قصص رعب كتابيه: الظلام

الرعب هو مصطلح يخاف منه البعض ويحبه البعض وقد يكون هناك اخرون لايصدقون الرعب وايضا يوجد من لايهتمون الرعب وكذلك يوجد من يسخر من الرعب ..وانا من الناس التي كانت تسخر من الرعب م الاخر قلبي كان قوي مش لازم تفاصيل كثير قبل مبدأ احب اعرفكم انا مين .انا اسمي سامي عندي 26 سنة عايش في بيت بسيط الظروف جعلتني ابتعد عن اهلي



كانت الحياة ماشية معايه تمام بس انا كنت مهووس بالرعب قريت حاجات كتير عن الرعب وحاولت اخاطر بنفسي ببعض المواقف ممكن مثلا اروح اماكن مسكونة لوحدي ولاكن مكنش بيحصلي حاجه غريبه مع الوقت مليت من الرعب ونسيتة .. نسيت اقولكم اني عندي صديق اسمه فوزي عايش في العمارة الي جمبينا كان لايقل اهتمامه بالرعب عني الا انه مكنش بيخاطر بنفسه وميتجرأش على انه يروح اماكن مهجورة كان بيحاول يخليني اجرب حاجات كده غريبة كان بيقولي لو عملتها هتحصلك حاجات غريبه مثلا ارسم شكل معين مع كتابات غريبه ومحصلش حاجه فقررت اني مش هجرب اي حاجة من الحاجات دي وقلت له ينسى الرعب هو كمان لانه بيضيع الوقت بس مكنش راضي مرت الايام عادي جدا الى ان اتى يوم اتصل فوزي عليه :الو يا سامي الحق لو انت مبتصدقش الرعب انا هخليك تعيشه قلت له بسخرية انا مش قلت لك انسى انا مليت من الموضوع ده وانت عارف كويس انا عملت الي محدش عمله …

قالي طيب طيب دي اخر مرة واوعدك اني مش هخليك تعمل اي حاجة تاني .قلت في نفسي كويس انه مش هيقرفني تاني فوافقت قالي فيه واحد جديد ساكن في الدور الاخير (الي فيه شقتين وحدة لفوزي والثانيه للراجل الجديد ده مع العلم ان الشقة الي جمب فوزي محدش سكنها لأكثر من 4 سنوات). بس الغريب ياسامي انه احيانا بيسيب باب شقته مفتوح وينزل وكنت احيانا بسمع صوت حاجات بتقع وناس بتتكلم والشقة مظلمة ! سكت فوزي شوية كده مش عارف ليه قلت له انا جايلك حالا .بالفعل رحت لفوزي وبخبط على بابه … سمعت صوت صرخته خبط اكثر من 5 دقايق وانا مذهول بس فوزي مفتحش بعد شوية الباب اتفتح لوحده لقيت فوزي ملقي على الارض بس مكنش مغمى عليه !كان حاطط ايده على عينه وكأنه خايف يشوف حاجه. : مالك يافوزي مالك؟ قالي :انا اسف ارجوك سامحني

شلته من على الارض وخذته عندي البيت مارضيش يتكلم لأكثر من ساعة بس اخيرا نطق قلت له انت بتعمل مقلب فيه ولا بتهزر ؟؟ لقيته ابتسم شوية ياريت ياسامي قلت له طيب قولي ايه الي حصل قالي ياسامي اول ماقلت لك ناس بتتكلم والشقة مظلمة

