اسمي عمرو من القاهرة عمري حوالي 20 سنة طالب في كلية الحقوق بدايتي في مواقف الرعب كانت في الكلية نفسها كذا مرة احس ان الكلية مسكونة او فيها حاجة مش طبيعية
عدى اول شهر من الكلية من غير ما يحصل حاجه لكن ... الحكاية بدأت في الاسبوع الاول من الشهر الثاني كنت في المحاضرة بكلم صحابي حسيت ان فجأة صحابي زي ما يكون غابوا عن الوعي بس عينهم مفتوحة و زي ما يكون شكلهم مش في غيبوبة فضلوا علي الحال دة لحد المحاضرة ما خلصت وكل واحد روح بيته لما رجعت اة نسيت افكركم انا عندي اخت واحدة اسمها شيرين و اخين اسمهم محمد و مؤمن شيرين عندها 17 سنة و محمد 15 و مؤمن عنده 10 سنين احنا كدة اربع اخوات لما رجعت من الكلية اليوم عدي بطبيعة خالص وبليل دخلت قوضتي (غرفتي) وقعدت علي المكتب اذاكر انا عامة بذاكر بليل علي الساعة 12 او 1 بليل كدة كنت سايب باب القوضة (الغرفة) مفتوح والقوضة (الغرفة) كانت بتطل (بتشرف,تظهر) علي الصالة حسيت زي مايكون فيه خيال دخاني كدة عدي من قدامي وفي نفس اللحظة كنت عايز اروح الحمام بس اروح الحمام بعد الي شوفته دة ازاي نسيت حاجة كمان انا اخويا محمد بينام في سرير وانا و مؤمن في سرير و شيرين لها قوضة (غرفة) لوحدها نرجع للموضوع روحت مصحي اخويا وقبل ما اصحي اخويا ناديت علي ماما وبابا و اختي شيرين يمكن يكونوا هما الي عدوا من الصالة فصحيت اخويا قالي لا انا مش قادر روح انت قولت انا كبرت علي حكاية الخوف دي انا دلوقتي بقيت راجل و لازم اروح لوحدي بس ياتري هشوف ايه هناك؟ مشيت خطوة خطوة و ببطئ شديييد لحد ما وصلت للحمام وفتحت الباب وكانت الكارثة!! لقيت اختي شيرين غرقانة في البانيو روحت شايلها بسرعة وجريت علي ابويا و امي لقيتهم مش في البيت اصلا روحت مصحي محمد بسرعة و نزلنا للدور الي تحتينا وخبطنا علي الجيران و انا كنت شايل شيرين علي ايدي وعمال احاول افوق فيها بس مش عارف واخويا محمد بيخبط علي الجيران الجيران فتحولنا واتفزعوا وراحوا اخدوا شيرين و طلبوا الاسعاف وجت الاسعاف اخدت شيرين وانا و محمد شكرنا الجيران و طلعنا و محمد فضل صاحي يتفرق علي التلفيزيون وانا بذاكر و مؤمن نايم ونسينا ان ابويا و امي مش في البيت وانا كلمت مذاكرتي فانا لمحت بسرعة ابويا ماشي في الصالة!! استغربت جدا! وبعدها سبقته امي وبعدها! شوفت راجل لابس بدله قاضي واصلع بس دماغة متشرحة وعينه الشمال مش موجودة والعين التانية بيضة كلها ف ساعتها قولت ل محمد بصوت واطي (منخفض) انت شايف الي انا شايفة دة؟ قالي اة شايف ماما معدية من الص لسة هيكمل الكلمة افتكر ان احنا لما دورنا علي ماما وبابا مليقناهمش بس هو تقريبا مكانش شايف القاضي الي انا شوفته وبعدها انا روحت الحمام ومجرد ما دخلته كاني دخلت مدبح شوفت قدامي واحد متعلق من رجليه ولابس بدلة اعدام والحبل الي كان متعلق فيه زي ما يكون فيه شوك رفيع و كتيير اوي و وشة (وجه) كان مقطوع منه نصه (نصفه) والدم مالي الارض فتلفتت ولسة هبص في المراية شوفت القاضي تاني في المراية و معاه سكينة و وقام دابح نفسة ولقيت نفسي اغمي عليا صحيت لقيت نفسي في السرير و زمايلي الي في الكلية حواليني وبيطمنوا عليا هما و اخواتي و بابا و ماما اول حاجة قولتها شيرين فين قالولي في قوضتها قولتلهم هي رجعت من المستشفي؟ قالولي مستشفي ايه يابني قولتلهم هي مش امبارح انا لقيتها غرقانة في البانيو ودورت عليكم ملقتكومش روحت نازل عند الجيران و طلبوا الاسعاف قالولي يظهر ان انت امبارح ذاكرت كتير و ولما اغمي عليك قومت انت حلمت الحلم دة. بعدها انا ابتديت اشك في نفسي تاني يوم صحيت الصبح و روحت الكلية طبعا وانا طالع علي سلم الكلية كانت بتبقي فاضية فبصيت جنبي وانا ماشي لقيت القاضي ماشي جنبي بس المرة دي كان من غير راس و شايل راسة في ايده!!! المهم فوتت الموضوع وقومت مكبر دماغي و دخلت المحاضرة لقيت الدكتور بتاع الكلية بيشرح عن القتل و عقوبتة الجنائية المهم وانا مركز في شرح الدكتور سرحت شوية وزي ما يكون شوفت نفسي في محكمة ونفس القاضي الي شوفتة هو هو كان بيحكم علي حد بس المرة دي القاضي كان سليم مفيهوش حاجة وحكم علي واحد بالاعدام وبعدها سمعت صرخة زي ما يكون هزت المحكمة فوقت من الي انا كنت شايفة دة لما لقيت الدكتور بيقول هو انت معايا ولا فين قولتله معلش يا دكتور انا اسف كنت سرحان شوية وعديت الموضوع بردو المهم بعدها روحت من الكلية للبيت طلعت نمت شوية منغير حتي ما اغير هدومي كنت حاسس اني منمتش من بقالي يومين صحيت من النوم علي الساعة 12 بليل قومت حضرت حاجة المذاكرة وطلعت الكتب من ضمن الكتب لقيت كتاب مخصوص اصلا عن القتل في القانون الجنائي واصلا انا الكتاب دة اول مرة اشوفوا وعمري ما شوفته قبل كدة حسيت ان في حاجة بتقولي لازم تقرا الكتاب دة قريت شوية في الكتاب وفي نص قراتي النور قطع والغريب ان انا كنت شايف في الضلمة بس مشوفتش حاجة تفرحني انا شوفت ابشع منظر ممكن اشوفه في حياتي واحد ملثم كسر باب الشقة و حسيت ان انا اصلا مش في شقتي زي ما يكون انا في شقة تانية نكمل الموضوع المهم لقيت الملثم دخل غرفة كان فيها نفس القاضي قاعد بيقرا نفس الكتاب الي انا كنت بقرا فيه من شوية ولقيت القاضي فجاة اتفزع والملثم قام مطلع حبل وربطة علي شكل مشنقة وقام ماسك القاضي كتفة بحبل وقام معلقة من السقف وشنقة وبعدها قام اخد الجثة و قام شايل عين من عيونة و راح حطها في برطمان فيه مادة صفراء غريبة و لزجة وقام قاطع شعرة من شعر القاضي و حطها في برطمان تاني فاضي وراح اخد الجثة وهنا اتغير المشهد لقيت نفسي في مكان قريب من الكلية والرجل الملثم بيحفر في ارض فاضية قريبة من الكلية و راح رامي جثة القاضي فيها وراح ردم عليها انا عرفت ان انا انتقلت للماضي لسنة 1990 وعرفت ان في الزمن الي انا فيه العادي اتبني فيه مكان يوسع الكلية ودة المكان الي انا دخلت القسم الي فيه صدمت! بعدها فوقت لقيت نفسي كنت نايم قررت اني مروحش الكلية و افضل في البيت عشان اشوف الحكاية بس بعدها قولت لا لازم اروح الكلية احسن و اشوف المكان الي اتحفر فيه ولبست هدومي و نزلت وانا نازل علي السلم لقيت علي باب العمارة من برة غرابين عينيهم حمرااا اوي وبيبصولي واول لما ركبت تاكسي راحوا مشوا ورا التاكسي انا استغربت جدا و عرفت ان ممكن يحصل حاجة فقريت شوية قرأن و كملت طريقي وانا راكب التاكسي نزلت من التاكسي قدام الكلية قررت اني لما اخلص الكلية النهاردة هستني وهفضل قاعد في المكان لحد بليل وكنت مستأذن ابويا قبل ما انزل ان انا ممكن اتأخر دخلت المحاضرة و محصلش اي حاجة من الي انا كنت متوقعها طول المحاضرة انا كنت سرحان في الي انا هعمله او الي هيحصلي يا تري ايه الي هيحصل كنت خايف شوية وقلقان و متوتر ومركزتش في اي حاجة من المحاضرة المهم بعد ما خلصت الكلية سلمت علي صحابي و قولتلهم علي الي هعمله بس مش اوي لمحتلهم بطريقة بسيطة ف صاحبي اسامة و دة صاحبي الانتيم اوي قالي انا مش هسيبك لوحدك يا صاحبي قولتله لا لازم ابقا لوحدي انا بقا استغليت ابو اسامة في حاجة بما انه ابو صاحبي الانتيم هو كان ليه منصب في الكلية و كان معاك مفتاح باب مبني الكلية ف قولتله انا هدخل اجيب ملفات من الكلية و هطلع علي طول وقولت لاسامة يمشي هو و باباه ساعة ما انا ادخل وفعلا نجحت الخطة بتاعتي و دخلت اول لما دخلت حسيت ان المكان حر اوي ومكتووم و مش عارف اتنفس