الى من يجد تلك الاوراق ... لو انت بتقرءة الكلام ده دلوقتى يبقى انت الساكن الجديد... مش عارف انت دفعت تمن الشقة دى ولا لأ بس لو مكنتش دفعت تمنها فاحسنلك إمشى وسيب الشقة المنحوسة دى ولو كنت خلاص دفعت حقها وسكنت فيها يبقى للاسف معنديش حاجة افيدك بيها .
كل الى اقدر اقدمهولك هو انى على الاقل احكيلك قصة المكان الى انت اخترت تعيش فية , لانى فعلاً كنت محتاج زيك حد يحكيلى قصة المكان ده قبل ماسكن فيه, ياريت متقراش الكلام الى هحكية ده من الاساس ,وتاخد علتك او الشخص الى انت جئ معا وتمشى ,واستعود ربنا فى الفلوس الى دفعتها.
ولو عايز تفضل و تكمل الحكاية لاخرها, مفيش بالنسبالى مشكلة, بس احب الاول احذرك انك بقريتك للورق ده, ومعرفتك لكل شئ ,هتبقى وفقت على شروط المكان ,والى عايشين فى المكان
ها ......... مصمم تقراءة للاخر ....... افهم من كده انك موافق على عواقب الى هتعرفو دلوقتى
اتفقنا .....................
فى الاول اقدملك نفسى, انا" أمجد" مقدرش احدد لك سن معين ليه لاسبب هتعرفة بعدين , بس الى انا متاكد منو انى مش هبقى عايش وانت بتقراءة الورق ده.
ها لسه عايز تعرف الحكاية اتفقنا.
زاى مقلتلك انا اسمى" امجد" ,حكايتى بدئت وانا عندى 18 سنة ,فى الوقت ده كنت لسه طالب فتالتة ثانوى كنت عايش فى دور الكاتب وكده, وكنت دايماً بحب اكتب عن الرعب والموارئيات ,ولانى كنت متمسك اوى بكتابة الرعب والفانتازيا, فمكنتش بسيب موقع بيتكلم عن الموارئيات والخوارق الا وادخلو .
بعد مانجحت فتالتة ثانوى ,وجبت درجات كويسة, حبيت انى اروح كلية علوم جريت على الجامعات علشان اقدم وكده, مفيش جامعة رضيت تقبلنى غير جامعة حلوان .
كانت بالنسبالى مشكلة لانى ساكن فعين شمس, وحلوان بالنسبالى سفر كل يوم ,ابوية كانت بتلح علية فكرة انو يشترلنا شقة تانية من فترة ,ولقى ان دى انسب فرصة يعمل فيها كده , رحت فى يوم معا علشان ندور على شقة ,وقبلنا عمى الى ساكن فحلوان, وقالنا انو عارف سمسار يجبلنا شقة بتمن حلو فحلوان هنا, ويكون جنب عمى علشان يبقى ياخد بالو مننا .
رحنا للسمسار الى جبلنا شقة فمكان قريب من سكن عمى فحلوان ,بعد طبعاً مدفع ابوية الى وراء والى قدامة .
ابوية عجبتو الشقة اوى, وشفها كويسة لطالب فسنى, ومنكرش طبعاً إن الى كان عجبو فيها سعرها, بعد ماشترينا الشقة كان قلبى مقبوض منها حسيت ان فيها حاجة غريبة بس محطتش فدماغى الموضوع ,كان كل الى يهمنى انى مطمرمطش كل يوم وانا رايح الكليه.
قبل بداية العام الدراسه باسبوعين كده, لميت شنطى وحجتى ,وابوية ادانى فلوس علشان مكنش عايز حاجة, واتكلت على الله, ورحت الشقة الجديدة, بس طبعاً مرحتش لوحدى , رحت مع اخوية "مجدى"؟؟؟؟؟............
نسيت اقولك ان ليه اخ توام اسمو "مجدى", هو مش شكلى فاى حاجة , بس تواريخ ميلدنا بتقول اننا توام .
"مجدى" مجبش مجموع عالى فدخل كلية تجارة فحلوان ,علشان يبقى جنبى ويسكن معايا فى الشقة , وخصوصاً انو كان بيحب بنت عمى, ومش عايزنى اخطفها منه .
لما وصلنا الشقة وجينا نفتح الباب, حسيت انى بفتح باب قبر , حسيت انى لو قعد فى الشقة دى اكتر من خمس دقايق هموت مخنوق .
على العموم مكنش عندى اختيارات كتير , ابتدينا نفتح الشبابيك ونهوى الشقة وننضف ,وقررنا اننا ننام على الارض عقبال منركب سرير بكرة .
فخلال اسبوع فرشنا الشقة بكام كرسى ...وسررين ...وبعض المستلزمات ...والاحتياجات, فخلال الاسبوع ده مكنتش بشوف غير حلم واحد بس............. إن فى واحد عمال يكسر فارضيت الاوضة الى بنام فيها, بس وش الرجل ده مكنش بيبقى باين فى الحلم , كنت بصحة بليل على اصوات حد بياكل وعظم بيتكسر, بس مكنتش بلاقى حاجة محتتتش الموضوع فدماغى اوى وقلت انها حبت تخاريف بسبب الشقة الكئيبة الى انا عايش فيها دى ,ومن تاثير التعب طول النهار .
مع بداية الدراسة, ابتديت ارجع لنشطاطى العادية تانى من الكلية للشقة, ومن الشقة للكلية ,اخوية كان بيقضى معظم يومو قاعد عند عمى مبيتحركش من هناك ,طبعاً انت استنتجت هو بيروح هناك ليه .
مع رجوعى لنشطاطى الاعتيادية, رجعت اكتب قصص رعب تانى ,وادور فالمواقع على كل ماهو جديد فى عوالم المؤائيات .
اخوية فيوم وهو راجع من عند عمى, وقع على السلم رجلو اتكسرت ,فعمى جابلو دكتور والدكتور قال انو مينفعش يتحرك من مكانة ده ,غير لما اصابة رجلة تخف , وهو طبعاً مصدق اسبوعين على الاقل جنب حبيبة القلب .
اتكتب عليا طول مامجدى رجله مكسورة ,انى افضل فالشقة لوحدى ,مكنش من الطبيعى انى اعمل كده, بس انا كنت شايف ان الحاجة الوحيدة الى اشغل بيها وحدتى, انى اكتب وابحث .