في اقل من ثانية لمحت ظل او تقدر تقدور حاجة سوده عدت ادامي الله اعلم دي ايه المهم انا سبت التلفون من ايدي والظل بقى يروح ويجي تقريبا بسرعة الضوء بس فجأة وقف الظل مع صوت صرخة . والصرخة دي هي اللي خلتني مشلول كده … بعد ماسمعت كلام فوزي بدأت اعتقد بالرعب لان فوزي مش عادته انه يخاف كده …قلت له احنا لازم نخبط على شقة الراجل الجديد قالي انت اتجننت ؟ لو اتجننت انا لسه بعقلي قلت له لازم نعرف ايه اللي بيحصل ولو خايف امشي انت بالفعل لقيته مشي ومفضلش غيري في شقة فوزي طلعت اخبط على شقة الراجل كنت لسه هخبط بس قطع حركتي صوت ..مش عارف اوصف الصوت ده هو شبه صوت صفير الاذن مصحوب بكلمات مش مفهومة هنا انا بدات اتأكد اكثر من كلام فوزي .. كنت بفكر اعمل ايه بس في وسط التفكير لقيت ايد لمست كتفي التفت لقيت راجل ملامحه عاديه بس الي كان جاذب انتباهي عينيه كانت كبيره. بيقولي انت عايز ايه ؟ قلت له هو حضرتك صاحب الشقه ؟ قالي اه انت عايز حاجه قلت له لا مفيش قالي طيب مش عايزك تقرب من الشقه دي تاني انا بنصحك .

مردتش عليه اتصلت بفوزي عشان اقوله على اللي حصل قلت له على كل حاجه قالي طيب كويس انك تأكدت بنفسك اول مره احس انه جبان لانه قالي ممكن ابات عندك كم يوم ؟ بس اضطريت اوافق لاني كنت خايف عليه .

