقتى يافخر لسه شوية ام اقابله وربنا يستر

فى منزل نور كانت تجلس مع مريم فى سريرها مريم:بس قوليلى يانور مين المز اللى شوفته فى المستشفى نور:اتلمى يابت انتى عيب عليكى مريم: يعنى حد سامع بس انتى طلعتى مش سهلة روفيدة قالتى انك نطقتى اسمه فى البنج اشمعنى بقى نور:انتوا مجنانين كل الحكاية انه كان واقف معايا فطبيعى اسمه كان على لسانى ساعتها مريم بخبث:يا بت عليا انا ده انا عجناكى وخبزاكى نور:بت انتى امشى من هنا دق بابهم ودخل فكرى اليهم:ها يانور عاملة ايه نور :الحمد لله يابابا بخير فكرى:مريم سيبنى شوية مع نور مريم:حاضر يابابا جلس فكرى امام نور :نور انتى ايه علاقتك باادهم صاحب الشركة نور بتوتر:علاقة ايه يابابا تقصد ايه فكرى:يعنى مرة يوصلك لحد هنا وينقلك المستشفى ويدفع حساب علاجك ويرجع يقولى عايزك فى موضوع مهم يبقى ايه نور:بابا اولا انا قلت لحضرتك ان لولا ان العربية وقفت منى مكنتش ركبت معاه واللى حصل امبارح طبيعى انه ينقنلى المستشفى ويدفع حسابى كمان اللى حصلى ده اصابة عمل يعنى هو المسئول فكرى:نور انا عارفك كويس اوعى يانور حد يضحك عليكى سمعانى مش عايز يحصلك زى ابوكى نور:تقصد ايه يابابا فكرى:بعدين يانور بعدين بس خدى بالك من ادهم ده سمعتنى خدى بالك منه يانور نور:حاضريابابا حاضر

يتبع

_____________________________________

تذكر ان تقيمك لموضوعي بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا


اقرا ايضا :

قصص حبقصة حبقصة

صور قصص حبصور حبصورقصص الحبالحبقصص حزينةقصص حب حزينةقصص واقعيةقصص حب قصيرةقصص قصيرةقصص حب واقعيةقصص حب رومانسيةقصص رومانسيةقصص بناتقصص حب حقيقيةقصص عشققصص حقيقيةقصص حزينهقصص حب حزينهقصة عشق حب اعمىقصص حب مثيرة وجريئةقصص حب جريئه جدا للكبارقصة عشققصص حب بالدارجة المغربيةفيسبوكقصص عشققصص حب رومانسية ساخنةقصص حب pdfقصص حب جزائريةقصص حب كوريةروايات غراممدونة قصص