وانا قاعد لوحدى بليل, بدور فى المواقع عن افكار رعب جديدة ,لقيت مدونة رعب وموارئيات جديدة من غير اسم دخلت عليها ملقتش غير كام قصة ملهمش لزمة ومقالة واحدة بيتكلم عن كتاب قانون الموتى .
كان من العادى انى اسمع عن الكتاب ده, بس كان من الغريب انى الاقى رابط لتحميل الكتاب فأخر المقال .
انا حولت فعلاً احمل الكتاب ده اكتر من مره , بس ديماً كانت بتطلع روابط وهمية .
بس انا مبيئسش علشان كده قررت اجرب واحملو , بس لما ضغط على زر التحميل , ظهرت لى رساله غريبة مكتوب فيه (هل توافق على المعاهدة ) مكنتش معنى الرساله فدست OK علشان الكتاب يحمل , الى كان مفاجاة بالنسبالى ,هو انى اما جيت افتح الكتاب ........اتفتح معايا !!!!!!!!!
الكتاب مكتوب بالغة اللاتنية ,بس مكنتش عارف اقرءة الى مكتوب فية , فحفظته عندى على ذاكرة الاب مع كنوزى من كتب السحر الى انا محملها ,ولما حولت اطفى الجهاز علشان انام حصلت حاجة غريبة ظهرتلى رساله تانية على الشاشة بالانجليزى مكتوب فية (لقد وقع عليك الاختيار ,ولكن تذكر اننا قبل ان نختار ,كان بيدك انت الاختيار.).
فضلت باصص للشاشة وانا بقراءة الكلام , ومش فاهم حاجة ,بعد دقيقة تقريباً اطفى الاب عادى وبس ......
كان شىء غريب انا اول مره اشوف رساله كده على الاب ,مش يمكن فى حاجة بايظة فالجهاز
الموضوع مشغلش دماغى اوى ,كنت عايز انام ومش شايف قدامى ساعتها.
بعد كده رحت نمت.
على الساعة اتنين كده, سمعت صوت حد بيتنفس معايا فى الاودا ,كنت حاسس بالانفاس دى جانبى , فتحت عينى براحه والانفاس لسه مستمره, فشفت اخر شئ كنت اتمنى انى اشوفه .
عفريت ...جن ..وحش .. مكنتش لاقى صفه او كنه اوصفه بيها, كان ضخم وعلى راسه قرون ولونه رمادى وعيونه كانت حمرا زاى الدم .
حولت اصرخ بس معرفتش ,وحتى لو كنت صرخت, مكنش فى حد هيسمعنى ,لانى لما بصيت على المكان من حولية ,لقيت الحيطان مصمتة ومفهاش شبابيك ولا بيبان, وكانى فى صندوق. فضل يبصلى وهو بيقول بصوت يخليك تتمنى الموت:
- انت أختارك الكتاب ,انت اختارك الكتاب انت المطلوب ,وفجاءة مسكنى بايدو الاتنين وقعد يهز فيه وانا نايم على السرير وهو بيقول:
-انت المختار
كان نفسى اساله انا المختار لى ولاى بس ملحقتش لانى .... فقد الوعى.
لما اغمى عليه ,حلمت انى فمكان غريب مكان كده زاى ما يكون مغارة او .. او قبر؟؟؟؟!!! ..
ايوه قبر ملهاش تفسير تانى , بس كان فيه حاجة غريبة فالقبر ده, كان باين ان مفيش انوار فالقبر وان الدنيا ضلمة ,رغم كده كنت شايف كل حاجة حوليه .... ايوه كنت شايف فى الضلمه ..
كان في عضم متبعثر فكل جهة ........واكفان ميتين غرقانة دم ....بس مفهاش جثث ,الشئ كان غريب ومرعب بالنسبالى ان العضم كان كبير ..ضخم زاى ميكون عضم حوت .
حسيت برعب كبير, وقعد الف بنظرى يمين وشمال , لحد مشوفت حاجة غريبة اوى .
كان شخص عملاق قاعد فركن المكان ده, وقدامة جثة لشخص فنفس حجمة ,وقدامة شمعة صغيرة, يدوب تنور حولينه ,وماسك سكينة شكلها غريب اوى ,ومليانة طلاسم ,وعمال يقطع فالجثة .
المشهد كان صعب اوى ,ومكنتش قادر استحمله , حولت صرخه انها تطلع منى غصب عنى بالعافية .... لكن.... لكن مقدرتش .. ميااااااااااااااااو .
اتصدمت من الصوت الى طلع من حنجرتى ,لانو بدل ما كان يطلع منها صوت صراخ بنادم ,كان بيطلع منها صوت مواء قطة ميااااااااااااااااااااااااو .
اترعبت من الموقف, ورجعت لوراء من الصدمة .. لاكن ذاد رعبى اكتر لما بصيت على جسمى..
لقيت نفسى فجسم قطة سوداء ... ايوه قطة ... ده كده بيفسر حجم العضم والحاجه الى انا شايفة فى الضلمه.
كنت فى الوقت ده فمنتهى الرعب, بس الى ذود رعبى ,انى لقيت الراجل الى بيقطع الجثة جاى نحيتى, وهو ماسك السكينة , ورافعها ناحيتى .
حولت اهرب لكن ملقتش مخرج, وكنت متسمر من الرعب ,وحسيت انى ضعيق اوى...... واول مبقى واقف قدامى ,رفع السكينة علشان يطعنى بيها , غمض عينيه علشان مشفش حاجة .. فجاءة سمعت صوت خبط ومواء قطة وخناقة ,بفتح عينى لقيت قطة سوداء مسكة رجله وعماله تخربش فيها, وهو بيحاول يبعدها وقدام المنظر ده انا قعد انونو ,وفجاءة ومن غير اى مقدمات لقيت نفسى على السرير ,مكنتش مصدق ان كل الى حصلى ده كان حلم, لانه كان حقيقى ايوه كان حقيقى اوى وملموس.
فضلت باصص ناحية الحيطه ساعه كامله ,بحاول استوعب كل الى حصل ده .
معقول اصدق ان كل الى بيحصلى حلم ,ولا يمكن تكون حياتى كلها حلم ,مش يمكن مكنش جيت حلوان , او يمكن اصحى بكره واروح الامتحان بتاع الثانوية .