ومع مرور الوقت كان بيزداد فضولي اني ادخل الشقه دي واعرف ايه الي بيحصل جواها .. بالفعل رحت وجبت معايه كشاف وعلى حظي كان الباب مفتوح بتاع الشقة وبردو مظلمة وكان كلها هدوء . دخلت الشقة وسبت الباب مفتوح . على اساس لما يرجع الراجل مايعرفش اني كنت هنا بدأت اولع الكشاف .اول ماولعته.. لقيت امرأة قاعده فوق حاجة الظاهر كانت طاولة مخذتش بالي بسبب الظلمة صرخت صرخة من صوتها العالي اغمى عليه صحيت في نفس البيت وفي نفس الظلمة حاولت متحركش عشان محدش يعرف اني هنا وكانت دي اول مره اترعب بالشكل ده بس الحمد لله الباب اتفتح لوحده بقدرة قادر طلعت جري وانا نازل السلم لقيت الراجل بصلي بأستعجاب قالي انت كنت فين ؟؟ مكذبتش عليه وقلت له فيه حاجات غريبة بتحصلي انا وصحبي حسيت ان الاجابة هتكون في الشقة دي . قالي انت دخلتها ؟ انت استعجلت ليه كنت هقولك على كل حاجة بس انت كده فتحت على نفسك باب عمره ماهيتفتح بدأت اسمع اصوات تخرج من الشقة قالي تعالى بسرعة قبل ميعملولك حاجة . اتفزعت ومشينا بسرعة قالي الي خلاني اسكن هنا هو ده بصيت في ايده كانت اخر حاجة ممكن افتكرها فاكرين لما قلتلكم ان فوزي كان بيطلب مني ارسم شوية حاجات غريبة وكلمات غريبة مع بعض ؟؟ لقيت نفس الاوراق ونفس الرسومات في ايده مقدرتش اتكلم قالي الرسومات خلتهم يتعذبوا انت عذبتهم !!!! من اللحظة الي دخلت فيها الشقه انا مقدرش اساعدك انا ساحر وانت اذيت الي انا بجيبهم ..ولو رحت لأخر الدنيا مش هيسيبوك واتحمل بقى لقيت وش الراجل بتتغير ملامحة وكأنه بقى حد تاني طلعت اجري في الشارع رحت لبيتي وحكيت فوزي على كل حاجة وبقى مصدوم وقعد يقول انا السبب انا السبب حسيت بشعوره بالذنب قلت له الي حصل حصل لازم نفكر احنا هنعمل ايه .. بس قاطع تفكيرنا قطعة النور … فوزي الي كان بيتكلم سكت مع نفس توقيت قطعة النور ناديت عليه مفيش حد وكأنه اختفى حاولت اطلع من الشقة .. وانا رايح للباب لقيت حاجه مسكت ايدي من قدام. النور جه لقيت في وشي امرأه على جبينها دم وعنيها كان كلها سواد من تحت ومعندهاش ودان . صرخت بصوت عالي وقطع النور ووقف الصراخ كان كل مابيجي النور تصرخ ولما بيقطع بتسكت من الخوف اغمى عليه صحيت لقيت نفسي في بيت الراجل ..عرفت ازاي ؟؟ لاني سمعت صوته بيهمس في وداني :الطيب الي كان بيحاول يساعدك مات .. ده الكلام الي عرفت اسمعه وكان نفس صوته قريت اية الكرسي وكأن مليون واحد بيصرخوا والنور جه في الشقة لقيت فيها رسومات واشكال مفزعه ملحقتش ادقق طلعت بسرعة من البيت لقيت موبايلي بيرن فوزي بيتصل !! لقيته بيقولي انت فين ياسامي انت فين ! قلت له انت اللي فين انت اختفيت وسبتني ليه ؟ قالي انا في البيت رحت له بسرعة قالي لما النور قطع انت اللي اختفيت وطلعت ادور عليك في الشارع بس معرفتش انت فين. قلت له طيب والحل ايه احنا هنموت بدون مانتصرف ؟ قالي انا بصراحة ياسامي قريت ان الي بيرسم الرسومات والكتابات دي يبقى مصيرة الهلاك بس في وسط الكلام لقيته بيقولي احنا لازم نروح لعمي مجدي اهو على الاقل بيعرف يتصرف في المواقف الي زي دي بالفعل رحنا لعم مجدي وحكيناله القصة من بدايتها لأخرتها قرر عم مجدي انه يجي معانا الشقة ورحنالها فعلا احنا الثلاثة بس لقينا الباب مقفول على غير العادة عم مجدي قال كلمة مفهمتش معناها الباب اتفتح لوحده عم مجدى دخل هو الاول واحنا وراه قعد يقول كلام مش مفهوم فجأه الشقه نورت وشاف الاشكال المرسومة والكتابات دي بس النور اتقطع انا متحملتش بصراحة لاني بقى عندي فوبيا من الظلمة طلعت اجري وسبت فوزي وعم مجدي استنيت نص ساعه تحت العمارة لقيت فوزي نازل لوحده : ايه يافوزي ايه اللي حصل بيقولي عمي مجدي مات : .لما النور قطع فجأه سمعته بيصرخ طلعت بره الشقة ولقيت دم . بس فجأه لقينا عم مجدي نازل بيهرب وشعره شاب !

قالنا في وسط ذهول :الظلام الظلام الظلام قالها ثلاث مرات اول ماقالهم عينيه الاثنين خرجوا من مكانهم ! وفوزي اختفى من مكانه !!! سمعت صرخات وكلام مش مفهوم وحسيت حاجة قوية وقعت على دماغي صحيت لقيت نفسي في مستشفى عرفت ازاي ؟ لاني كنت في سرير وفيه محاليل متركبة في ايدي بس مكنتش مستشفى .كانت جحيم النور قاطع وفي وسط الظلام صرخات مرعبة وبحس حاجات بتلمسني .

تــــــــمـــــت

___________________________________________________

ذكر ان تقيمك لموضوعي  بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا 

اقرأ ايضا : 


قصص رعبرعب احمد يونساحمد يونسقصص احمد يونس رعبقصص حقيقيةقصة رعبافلام رعبتحميل قصص رعبصور رعبقصص رعب قصيرةقصص رعب على القهوةرعب ع القهوةقصص رعب كلام معلمينقصص رعب احمد يونس كلام معلميندستور قصص رعبقصص جنقصة رعب