كويس فيه وانا ماشي حاسس انا انا بمشي فوق حاجة سائلة بصيت تحتي لقيت نفس المادة الصفراء الي اتحطت فيها عين القاضي المادة دي كانت في كل ارضية الكلية و لقيت علامات و اشارات غريبى مكتوبة علي الحيطان ومن ضمنهم علامة حرف Z معكوس وجوه مربع والمربع جوه نجمة وفي في نص النجمة دائرة مرسومة زي العين حسيت ان انا داخل مكان تاني غير الكلية الي انا عارفها وحسيت بحاجة بتشدني في اخر الطرقة في الدور الارضي جوه الكلية وكان المكان هناك ضلمة اوي دخلت المكان الضلمه و اتشجعت لقيت النور اشتغل في المكان دة و المفاجأة لقيت كل زمايلي الي اعرفهم في الكلية متعلقين بنفس الطريقة الي انا شوفتها في الحمام ومن ضمن دول اسامة و ابوه!! ساعتها حسيت ان قلبي وقع وطلعت اجررري برة الكلية بسرعة رهيبة لما طلعت لقيت نفسي في المنطقة الي انا شوفتها في الحلم و لقيت المبني الي انا كونت لسة فيه دلوقتي مش موجود و لقيت نفسي في سنة 1990 بس البلد فاضية كلها انا حسيت ساعتها اني هموت و مش هشوف اهلي تاني ولا صحابي اكيد انا مش هشوف صحابي لانهم ماتوا! فجأة لقيت الدنيا ضلمت مش عارف ازاي دة حصل حسيت اني روحت مكان تاني وشميت ريحة غريبة كدة كنت شايف ضوء بسييييييط اوي من بعيد عمال اجري علي الضوء دة بصيت وساعتها قولت انا لازم استشهد انا عرفت اني في في في. في قبر!!! والريحة الي شميتها دي دي ريحة المووت!!! قعدت احسس في اي حاجة مش لاقي حاجة المسها لحد ما لسمت حاجة دة وش راس واحد لقيت صبعي (اصبعي) دخل في خرم كدة جه في دماغي شكل القاضي الي الي عينه مش موجودة عرفت ساعتها الحكاية دي قومت شايل ايدي بسرعة و بصيت كدة لقيت زي كورة بيضة بتنور جاية من بعيد و بتمشي لحد ما وصلتلي و زي ما يكون الضوء كل شوية بيرتفع لحد ما انفجرت من الضوء ولقيت نفسي في مكان زي مكان الدجالين و مشيت في ممر لحد ما وصلت لقوضة فيها واحد دجال وشوفت علي حيطة القوضة(الغرفة) نفس العلامة الي شوفتها في الكلية ونفس البرطمانين وجثة القاضي و ساحر دجال عمال يقول كلام مش عارفه و الجثة بتترعش و زي ما كون بتتزرع عين تانية كدة زي عين الشياطين في مكان العين الفاضية ولون جسمة بيحمر والساحر بقا بردو بيترعش لدرجة انه مش قادر يتحرك والجثة بتاعت القاضي بقت زي شيطان احمر وقام قاتل الساحر و لقيت المكان زي ما يكون انفجر اشعة حمراء ولقيت نفسي صحيت من النوم في البيت كانت الساعة حوالي 10 الصبح يوم الجمعة قررت اني انزل في المحكمة واسال عن القاضي دة و فعلا نزلت وسألت عنه محدش عارف عنه حاجة الا شخص واحد بس كان زميلة في المحكمة وقالي انه كان قاضي فاسد و مرتشي ومش بيحكم بالعدل ساعتها عرفت ان الساحر اخذ جثتة عشان يتسخدمها في السحر و الشر والسحر اتقلب عليه حسيت ساعتها لما عرفت اللغز اني ارتحت نفسيا وعصبيا وطلعت اجري علي البيت عشان عيلتي وحشتني وقررت اني اخرج من كلية الحقوق و ادخل اي كلية تانية احسن وروحت لقيت عيلتي محضرين الغداء و قعدت اكل واتكلم معاهم وانا بالي مرتاح وحكيتلهم كل حاجة حصلتلي وصدقوني لان ابويا و امي كانوا بسمعوا اصوات الدق بتاع اي قاضي لما تبتدا الجلسة و كانوا مش بيعرفوا يناموا ساعتها لقيتها فرصة اني اعرض عليهم اني اخرج من الكلية وان الكلية هي السبب وابويا وامي وافقوا وانا الحمد لله دلوقتي اتخرجت من كلية التجارة واشتغلت محاسب وعايش في امان بس عمري ما هنسي الي حصل ...
تمت
اقرأ ايضا :
قصص رعبرعب احمد يونساحمد يونسقصص احمد يونس رعبقصص حقيقيةقصة رعبافلام رعبتحميل قصص رعبصور رعبقصص رعب قصيرةقصص رعب على القهوةرعب ع القهوةقصص رعب كلام معلمينقصص رعب احمد يونس كلام معلميندستور قصص رعبقصص جنقصة رعب