حسيت انى مش فاهم حاجة وانى تايه قمت ..وغسلت وشى ,لبست, ورحت الجامعة ,كنت عامل زاى المجنون طول اليوم ..الدكتور خرجنى من المحاضرة ... وزمايلى قعدين بيحولو يستفسرو منى عن الى حصلى, وانا مبقولش غير كلمه واحده :
مفيش حاجه...........
اول ما روحت البيت, كنت حاسس ان الشقة وحشتنى , كانت اول مره فحياتى ادخل الشقة دى وانا سعيد انى رجعت لها تانى , دخلت من غير ماغير هدومى او حاجة , وفتحت اللاب ,مش عارف كان مالى ساعتها, بس كنت عامل زاى المسحور, بتحرك بدون اراده منى .
اول ما فتحته, دورت على الكتاب الى حملته امبارح , فتحت الكتاب ,بس اول ما فتاحته, حسيت ان عينى هتخرج من مكانها, لانى لقيت نفسى فاهم اللغة الى مكتوب بيها الكتاب !!!!!!!!!!!!!!
مكنتش عارف اتخض ,ولا افرح ,بس انا كنت حاسس ان كل المشاعر بقت واحده جوايه, كل الى كنت بعمله ساعتهها انى قاعد اقراءة فى الى مكتوب ......
الوقت عدى بسرعة من غير ما احس بيه, قعد اقراءة من الساعة 6 للساعة 11 بليل , مفقتش غير على صوت الموبيل بتاعى بيرن, قعد ابص حوليه زاى المجنون لحد ما وحده وحده بدات استوعب انا فين ,سيبت الكتاب الى كان فى ايدى, ورحت ارد على الموبيل, ببص لقيت عمى هو الى بيتصل , رديت على التلفون ولسه بقول الو...التلفون وقع من ايدى ... ازاى مخدش بالى .. رجعت بصيت ناحية الكتاب الى كنت سايبة على السرير..............
الكتاب انا كنت مسكو, بايدى ازاى وانا كنت محملو من على النت ,وبقراءة على الاب ... ازاى الكتاب خرج من الاب ,وبقى ملموس بالايد؟؟؟؟؟؟؟؟؟؟..........
انا طبعاً مكنتش متمالك نفسى من الرعب والموبيل واقع على الارض وعمى عمال يقول الو .... انا خد الاب ,وجريت بعيد عن الكتاب الى حسيت ان كل الشر الى فى الدنيا طالع منو .
مسكت اللاب ,وقعد ادور على المدونة الى جبت منها الكتاب ,بس ملقتش ليها اثر وكانها لم توجد يوماً .
فضلت قاعد ماسك دماغى ومرعوب ومش فاهم اى حاجة ,وانا قاعد ببص جانبى لقيت الكتاب محطوط جانبى ,مكنتش فاهم ازاى جئ جنبى هنا, قربت ايدى منو وحولت المسو لقيت انو لى ملمس غريب عامل زاى ملمس ... الجلد بتاع البنادمين
سمعت صرخة جاية من الاودا, ورغم كمية الرعب الى انا فيها جريت اشوف فى اى, اول ما دخلت الاودا ...حسيت ان مش هى دى اودت النوم دى بقت شبة القبر السرير اختفى والدلاب ............والحيطة بقت عامله زاى الصخر, ببص على باب الاودا الى دخلت منه لقيتو بقى عامل زاى ما يكون باب قبر من كتر الضغط ,النفسى الى انا كنت فيه حسيت انى هقع من طولى فاى لحظة .
ببص فى الاودا, لقيت جسم بنادم متعلق على الحيطة بتاعت المكان ,بس البنادم ده كان شكله بشع لانه من غير جلد؟؟؟؟؟؟؟؟؟......
ايوه من غير جلد, والاسواء انو كان حى وبيصرخ من الالم ..
كان فيه شخص جسمو كان اسود بلون الفحم ,وعيونه كانت بلون الدم ,ماسك سكينة بيسلخ بيها جلد الشخص المتعلق ده ,وكانة ذبيحة ,رغم انى مكنتش شايف وش الشخص الى ماسك السكينة ....بس كنت حاسس انو بيتلذذ بالى هو بيعمله ده, المشهد كام بشع بالنسبالى ساعتها ,مقدرتش استحمل اكتر من عشر ثوانى وكنت واقع على الارض ........... فى نفس الوقت الى انا اغمى عليه فيه, عمى كان اقتحم الشقة هو وكام واحد من الجيران, الى سمعو صرخات من ناحية شقتى ,وجبولى الدكتور ....... بعد ما الكتور طمنهم على حالتى ومشى قعد معايا هو وكام واحد من سكان العمارة لحد مفقت .....
عمى قعد يحاول يعرف منى اى الى حصلى ,وانا فعالم تانى خالص .
فضل عمى شاكك ان حد من سكان العمارة ,عارف حاجة وخصوصاً ان نظرتهم ليه كانت غريبة, وكلها خوف وشفقة فنفس الوقت, ومتكلموش من ساعت مدخلو معا الشقة , والى شككو اكتر ان كان فى واحد فيهم, كان زاى ما يكون مرعوب من المكان ,وعمال يبص يمين وشمال .
لما عمى سالهم اذا كانو يعرفو حاجة , كان الجواب ان مفيش حد رد عليه, ولما سال عم محمد الراجل الكبير الى ساكن فالدور التانى, والى بالمنسبة معروف بكرمو و انو مبيتاخرش على حد قالو ....
- بص يابنى ,احنا مفيش حد فينا بيحب يتكلم عن الموضوع ده , بس انا عندى ولاد وأحفاد ,وبخاف عليهم زاى مانت خايف على ابن اخوك, انا هقول لك على كل الى اعرفة وشوفتة .................
- من حوالى عشر سنين ,كان فى شواية حوادث اختفاء بتحصل لناس مهمين ,ورجال مميزين فالدوله, الموضوع اتحول لقضية راى عام ,والجرايد كتبت عنها ,وبالتاكيد انت سمعت عنها من الجرايد والتلفزيون زاينه كلنا ...... الشرطة كانت بتبحث بجهد فى الموضوع, وكانو بيمسكو اى حد يشكو فيه ...... لحد ما فيوم وانا نازل بليل رايح اصلى الفجر ,وكنت معدى من قدام باب الشقة دى ,لقيت فى عضمه كبيرة باينة فى الزبالة .
كان فى نقط دم حولين الزبالة, شكيت فالامر ,وقلت للدكتور عاطف الى كان ساكن فى البيت معانا, علشان يتاكدلى من العضم ده ..
ولما دكتور عاطف شاف العضم, قالى انو عضم فخد بنيادم؟؟؟؟؟؟؟؟؟؟...........
بلغنا البوليس وجئ واقتحم الشقة , وقبضو على الراجل الى كان ساكن فى الشقة دى قبليكو, وعرفنا ان هو الى كان بيخطف, وبيقتل الى بيخطفهم ,ويقطع جثثهم لما دورو فى الشقة ,لقو جثتين, بس محدش عرف جثث باقيت الناس الى اختفت فين , الناس قالت انو بالتاكيد اتخلص منها ,او دفنها ,واتقفلت قضية الجزار بعد مانتحر فى الزنزانة علشان ميحولوش يستجوبو .
محدش عرف هو كان بيقتل لى , او لصالح مين كل الى نعرفة, ان القضية اتقفلت واتمنع ان حد يتكلم فيها, وبداءت تطلع مقالات فى الجرايد تعتم على القضية ,مفيش حد يعرف حاجة عن الموضوع ده غير الحكومة وسكان العمارة ,الى اتمنعو من انهم يتكلمو, بس حكاية الشقة دى متقفلتش ,من يومها واحنا بنسمع اصوات ناس بتتعذب من ناحية الشقة دى , واى حد بيعدى من قدمها كان بيقول انو بيسمع فيها صوت حد بياكل.
من كتر الرعب الى البيت كان عايش فيه نص سكان البيت سابوه ,والى فضل بيحاول يعيش زاى الناس العاديين وميكلمش عن موضوع الشقة دى ....... فى نقطة مهمة هنا ,وهى انكو مش اول ناس تسكنو فالشقة دى بعد الجزارالى كان ساكن هنا ,ناس تانية كتير حولت تسكن هنا قبلكو, بس الى كان بيفضل منهم عايش, كان بيصحى مبيلقيش رجلو او ايدو وممكن ميلقيش عينو .
اخر واحد حاول يسكن هنا, هو ومراتة وعياله ,فضلنا سمعين اصوات صراختهم تلت ايام متوصله ,ومحدش فينا كان عندو الشجاعة انو ينزلهم او يتصل بالبوليس, لحد مانا اتصلت بعد تلت ايام , لما صوت صراختهم وقف ,ولما البوليس جه, وفتح الشقة ,الظابط مقدرش يمسك نفسه من المنظر وفضل يرجع ......
كانت الاشلاء فكل حتة ,كفوف اطفال .....وصوابع فى كل حته , أحشاء مخلوطة بالدم............. ومتوزعة على كل حتة فى الشقة , والجلد كان مسلوخ من كل الجثث ...قصدى الاجزاء الى فضلت من الجثث ...
مكنش فيه عضو واحد سليم ,حتى العيون براء الجمجمة ومتقطعة .... مكنش فى اى رد فعل من الحكومة الا انها تنطف المكان من الجثث والاشلاء, ويحولو يبحثو عن الى عمل كده رغم ان كل الناس عارفه انهم مش هيلاقوه ....
لما جيتو هنا , وشفت الشابيين الى هيسكونو فى الشقة دى ,صعبو عليه اوى ,كان نفسى تمشو من هنا او حد من سكان العمارة ينبهكو , بس للاسف لقيتهم سكنو ...........
كان من السهل ان السمسار يضحك عليكو ,ويبعلكو الشقة دى بالسعر الزاهد ده, وعلى الاخص ان محدش يعرف حاجة فى المنطقة عن المكان ده ,لان الحكومة كانت شديدة التكتم على الموضوع ده ..
عمى كان بيسمع الكلام ده ,وهو مندهش مش قادر يصدق الى بيسمعة , وحالى مكنتش اقل منه .
عمى كان شايف انى مينفعش اقعد دقيقة واحدة فى الشقة دى بعد كده, وروحت مع عمى على بيتو ..
هناك فى بيت عمى استقبلونى كما يجب ,سالت على الاودا الى فيها اخوية علشان اسلم عليه ودخلت ,واول ما شافنى سالنى :
- اى ياعم ؟..لسه فاكر ان ليك اخ رجله مكسورة علشان تطمن عليه؟......
مردتش عليه فضلت باصص له ,وانا مش عارف اتكلم , ولما حس ان فيها حاجة غريبة سالنى: - اى مالك ياامجد اى الى مضايقك ؟
الصراحة مكنتش لاقى كلام اقوله ,فضلت باصص له وقلت :
- بص انا هحكيلك كل الى حصل معايا, من ساعت ما سكنا فى الشقة الى هنا فى حلوان, لحد وانا واقف دلوقتى ..........
بعد نص ساعة خلصت كلام, وهو فضل باصص لى اوى باستغراب , وقعد يقولى:
- غريبة
فضلت ابصلو وانا مش فاهم قصدو اى, لقيتو بيقولى :
- الحلم الى لقيت نفسك فيه قطة ده ,انا حلمت حلم زايو بالظبط .!!!!!!!!!!!!.
بصطلو كده وقلتلو :
- ازاى ؟
قلى: انا حلمت بردو ان انا فى جسم قطة سوداء, وانى ماسك فرجل واحد, بحوشو انو يقتل قطة تانية .
فضلت ابصلو وانا مستغرب مش فاهم وقلتلو:
يعنى احنا الاتنين حلمنا نفس الحلم ,فى نفس الوقت .
لقيتو بيقولى : واى الى ياكد لك ان ده كان حلم, مش يمكن كنا فاجسام القطط فعلاً ,مش فاكر لما ماما زمان كانت بتحكلنا عن التوائم ,الى اروحهم بتسكن فاجساد القطط ,وهما نايميين .
الصراحة كلام اخوية مجدى, كان مقنع ,هو ده التفسير الوحيد للموضوع , بس هو فين المكان الى احنا كنا فية, واحنا فاجسام القطط ؟واى الى ودانا هناك؟ واى الى حصل بعد لما صحينا ؟ مفكرتش كتير, مسيت على اخوية, وسيبتة ورحت علشان انام ,لان دماغى كانت هتنفجر من الى بيحصل ,عمى جبلى الهدوم علشان اغير الى انا لابسها, بس اول ما قلعت الى كنت لابسة وانا ببص فى المراية لقيت ........ طلاسم ايوه كان جسمى فيه طلسم كبير مش عارف جيه منين كان الطلسم عبارة عن...
نجمة خماسية على صدرى, مرسوم جواها راسمة للشيطان ,والطلسم طالع بشكل غريب لحد كتفى, ونازل ناحية كوعى ,بشكل غريب وفى نهايتة طلسم ,رسم على شكل خنجر معقوف ....
اتخضيت لما شوفت الطلسم ده, وحسيت زاى ما اكون اتلعنت وان مفيش مهرب من الى انا فيه ..
بس ازاى وامتى اتعملى طلسم بالحجم ده؟ حسيت انو سال غبى اوى ووخصوصاً بعد كل الى شوفتو .
مش من الصعب على القوة الى بتعمل كل ده انها تعملى طلسم.
قعد اضحك زاى المجنون, كنت حاسس ان عقلى بيدوب, ومبقتش قادر استحمل الضغط ده كله ..
كنت عايز انام والصباح رباح .
قعد باصص للحيطة مش عارف انام ,وعمال افكر فكل الى حصلى ,والطلاسم الى موجوده على جسمى .فجاءة افتكرت الطلاسم دى انا شوفتها فين قبل كده ....فى الكتاب ...ايوه كانت فى الكتاب انا مش فاكر اى الى حصل ساعت مكنت بقراءة الكتاب دة .... حولت اعصر دماغى علشان افتكر الكتاب كان فيه اى ,بس معرفتش افتكر حاجة ,لازم اروح اجيب الكتاب ده هو السر ,حاسس ان كل الى انا عايز افهمة فى الكتاب ده ...
بكره هفهم كل حاجة, لكن دلوقتى كان لازم انام , علشان كنت تعبان اوى............
بمجرد ما مغمض عينى يوميها, لقيت نفسى فى مكان تانى .. مكان انا عارفة كويس, كنت واقف فى صالة الشقة الى كنت قاعد فيها ..... كنت شايف كل حاجة فى الشقة كبيرة وفوق مستوى نظرى الموضوع خد منى ثوانى ,علشان افهم انى رجعت لجسم القطة تانى ...
لقيت نفسى بتحرك من غير ايرادة منى, ناحية الاودا الى كنت بنام فيها, اول ما دخلت الاوداء لقيت فى غطاء مربع حديد على الارض, زاى بتاع البلاعات ,كان محطوط جمب فتحة موجوده فى الارض .
مشيت ناحية الفتحة , فلقيت سلم لحد ما وصلت لتحت, لقيت نفسى فنفس المكان الى كنت فية المرة الى فاتت, ولقيت نفس المشهد الراجل ,الى قاعد بيقطع فجثة واحد قدامة, وانا بنونو والراجل بيشوفنى, وبيقرب ناحيتى بالسكينة, كانت نفس الاحداث بتتكرر من غير تغير, ونفس القط الاسود الى عرفت انو اخوية مجدى , بيمسك فرجل الراجل ويخربشها وانا عمال انونو, بس الحلم مخلصش هنا زاى المرة الى فاتت ,الراجل رح ضرب مجدى بالسكينة الى فى ايدى , فمجدى وقع ميت ,وجسم القطة مقسوم نصين ,فضلت انونو واصرخ, لحد ممسكنى بايدو الاتنين وانا عمال اعافر ,واحاول اهرب, وراح ولع فالاكفان الى عندو ورمانى فالنار ,كان جسم القطة بيتحرق, وانا مش حاسس بحاجة. الجلد كان عمال يدوب, وشعر القطة بيتحرق, لحد ما القطة اتحولت لكتله فحم........
صحيت من النوم مفزوع , وعمال ابص حولية, لحد ما استوعبت ان ده كان حلم ,فضلت نايم على السرير, بفكر فى كل الى بيحصلى الفترة الى فاتت, حولت اقنع نفسى ان كل ده وهم من الضغط الى انا فى ومن قعديتى على مواقع الموارئيات وجدى بليل, لكن معرفتش اضحك على نفسى .....
الشقة فيها سر, ولازم اروح واعرفة. عمى ندى عليه علشان افطر, فقمت علشان اغير هدومى, لانها كانت غرقت بالعرق طول الليل ... وانا بغير قعد ابص على الطلاسم الى مرسومة على جسمى فى المراية ,وقررت انى اروح الشقة علشان اعرف سر الطلاسم دى فتحت الدولاب علشان اجيب هدوم ,فلقيتو........... كان اخر شئ اتوقع اشوفو .......... الكتاب محطوط فوق الهدوم جوه الدولاب.
اتفزعت لما شوفتو, وقعد ادور على تفسير, فكرت ان ممكن عمى هو الى يكون جاب الكتاب من الشقة, بس استبعت الموضوع ومحولتش افسرة ,لانى متاكد ان الكتاب مش محتاج حد يحركو من مكانة .
خدت الكتاب ,وخرجت من البيت من غير ما حد يحس ,وطلعت على الشقة علشان افهم .
رحت البيت ,ووقفت قدام باب الشقة ,دخلت المفتاح فى كلون الباب حسيت برعشة فى كل جسمى وانا بفتح الباب , واول ما فتحت الباب, خرجت صرخة عالية اوى من جوه الشقة , تملكت نفسى ودخلت..... واول ما دخلت ووقفت جوه الشقة , ملحقتش افتح النور ولقيت الباب اتقفل عليه.
قعد الف حولين نفسى, مفزوع مش عارف اعمل اى, وخايف صوتى يطلع فى الضلمة, قعد احسس على الحيطة يمكن الاقى الزرار بتاع النور, كنت سامع صوت حد عمال يمضغ اكل من حولية ,الصوت كان بيحرقلى اعصابى ,وحسيت ان الضلمة بتكلنى وبتمضغنى انا ........ كنت حاسس ان قلبى هيقف فى اى لحظة ,ولكن الحمد لله, ايدى لمست زرار النور, وفتحت النور ,الشقة نورت بس صوت المضغ فضل مستمر, قررت انى اتبع صوت المضغ ,واعرف مصدرو .... كان فيه جواية حاجة بتشجعنى, كمية شجاعة مش عارف جتلى منين, الصوت كان جاى من ناحية المطبخ ,فقلت اقرب من المطبخ بهدوء خطوة خطوة, لحد ما وصلت المطبخ ,وكان المنظر الى توقعتو ....
جسم اسود متفحم وعيون بلون الدم, قاعد وقدامة رجل انسان مشويه عالنار وبيقطع منها وياكل فضلت باصص للمنظر ,وانا بقول لنفسى :
- مش هقع ,مش هقع .
وبحاول اشجع نفسى, فجاءة لقيتو بيبصلى وهو ماسك الراجل المشوى فى ايدو, وبيقرب منى, حسيت بنبضات قلبى بتعلى .وتبقى اسرع ,وانا عمال ادوس على قلبى علشان ميقفش ,او اقع من طولى ,ورغم كده ....... وقعت من طولى ...
لما فقت لقيت نفسى فى الصاله سليم, وكإن مفيش حاجة حصلت ,وانا نايم على ارض الصاله ,وببص ناحية الاوداء, كنت شايف نفس المشهد فى نفس المنظور ,الى كنت شايفة وانا فجسم القطة ,دخلت الاوداء زحف على بطنى ,علشان افضل محافظ على منظور عين القطة ,الى كنت شايف بيه الاوداء, لحد ما وصلت للحته الى وقفت فيها ,وانا فجسم القطة تحت السرير,بس مكنش فيه فتحة فالارض زاى ما شفت وانا فجسم القطة ,خبط على البلاط لحد محسيت بفراغ فحتة معينة ,وحسيت ان البلاط ملخلخ فى الحته دى ......
مسكت مسمار كان واقع تحت السرسر, وابتديت اسلك البلاط واخلعو من بعضو, لحد مشلت كام بلاطة , فظهرلى غطاء حديد ,زاى بتاع البلاعات ,شيلته فلقيت تحتيه فتحة لمكان تحت ارض الاوداء, عامل زاى القبر ..... جبت كشاف ,ووسعت مكان السرير ,ونزلت كان فية كام سلمة كده لتحت , بعد مانزلت قعد ابص بالكشاف يمين وشمال فى المكان الى كان زاى القبر, فعلاً زاى ما شفتة وانا فجسم القطة ..... أكفان ميتين مقطعة ,وغرقانة دم, عضم فى كل حته, وجماجم محطوط جوه محجر عيونهم شمع .
وانا وقف فنص المكان ده, لقيت طلاسم ورموز بتنور فى المكان ,حسيت بحرارة رهيبة فى جسمى ,ولقيت الهدوم الى انا لابسها بتتبخر, وكان الطلسم الى فى جسمى هو مصدر الحرارة ,كان زاى ما يكون بيتفاعل مع الرموز والطلاسم الى على الحيطة ,لقيت نفسى لا ارادياً بفتح الكتاب وبقراءة الكلام الى فيه, مكنتش فاهم حاجة من الكلام الى كنت بقوله ,كانت كلها رموز وكلمات ملهاش معنى.
- زى , كيا , كانبا, زى ,كى, وا ,كان ,با
- زى, انا , كانبا , زى ,ان, نا, كان ,با *( جزء من نداءات حقيقية لاستدعاء الارواح من كتاب العزيف)
فجاءة ابتديت اسمع اصوات غريبة من حوليه فى كل حته ,وابتدت اجسام متفحمه تخرج من كل إتجاه ,وانا واقف فالنص وماسك الكتاب ,عمال اقراءة وهما عملين دايرة حوليه ,مكنتش خايف من كل الجثث الى اتلفت حوليه دى ,لانى كنت حاسس ساعتها انى اكبر قوة فى المكان فى المكان ,ومحدش بيقدر يذينى , كان فيه حوليه دايرة بتحمينى منهم, واول ما قربو من الدايرة زاى ما ظهرو فجاءة ,زاى ما الارض بلعتهم فجاءة؟؟؟؟...
فجاءة ظهرلى شىء عملاق من تحت الارض ابتدى يتشكل من التراب لحد ما شفتو واقف قدامى ....... كان هو نفس الكائن الى شفتو فى الحلم الى مش متاكد لحد دلوقتى انو كان حلم كان زاى ماشوفتو رمادى ....وعملاق ...وعينو حمرااااااااا ............. وعندو قرون كبيرة
كان شكلو رهيب ومرعب بس كان الطلسم على جسمى والكتاب فى ايدى مدينى احسس بالقوة وان الشىء ده ميقدرش يذينى ..
كانت الارض والمكان من حوليه عمال يتهز او بمعنى ادق يترج زاى قزازة الميه وانا واقف ثابت فمكانى مبقعش والشىء الى ظهرلى ده عمال يبصلى
وحده وحده الاهتزاز ايتدى يهدئ والجنى الى قدامه ده قعد يزوم لحد ما المكان بطل يتهز والجنى بطل يزوم
بداء يتكلم وهو عينو زاى متكون هتحرقنى
- لقد وقع عليك الاختيار ,ولكن تذكر اننا قبل ان نختار ,كان بيدك انت الاختيار.
نفس الكلام الى ظهرلى على شاشة الكمبيوتر قبل كده
قلتلو ........- انا مش فاهم حاجة ....... اختيار اى .... واخترت اى انا مش فاهم .
لقيتو فجاءة بيتكلم ويقولى ....- انت اخترت المكان وكان لازم تخضع للاختبار..... يتقبل الثفقة ويختارك الكتاب ........ يترفض ويتكتب عليك الهلاك ......؟؟؟؟؟؟؟؟؟؟؟
فضلت باصص له, وانا بترعش وواقف زاى الاهبل .
شكلى كده فى لعبه اكبر من ما انا متخيل , ان بقيت بتصرف بشكل غريب ومش فاهم ولا عارف انا اى وازاى .
راح فجاءة مسكنى الشئ ده بايدو الاتنين ,وفضل مركز فى عينى ومحسيتش بنفسى غير وانا فى نفس المكان بس الشئ او الجنى الى كان قدامى اختفى, وكان واقف مكانو شخص شكله مخيف وجسمو عامل زاى الهيكل العظمى, وكان جسمو كله اسود ومتفحم , وعينو بيضة مفهاش النينى الاسود الى بيبقى عندنا بداء يتكلم وقال بصوت بشع قوى :
- طبعاً انت عايز تعرف ....... طبعاً انت عايز تفهم ....... لى واى وازاى هى لعنه واتكتبت على البشر من الاف السنين ولازم حد يشيل الحمل ده
قلتلو:......... – طب انا اى دورى فى كل ده؟
قلى :انت صاحب اللعنة, وانت الى هتتحملها.
رديت علية وانا برتعش من كلامه: ...........- طب انا مالى وذنبى اى فى كل ده.
قالى: ......- كان اختيارك انت ... انت الى وفقت على الثفقة.
قلت: ........- ثفقة اى الى انت بتتكلم عليها .
قلى:...- ثفقتك مع الشيطان .
زعقت باعلى صوتى رغم الرعب الى انا فيه وقلت : ........- شيطان مين انا مليش دعوة بالكلام ده , انا عايز اطلع من الموضوع ده .
رد وقال: متقدرش انت وفقت على الثفقة خلاص .
صرخت: انا موفقتش على حاجة .
قال: لا وفقت يوم ما حملت الكتاب .....؟؟؟؟؟؟؟ فاكر الرساله الى جت لك وانت وفقت عليها ... ..من ساعتها وانت وقعت موعدها مع الشيطان والطلسم الى على جسمك هو وثيقة الموعهدة بينك وبينه .
قلتللو :انا مليش دعوة ,انا مش فاكر حاجة ومعرفش حاجة.
رد بصوت مختلف عن الصوت الاولانى واكثر بشاعة: انا هقول لك على كل شئ........
- انا قبلك زمان ورثت الكتاب ده من ابوية ,واتعلمت كل الى فيه وعقد صفقة مع الشيطان زيك وبكامل وعى وارادتى ... الكتاب الى بين ايدك ده من اقوى كتب السحر الاسود, الى بيملك الكتاب بيعرف وبيتعلم يستدعى ارواح الموتى ويستجوبهم, وبيتعلم ازاى يقدر يعرف اسرار اى جثة ,ويتكلم بلغة صاحبها ويعرف كل الى كان يعرفة صاحب الجثة , عن طريق تشريح الجثة واكل اجزاء منها, وصلحيات وقدرات عقلك ميتصورهاش بيمتلكها صاحب الكتاب .
لكن فى المقابل بيتكتب عليك تعيش ملعون طول حياتك ,ومحبوث فقبر زاى الميتين, المكان الى انت فيه ده مليان ارواح ناس كتير ,انا استجوبت جثثهم زمان .... ناس مهمه فى الدوله ودكترة وعلمه كل الى كانو يعرفو انا بقيت اعرفه وكل لغة بيعرفو يتكلومها انا بقيت بتكلمها .......الناس افتكرت انى لما انتحرت فى السجن انى كده خلاص, لا ...ده جزء من الصفقة انى اقدر افضل فالعالم ده حتى بعد لما جسمى يموت بس هفضل روح معذبة مبترحمش اى حد...
كنت باصص له وانا مش مستوعب الى هو قالو مش مصدقة وقلت:
- يعنى انت الجزار ؟ .......
رد وبصوت مختلف للمره التانيه :.........- ايوه انا الجزار, وانت وفقت على الوثيقة وقريت الكتاب ,واتخدمت بطلسم الشيطان .
كل يوم كنت بنقل روحك لجسم قطة دخلتلى زمان فى المكان ده وانا حرقتها , علشان ارشدك للمكان الى انت واقف فيه ده... كل واحد جيه الشقة دى قبلك , اتعرضت عليه الوثيقة وكلهم رفضوها من غير ما يحسو ,وكان مصرهم الهلاك لحد ,ما جيت انت وقبلت الصفقة ,ولازم تكمل الى انا والى قبلى بدئنا, وتحمل لعنة الشيطان على بنى البشر .
فضلت متنح ومش مستوعب, ومصدوم كمية ضربات ختها فى وشى مره واحده, يعنى انا دلوقتى كافر .......... يعنى انا من اتباع الشيطان ........يعنى كل طموحاتى وحياتى ادمرت ......ولى انا من ضمن كل الناس الى اجئ هنا واقع فالفخ ده ؟
قلتلو بالعافية والصوت مش راضى يطلع من حلقى :
- اخوية كان بيشوف نفس الحلم ليه؟
رد وقالى بعد ما غير صوتو للمره الالف.............:
- اخوك بيمشى فى عروقو نفس الدم , ولما انت اتلعنت اتلعن معاك ............ وزاى مانت عندك طلسم على جسمك ,هو كمان عندو طلسم على جسمو, وبيشوف كل الى انت بتشوفة, وهو كمان عارف انك هنا دلوقتى, وهنا يجئ دورك علشان تختار ياما أخوك ياما الحياة.
قلتلو: قصدك اى
رد وقال : مينفعش انتو الاتنين تشيلو الكتاب لازم واحد فيكو يموت.
قلتلو :وانت عايزنى اعمل اى اقتل اخوية ....
رد وقلى : مفيش حل تانى لازم حد فيكو يموت وهو عارف كده كويس .
قلتلو :الى انت بتطلبو منى ده مستحيل ولايمكن يحصل.
قلى: لو انت معملتش كده ,هتبقى انت اول جثة يستجوبها اخوك.
قلتلو :مستحيل اخويا يعمل كده انا طول عمرى بحبه .
رد وقال بلغة تانية ,وصوت تانى بس انا فضلت فاهمو :
- انت بتضحك على نفسك, انت طول عمرك بتكرهه اخوك ,وبتحقد عليه لانه خطف منك بنت عمك .........طول عمرك بتحبها بس هى عمرها مابصت لك, وكانت متعلقة باخوك لو عايز تعيش ,وتاخد كل حاجة لازم تخلص من العقبة الوحيدة الى فى حياتك "مجدى" ...... "مجدى" ........."مجدى"........ هو دلوقتى جايلك .... هو كمان عايز الكتاب .....وعايز يخلص من العقبة الوحيدة فى طريقة ....انت!!!..
قعد يضحك وضحكتو عماله ترج ,المكان وانا واقف ببص له, ومش مصدق كل الى بيحصل, سمعت صوت حد بيفتح باب الشقة فوق بصيت نحيت الفتحة الى نزلت منها فوق ,ورجعت ابص ناحية الجزار تانى .........كان اختفى ؟؟؟؟؟؟؟؟؟؟؟؟؟؟؟؟!!!!!!!!!!!...
مسكت الكتاب, وخدت سكينة كانت على ارض المكان, وطلعت لفوق وقفلت الغطاء الحديد على الفتحة , لما طلعت لقيت مجدى دخل وبيقفل الباب وراء .......... كان شكله تعبان وهو ساند على العجاز ,ورجلو, متجبسة, وبيمشى بصعوبة.
اول ما شافنى بصلى وقال وهو بيبتسم: كنت عارف انى هلقيك هنا ,خمنت ده لما شفت الحلم ,وعرفت انك كمان شفت نفس الحلم ولما قلولى انك نزلت ومحدش يعرف انت رحت فين, عرفت انك جيت هنا.
بصتلو بنظرة قاسية اوى مكنش متوقعها منى وقلتلو : مش هندخل فى كلام كتير, انا عارف انت هنا ليه عايز تقتلنى..... اقتلنى انا واقف قدامك اهو!!!!!
لقيتو بيبصلى باستغراب وقال: أقتلك انت بتقول اى!! ..........اى الكلام الفاضى ده ؟
رديت وانا بزعق :انت طول عمرك بتكرهنى ,خطفت منى الشخص الوحيد الى بحبه ,دلوقتى كمان عايز تقتلنى, علشان تاخد كل حاجة الكتاب ,والقوة وكل حاجه.
فضل باصص لى ,وهو مش بيتكلم ,رحت خرجت من الكتاب السكينة الى جبتها من تحت ,وفقد السيطرة على كل جسمى ,وعقلى, ومحستش بنفسى غير وانا بجر جثت اخوية "مجدى" لتحت وماسك سكينة وعمال اقطع فى جسمو.........
كانت فى الوقت ده كل المشاعر مقتوله جوايه.
فوسط كل ده وقفت ,وانا ماسك السكينه وايدى غرقانة دم .......ببص لاخوية لما رجعت للواقع تانى ,فضلت باصص لجثة اخوية وانا مش مصدق نفسى .
وقفت وانا شايف الجثة متقطعة, وغرقانة فى الدم, وكنت مصدوم معرفتش ساعتها اصرخ ولا اعيط ولا افرح والااضحك ولا اعمل اى؟؟؟؟؟......
هنا فقت, وقررت ان لازم كل ده ينتهى دلوقتى ,واللعنة تندفن معايا هنا؟؟؟...
قمت وسديد الفتحة ,الى فوق علشان افصل المكان عن الشقة فوق, ولعت شمعة محطوطة فوق جمجمة , ووقفت فوق جثة اخوية ,وفتحت الكتاب وابتديت اقراءة .
الطلاسم الى مرسومة على جدران المكان ابتدت تنور ,والطلسم على جسمى ابتدى يتفاعل معاهاه, وخرجت جثث متفحمة لناس كتير كانو من ضحايا الجزار , خرجو من كل حتة وابتدو يلفو حولية, وانا مستمر فى القراية ,وحوليه دايرة بتحمينى منهم ,قعد اقراءة تعويذ والمكان ابتديت الحيطة بتاعتو تطبق عليا , بس كل ده مش كفاية المكان هيدمر لاكن الكتاب هيفضل سليم وصاحب الكتاب .
مسكت حوالى خمس صفحات من الكتاب وقطعتهم ,وبكده الكتاب مبقاش كامل ,ومفعول قوتة غير سارى, اختفت الدايرة الى بتحمينى فقفلت الكتاب ............ والجثث المتفحمة عماله تقرب منى, وجدران المكان عماله تتضيق اكتر ,اخر منظر شوفتة قبل ما غمض عينى , كان جثة اخوية متفحمة وماشية وسط الجثث الى بتقرب علية ,وهو بيبصلى بنظرة خليت اخر شعور احس بى فحياتى هو الرعب.
طبعاً انت هتسالنى الورق ده اتكتب امتى , الاجابة موجوده لو خد بالك منها انا موت, بس الوثيقة ممتتش ,الجزار بعد منتحر فضل موجود فى المكان ,وانا كمان كان لازم افضل فى المكان.
اعترف انى اكتشفت بعد كده انى لم انجح فى تدمير الكتاب, او حمل اللعنة عن البشر.
والحقيقة الى اكتشفتها ان لازم حد يشيل اللعنه بعدى , وانى فشلت فى تدمير الحلقة والا ........ اعتقد ان الناس عندها مشاكل كتير ,ومش مستحملها لعنات.
كان لازم حد يوافق على الموعهدا ويعقد الصفقة.
بص فاول الورق ................فاكر انك وفقت من الاول على انك تقراءه الورق ده
مع موفقتك ومع كل حرف قريتو , اتنقلت ليك اللعنة ..............
حاسس بحرارة فجسمك ............. بتخفش ده الطلسم
فى الفترة الجاية هتحس بتغيرات كتير.
لو بصيت جنبك دلوقتى هتلاقى الكتاب كامل ...... وخليك متاكد
انك هتشوفنى كتير فاحلامك فى الفترة الجايه
(تمت بحمد الله)
___________________________________________________
ذكر ان تقيمك لموضوعي بتعليق سواء بالايجاب او السلب هو بمثابه تشجيع لي على الاستمرار وتقدير منك للمجهود الذي ابذله ومساعده منك على نشر الموضوع وتشجيع لباقي الاعضاء على قراءه الموضوع وشكرا
اقرأ ايضا :
قصص رعبرعب احمد يونساحمد يونسقصص احمد يونس رعبقصص حقيقيةقصة رعبافلام رعبتحميل قصص رعبصور رعبقصص رعب قصيرةقصص رعب على القهوةرعب ع القهوةقصص رعب كلام معلمينقصص رعب احمد يونس كلام معلميندستور قصص رعبقصص جنقصة رعب
اقرأ ايضا :
قصص رعبرعب احمد يونساحمد يونسقصص احمد يونس رعبقصص حقيقيةقصة رعبافلام رعبتحميل قصص رعبصور رعبقصص رعب قصيرةقصص رعب على القهوةرعب ع القهوةقصص رعب كلام معلمينقصص رعب احمد يونس كلام معلميندستور قصص رعبقصص جنقصة رعب
